Diutronomi 31:3 - Buka Blahi Ka Cheke Holo

³ Nu Lord ginauna tei ke ulumi ghotilo, eghuteuna mana ginauna goigonidi naikno te au ka glose nate tei ghotilo tagna na, eghuteuna ghotilo ginauna khotodi gobigna lepo te au ka nodi glose mare re. Gognarona mae Josua ginauna nate nomi mae lida ghotilo na jateu tela chekenihi Lord ia eghu.

Diutronomi 31:3 ပူးပေါင်းရင်းမြစ်များ

Diutronomi 9:3

Nu gognarona ghotilo laseni, Lord nomi God ghotilo na neke nhaꞌa chekehi te mala kulu ulu ka ghotilo na. Kate kulu tei na mana ginauna jateula kaisei khaꞌaghi te gnhubra gobigna lepora eghu na thofno goigonidi fara naikno tuare. Eghume ghotilo tangomana te ngolhi fajifladi re, eghuteuna ghotilo ginauna ghosei aknu falehedi kolho.

Josua 4:14

Ka narane igne, Lord ne fafnaknoni mae Josua ka gaoghathodi naikno te gnafa Israel. Mare ne ghatho tahuni fabrahu mae Josua ka nakarhagna mana na, jateula mare teke ghatho tahuni mae Moses tifa ia neu.

Josua 1:2

Lord ne cheke eghu ka mae Josua, “Nogu mae gloku iara Moses ia la lehehi, nu gognarona, ghotilo tarabana mala tei kasa ka Khoꞌu biꞌo Jordan, mala tei ka namono teke magnahagheni iara mala au ghotilo teku ia.

Diutronomi 31:23

Aonu Lord ne cheke eghu ka mae Josua, “Rheta gaoghathomu na nei kegra maku fabrahu eghu. Iagho ngala ginauna batudi tei naiknodi Israel ka glose aheva teke nhaꞌa cheke hi iara mala tusu ari ka ghotilo teku ia. Eghuteuna iara ginauna au balumi ghotilo.”

Diutronomi 3:28

Nu iara magnahaghei te famane cheke ka mae Josua, eghuteuna iagho farerheta gaoghathogna mana na, naugna ginauna mana u ngala te mala batudi naiknore te kasa ka Khoꞌu biꞌo Jordan mala hata glose nate filoni iagho na.’

Hibru 4:8

Te laseni tahati na mae Josua neke theome batudi kuꞌeda tahati re neke tei ka vido mala gnafa na, mala gnafa balugna God. Tahati laseni igne naugna ke leghugna igne God neke cheke eigna keha narane nate mei ginauna.

Mae Khuru 7:45

Ke leghu, mae Josua na neke batudi mae ku'edara neke tei magra hatini namono majaghani na ka keha vike teke kulu au jare na. God toghodi mare ne brue fadeleidi naikno bongihehe tuare mala ke ruma haghe ka namono tuana vikeda tahati ra. Kate tei vikeda tahati re ka namono majaghani igne, mare ne hata baludi suga tapuale igne. Mare neke hata ka mae kmadire suga tapuale igne, eghuteuna tathaji meu me ghilei thokeni narane gna mae King Devet.

Josua 3:7

Lord ne cheke eghu ka mae Josua, “Gognarogne, iara ginauna fafnaknoni nanghamu iagho na ka tathadi naiknodi Israel, mala laseni naiknore te au fabrahu iara balumu iagho na, jateula teke au fabrahu iara balugna mae Moses tifa ia eghu.

Diutronomi 34:9

Eghuteuna mae Josua thugna mae Nun neke tughuni mae Moses, eghuteuna Lord ne toghoni mae Josua ne lalase fara, naugna mae Moses neke taofinihi mana. Aonu naiknodi Israel igre ne leghuni mana ne edi jateula teke chekedi Lord ka mae Moses ra neu.

Diutronomi 31:14

Aonu Lord ne cheke eghu ka mae Moses, “Gognarona, nou narane te mala lehe iagho na la namohi. Kilo meini mae Josua mala mei ka nogu Suga Tapuale te Blahi iara na. Eghuteuna iara ginauna fablahi ni mana jare mala nodi lida mae Israel.” Aonu mae Moses ghe mae Josua ne tei ka Suga Tapuale te Blahi na.

Jenesis 48:21

Aonu mana ne cheke eghu ka mae Josep, “Fanomho iagho ia. Iara gne la namo lehe. Nu God ginauna na au balumi ghotilo eghuteuna mana ginauna nake hata fafigri ghami ghotilo ka namonodi kuꞌemi ra.

Diutronomi 31:4

Lord ginauna goigoni naiknodi Kenan jateula teke goigonidi mana King Sihon ghe King Og, nei nodi namono vikegna mae Amoa.

Diutronomi 1:30

Lord, nomi God ghotilo ginauna batu ghami ghotilo mala magra balumi ghotilo, jateula tela filonihi ghotilo Ijep

Diutronomi 7:1

Aonu mae Moses ne cheke eghu, “Lord, nomi God ghotilo na ginauna hata ghami ghotilo tei mala hata glose ka vikegna mae Het, nei ka vikegna mae Gigas, nei ka vikegna mae Amoa, nei ka vikegna mae Kenan, nei ka vikegna mae Peris, nei ka vikegna mae Hivi, nei ka vikegna mae Jebus. Mana ginauna ngolhi fajifladi keha naikno te au ka glose igne. Eghuteuna neuba fitu vike igre ne nheta ulu ghami ghotilo,

Josua 11:15

Tifa na Lord neke cheke ka mae Moses nogna mae gloku na. Eghuteuna mae Moses neke tusu lao nogna cheke Lord igre ka mae Josua. Eghume mae Josua ne leghudi nogna cheke mana igre ne edi gobigna lepore jateula teke chekedi Lord ka mae Moses igre neu.