Diutronomi 32:10 - Buka Blahi Ka Cheke Holo

¹⁰ “Lord neke filo ghami ghotilo ke lamna namono nagou aheva te theome tangomana kaisei naikno te au tagna eghuteuna nuri na ghaghafa fabrahu. Mana neke reireghi ghami nei fiofilo ghami neku ghotilo. Mana neke fakarhi ghami ghotilo, naugna ghotilo nhogri fara ka keha naiknore ka tathagna mana na.

Diutronomi 32:10 ပူးပေါင်းရင်းမြစ်များ

Profet Hosia 13:5

Iara neke reireghidi kuꞌemi ghotilora ke lamna namono nagou te brana fara ia.

Profet Sekaraea 2:8

Ke leghu na, Lord mae ihei te au nolaghi fateote'o igne neke vahi ghau iara mala tei toutonu eigna nonomho igne ka kantri te goigonidi nogu naikno iara igre. Mana neke cheke eghu, “Iheire te goigoni ghami ghotilo nogu naikno iara igre, mare jateula te goigoni ni thofno famane nogu glepo iara ra eghu.

Nodi Khoje Hatimare Mae Jiu 17:8

Reireghi ghau jateula iagho te reireghi fakelidi tathamu are eghu. Pophoru fakeli ghau jateula khokorako gaꞌase gna te toku tafrudi thugnare ke paridi phia bagignara eghu.

Profet Jeremaea 2:6

Mare ghatho ihoni teke atha fajifladi iara ka kantri Ijep tifa ra. Eghuteuna iara neke batudi neke tei ke lamna namono nagou. Namono te theo kaisei khoꞌu nei theo kaisei naikno tagna. Neuba iara ne fakarhidi, mare theome ghatho ghau nei hiro ghau eghu iara.

Famane Khoje 8:5

Ihei site mei funugna ka namono nagou, te loku khame te mei balugna kheragna na gnea? Kheraguo. Iara neke fadofra nigho ke pari gaju sisi te keli, ka vido aheva teke funu bukla idomu iagho, teke karha iagho na.

Proveb 7:2

Jame te leghu fakelidi iagho nogu cheke iara igre na, iagho ginauna au fakeli. Taji fakelidi nogu cheke iara igre, jateula iagho te taji fakelidi phei tathamu are eghu.

Letas Teke Riso Tei Mae Pol Ka Khiloau Rom 2:18

Ghotilo laseni gaoghathogna God na, eghuteuna ghotilo tangomana te vahidi unha glepo te famane doglore nei unha te theome doglore, naugna u vetula na cheke ranghi ghami ghotilo.

Diutronomi 4:36

Ka maloa na mana snakre ghami ghotilo mala nomhini naoglagna mana na, mala tangomana mana te fadogli ghami ghotilo na. Eghuteuna ka glose na mana snakre ghami ghotilo mala filoni nogna khaꞌaghi biꞌo na, mala tangomana ghotilo te nomhini chekegna mana te jifla mei ka khaꞌaghi igne.

Letas Teke Riso Tei Mae Pol Ka Khiloau Rom 3:2

Uve, puhidi mae Jiure keli fara, naugna glepo mala togho ghita ka thua nafnata puhi fateo. Glepo te ulu na igne: te laseni naikno te gnafare, chekegna God na neke tusu lao ka khamedi mae kuꞌeda tahati mae Jiura.

Diutronomi 1:19

Mae Moses ne cheke eghu, “Lord, noda God tahati na neke cheke ka tahati mala jifla Thogele Sanai, eghuteuna tei salaꞌu ka namono nagou biꞌo te thono diꞌa fara, mala tei posa ka nodi thogele kokhologna mae Amoa. Eghume tahati la eni igne la mei thoke agne Kades Banea.

Diutronomi 1:31

nei ka namono nagou ia eghu. Ghotilo la filonihi jateula kani teke hata fajifla ghita mana Ijep ia eghu, theo kaisei glepo teke goigoni ghita tahati ka nabrou te mei posa agne! Mana reireghi fakeli ghami ghotilo jateula kaisei mama te reireghi fakelini thugna na ia eghu.’

Nodi Khoje Hatimare Mae Jiu 107:40

Nu kate eni mare igne na, Lord na ne kakhana nogna nolaghi na ka mare eigna mana te theome magnahaghedi mare te goigoni ghita tahati na. Aonu mana neke fanonolodi mare ka namono nagou na, eigna jare na theo kaisei nabrou te mala leghui na.

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Jeremaea 2:17

Ghotilo faꞌeiꞌei puhi ne thoke ghami themi. Kate batu ghami iara ka puhi te doglo na, ghotilo tiromi leghu ghau iara nomi God.

Profet Jeremaea 13:11

Ulu lahu na iara neke magnahaghedi fara naiknodi Israel ghe Juda igre te mala loku famaku ka iara jateula pohe te maku ka thinigna naikno na igne neku. Iara neke magnahaghedi mare te mala thofno nogu naikno iara te mala tangomana naiknogna nauthoglu igne te mala cheke fakeli ghau, ghatho tahu ghau nei fafnaknoni teu nanghagu iara na. Nu mare tirodi te leghu ghau iara na.” Igne chekegna Lord.

Profet Esikiel 16:5

Theo kaisei naikno kolho nate kokhoni nigho te mala reireghi nigho na. Kate karha iagho na, mare tirodi nigho iagho, eghuteuna mare lilisei nigho iagho kolho kosi ka glalaba na mala lehe iagho.

Profet Esikiel 20:36

Iara ginauna fate ghami ghotilo jare jateula teke fatedi iara kuꞌemi ghotilo ka namono nagou Ijep na tifa ra eghu. Igne nogu cheke iara Lord God.

Profet Hosia 11:3

Iara farirhiudi jateula mae te farirhiuni thugna na te mala nonolo ra eghu. Nu neuba iara ne reireghidi, mare theome filo glani ghau iara.

Nogna Buka Esta 6:13

Aonu mana ne toutonu ka Seres baludi kheragna re eidi gobigna lepo te edi ka narane igne. Aonu khetogna nei kheragna teu mana igre ne cheke eghu ka mana, “Gognarona iagho theo kaisei nou nolaghi ka mae Modikae. Mana ginauna ulu nigho iagho, naugna mae igne kaisei mae Jiu.”

Profet Sekaraea 2:12

Nohi Juda igne ginauna mala nogna Lord ka nogna glose blahi mana. Eghuteuna mana ginauna nake vahini Jerusalem kaisei namono mala au mana tagna.