Diutronomi 32:11 - Buka Blahi Ka Cheke Holo

¹¹ Mana neke taji fakeli ghami ghotilo jateula gaghata te farirhiudi thugnare te mala flalo ra neku. Naꞌa theome snakredi thugnare te khoko pari, naꞌa flalo sukha ke parigna mala tako hagheni.

Diutronomi 32:11 ပူးပေါင်းရင်းမြစ်များ

Eksodas 19:4

‘Iagho themu neke filodihi glepo teke edi iara ka naiknodi Ijep ra. Eghuteuna ghotilo jaola neke filo ghauhi iara te hata mei ghami iara agne. Iara neke hata ghami ka namono igne jateula kaisei gaghata biꞌo te pala thugna re flalo te mei kligna ra neku agne.

Profet Isaia 46:4

Uve, iara nomi God ghotilo, eghume, iara ginauna reireghi ghami ghotilo fabrahu ghilei kuekuꞌe nei nufa eghu ghotilo. Iara neke vuavuha ghami ghotilo, eghuteuna iara ginauna reireghi ghami ghotilo. Iara ginauna na jaola togho ghami nei fakarhi ghami eghu ghotilo.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Thakle 12:4

Aonu sekogna na ne prosa ka maloa na ne khoko fatilogna nathunu na pari. Eghuteuna pholi na mei ne kegra ke ulugna gaꞌase te namo fakarha teu thugna na. Mana magnahaghei te ghamu thugna gaꞌase na kate karha mei majaghani na.

Hibru 11:3

Tahati fatutuani ni God. Eghume tahati laseni God tifa na neke hohoro u nauthoglu te filoni tahati igne ka chekegna. Mana hohoro gobigna lepo te filodi tahati igre ka unha te theome filodi tahati.

Profet Isaia 31:5

Iara Lord mae ihei te au nolaghi fateote'o, iara reireghini Jerusalem jateula nanghaji te flalo ke kligna gnoku te mala reireghini nogna gnoku na ia eghu. Iara ginauna jateula kaisei greoreo eghu tei salaꞌu ke kligna gna namono biꞌo Jerusalem mala fakarhadi.”

Thakle 12:14

Nu God ne tusu ranghini naꞌa phei baghi gaghata mala tangomana naꞌa te flalo te tei ka namono nagou te khaba ka pholi biꞌo na. Jare ka vido tuana mare ginauna reireghi fakelini naꞌa thilo finogha namno nhigra.

Jenesis 1:2

Nauthoglu igne neke fiti au nogna kolho neke theo kaisei nakarha tagna, neke theome jateula te filoni tahati gognaro gne neku. Nu nhorora na neke thafru neke iko tongana heva heva ka nauthoglu igne neke theo kaisei naphae tagna, aonu Tharunga te Blahi na ne soru mei ne tava ke kligna nhorora.

Diutronomi 33:12

Vikegna mae Benjamin, Lord thofno namha ghami ghotilo. Ghotilo tangomana te au muana balugna Lord. Mana au balumi ghotilo ka nomi thogele ghotilo are, eghuteuna mana reireghi ghami ghotilo fabrahu.

Nodi Khoje Hatimare Mae Jiu 18:10

Kaisei engel ne palani mana ne ghosei flalo ne mei ka nuri biꞌo na.

Profet Jeremaea 13:11

Ulu lahu na iara neke magnahaghedi fara naiknodi Israel ghe Juda igre te mala loku famaku ka iara jateula pohe te maku ka thinigna naikno na igne neku. Iara neke magnahaghedi mare te mala thofno nogu naikno iara te mala tangomana naiknogna nauthoglu igne te mala cheke fakeli ghau, ghatho tahu ghau nei fafnaknoni teu nanghagu iara na. Nu mare tirodi te leghu ghau iara na.” Igne chekegna Lord.

Profet Hosia 11:3

Iara farirhiudi jateula mae te farirhiuni thugna na te mala nonolo ra eghu. Nu neuba iara ne reireghidi, mare theome filo glani ghau iara.