Diutronomi 32:1 - Buka Blahi Ka Cheke Holo

¹ “Maloa ghe glose, ghopa fanomho ka nogu cheke iara gne, ghopa fanomho fakeli ka unha te chekedi iara igre.

Diutronomi 32:1 ပူးပေါင်းရင်းမြစ်များ

Profet Isaia 1:2

Lord ne cheke faheta eghu, “Ghopa maloa ghe nauthoglu ra! Ghopa fanomho mei ka nogu cheke iara igre! Funu ka narane te ikodi teku thugu iara igre, iara neke reireghi fakelidi, nu gognarona mare tirodi fanomho ka nogu cheke iara re.

Diutronomi 4:26

Iara kilodi maloa ghe nauthoglu mala fiofilo fakeli ka nogu cheke iara igre gognarona. Jame te horo thua nafnata mumuju ghotilo na, ghotilo na theome raugha dofi ghami ka glose te khotogna ghotilo tuana, naugna Lord ginauna falelehe kmana naikno ka ghotilo.

Profet Jeremaea 22:29

Nogu glose iara, nogu glose iara, nogu glose iara! Iagho fanomho fakeli ka chekegna Lord!

Nodi Khoje Hatimare Mae Jiu 49:1

Ghotilo naikno ka namono te gnafa ra, ghotilo kafe fanomho! Mae funeira, mae mavitura, mae te dedeira, nei mae te kumara, nei ghotilo te gnafa ka nauthoglu igne ra ghotilo fanomho fakeli ka cheke igne!

Profet Jeremaea 6:19

Ghotilo naikno te gnafa ka nauthoglu ignera, famane fanomho mei! Kaisei puhi biꞌo ginauna thokedi nogu naikno iara igre, naugna mare ne leghuni fabrahu puhi te diꞌa na. Mare theome fanomho ka nogu cheke iara re, nei tirodi leghudi nogu vetula iara re.

Nodi Khoje Hatimare Mae Jiu 50:4

Mana eha lao ka maloa kligna na nei ka nauthoglu pari igne mala au jare balugna mana mala fatedi mana nogna naiknore.

Diutronomi 31:28

Iara magnahaghei ghami ghotilo te chekedi mae mala baubatu ka vike nei mae biꞌo teu ra mala kafe mei. Mala tangomana iara te cheke fadoglo ka mare na, eghuteuna iara ginauna kilodi maloa ghe glose mala jateula witnes eghu ka unha te chekedi iara ka mare igre.

Diutronomi 30:19

“Gognarona iara cheke fadoglo ari ka ghotilo jame ghotilo kolho te mala vahidi puhimi ghotilo re. Iara eha tei ka maloa ghe glose mala jateula witnes eghu repa ka nogu cheke iara gre. Eghume, ghotilo magnahaghei karha, ba ghotilo magnahaghei lehe? Ghotilo magnahagheni Lord te mala fablahi ghami, ba ghotilo magnahaghei ni Lord te goigoni ghami? Iara magnahaghei ghami ghotilo fara te mala vahini u karha na! Ghotilo mala namhani Lord nomi God, eghuteuna ghotilo mala fanomho ka mana nei leghuni fabrahu eghu mana. Lord kolho te tangomana te tusu ari karha ka ghotilo nei ka vikemi ghotilo ra eghu. Eghuteuna ghotilo ginauna tangomana te au raugha ka glose teke nhaꞌa cheke mana ka thilo mae kuꞌemi ghotilo ra Ebraham, Isak nei mae Jekop.”

Profet Jeremaea 2:12

Eghume, te chekeni iara Lord na igne, “Maloa, iagho ginauna jaglo nou fara ka puhidi naiknodi Israel te diꞌa fara igre!” Igne chekegna Lord.

Diutronomi 31:30

Aonu mae Moses ne chekedi chekegna khoje igne ka naiknodi Israel teke mei fanomho re.

Profet Isaia 34:1

Ghotilo naikno te gnafa te au ka keha kantri ra! Ghotilo mei fanomho fakeli! Uve, naikno te gnafa, nei gobigna lepo te gnafa teu ka nauthoglu igne ra kafe fanomho mei.

Diutronomi 31:19

“Gognarona, iara na tusu ari kaisei khoje ka ghotilo, eghuteuna iara magnahaghei ghami ghotilo te rioriso khoje igne. Moses, iagho farirhiudi naiknodi Israel mala koje mare. Ka puhi igne, khoje igne ginauna kaisei glepo te mala laseni te iara leghuni kolho unha teke chekeni ka mare ia.