Diutronomi 31:27 - Buka Blahi Ka Cheke Holo

²⁷ Iara lase ghamihi te patu gama fara ghotilo ranghini Lord. Neuba, kate karha teu te au teu iara balumi ghotilo gognarogne, leuleghu fata na ghotilo figri tagruni Lord. Eghuteuna jame te lehe iara na, iara laseni ghotilo ginauna tangomana nate figri tagruni fara mana na.

Diutronomi 31:27 ပူးပေါင်းရင်းမြစ်များ

Diutronomi 32:20

“Lord neke cheke eghu ka ghotilo, ‘Gognarona iara poru ka ghotilo. Aonu iara ginauna na filoni unha nate goigoni ghami ghotilo na, naugna ghotilo ne phaꞌu boto fara, eghuteuna ghotilo sua theome ghatho tahu ghau iara.

Diutronomi 9:24

Funu ka narane te lase ghami iara te ghilei mei posa gognarogne, ghotilo theome keli ranghini Lord.

Mae Khuru 7:51

Mae Stivin tudu ne cheke eghu, “Icho idomi, ghotilo mae mala baubatu gre pha'umire thono romno fara. Eghuteuna nagnafami ghotilo re jateula naikno bongihehe eghu, eghuteuna ghotilo tiromi fara te fanomho ka chekegna God na. Leuleghu fata na ghotilo huhughuni fara mae Tharunga te Blahi na jateula mae ku'emi tifa ra eghu.

Profet Isaia 48:4

Iara lase ghamihi ghotilo, eghuteuna phaꞌumi ghotilore ginauna patugama fara jateula thina nei aean eghu na theome leghuni nogu cheke iara na.

Nodi Khoje Hatimare Mae Jiu 78:8

Ka puhi igne mare ginauna na theome jateula mae kmadi tifara eghu, eigna mare neke huhughuni God, nei tirodini mana neku. Hatimare neke tirodi ghatho tahuni God, nei mare neke jaola neke tirodi fatutuani ni God.

Fapea Kronikols 30:8

Ghotilo thosei patugama jateula mare eghu. Ghotilo mala faꞌuveni Lord. Eghuteuna mana neke horo nogna Sugablahi na Jerusalem mala blahi fabrahu. Ghotilo mei ka Sugablahi igne mala tarai ka mana, mala theome diꞌatagna mana ka ghotilo.

Diutronomi 9:4

“Aonu ke leghugna teke kulu ulu Lord nomi God ghotilo na teke ngolhi fajifladihi naikno igre na, ghotilo thosei cheke eghu fari themi, ‘Lord neke hata mei ghami ghehati ka glose igne naugna ghehati gne doglo ka tathagna mana na!’ Theo, mana ginauna ngolhi fajifladi naiknore naugna mare ne leghuni puhi te diꞌa na.

Diutronomi 9:13

“Eghuteuna Lord ne cheke eghu ka iara, ‘Iara la lasedihi naikno igre, mare patu gama fara.

Diutronomi 31:26

“Ghotilo hata nogna Buka vetula Lord nomi God igne tei lilisei rhegna nogna Bokis Blahi Nhaꞌa cheke mana na. Igne jateula kaisei witnes eghu ka ghotilo naiknomi Israel jame te leghudi ghotilo puhi te diꞌa re.

Nehemaea 9:16

“Nu kuꞌemi ghehati tifa ra neke fahaehaghe fara nei patugama fara neku, eghuteuna mare theome leghudi nou cheke iagho re.

Ululahu Samuel 12:15

Nu jame te theome leghuni ghotilo Lord te figri tagruni nogna cheke mana na, mana ginauna figri tagru ghami ghotilo jateula teke figri tagrudi mana kuꞌemi ghotilo tifa ra eghu.

Nehemaea 9:29

“Iagho neke cheke faheta ka mare mala leghudi mare nou cheke iaghore, nu mare fahaehaghe fara nei theome leghudi eghu nou cheke iagho re. Jame ihei te leghudi nou vetula iagho re, mana tangomana te hatini u nakarha te keli na. Nu neuba ngau, mare patugama fara, eghuteuna mare figri tagruni vetula igne, eghuteuna mare tirodi fanomho nei leghu nigho eghu.

Nodi Khoje Hatimare Mae Jiu 78:17

Neubane eghu ngau, kate au ka namono nagou na, naiknore neke theome gnafa te eni nakhibo ra ranghini God mae ihei te fnakno fara na.

Profet Isaia 30:9

Naikno igre patugama fara eghuteuna leuleghu fata na jateula sua te chaghi nei theome fanomho teura eghu. Uve, mare theome leghuni nogu farirhiu iara Lord.

Profet Jeremaea 5:23

Tore, phaꞌumi ghotilore maku jateula thina eghu, eghuteuna leuleghu fata na ghotilo theome keli tami ka iara. Ghotilo theome magnahaghei ghau iara nei tei koko ghau iara.

Profet Esikiel 20:21

“ ‘Nu goro sua gre jaola magri ghau iara. Eghuteuna neuba mare ne laseni te mae ihei ngala te leghudi nogu vetula iara re ngala nate hatini u nakarha te keli na ginauna neu, mare theome leghudi kolho nogu cheke iara re, ba taji fakelidi nogu vetula iara re. Eghuteuna narane Sabat mala gnafa mare teku iara igne jateula te fiti narane ra eghu kolho ka gaoghathodi mare na. Naugna igne iara diꞌatagu fara neke ghaoghatho te mala paradi mare ke lamnagna namono nagou na.