Diutronomi 31:16 - Buka Blahi Ka Cheke Holo

¹⁶ Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Diutronomi 31:16 ပူးပေါင်းရင်းမြစ်များ

Jajis 10:6

Eghuteuna theome raugha ke leghudi igre, naiknodi Israel igre ne funu huhughuni Lord ne tarai ka mumujudi Baal ghe Astarot. Mare jaola tarai ka nodi god naiknodi Siria, nei nodi god naiknodi Saedon, nei nodi god naiknodi Moab, nei nodi god naiknodi Amon, nei nodi god naiknodi Filistia.

Jajis 10:13

Nu neuba, ghotilo tei koko ghau iara eghuteuna ghotilo tarai ka keha god delei. Ginauna iara na theome tangomana nate fakarhi ghami ghotilo na.

Jajis 2:12

Lord ngala nodi God ku'edi mare ra, eghuteuna mana ngala teke atha fajifladi mare Ijep. Neuba ne eghu ngau, mare theome ghatho tahuni mana eghuteuna mare tarai ka nodi god naikno te au faligohodi mare. Aonu Lord ne thofno diꞌatagna fara ka mare.

Eksodas 34:15

“Ghotilo thosei eni kaisei nhaꞌa cheke te mala au fakeli baludi naikno gna glose igne, naugna kate pogho soru te tarai nei fafara mare ka nodi god re teuna, mare ginauna kilo ghami ghotilo mala tarai baludi. Glahu ghamu ghotilo gano teke fafara lao mare ka nodi god re.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Profet Esikiel 16:15

“ ‘Nu iagho hata puhi te mala famane fara filomu na eghuteuna mae nalhaꞌure neke lase fakeli nigho iagho, te mala jateula thau vine teuna. Iagho mala thuru fodu kolho balugna kaisei mae ihei te mei ka iagho na, iagho mala jateula khotogna eghu mana.

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Fapea Samuel 7:12

Kate lehe iagho te giugilui nigho mare baludi mae kuꞌemu iaghora, iara ginauna vahini kaisei mae thumu iagho te mala king na. Mae igne ginauna kaisei mae king rheta, eghuteuna theo kaisei glepo nate faparini mana na.

Profet Jeremaea 31:32

Nhaꞌa cheke igne ginauna na theome jateula nhaꞌa cheke teke eni iara ka kuꞌedi mare tifa kani teke baubatudi teke jifla iara ka kantri Ijep. Uve, neuba iara ne namhadi fara jateula mae ihei te namhani khetogna na ia neu, mare neke huhughuni nhaꞌa cheke tuana.

Nodi Khoje Hatimare Mae Jiu 106:39

Uve, ka puhi igne na mare fathonadi fara thedi ka tathagna God na, nei figri tagruni nei theome leghuni eghu nogna nhaꞌa cheke mana na.

Nodi Khoje Hatimare Mae Jiu 73:27

Iheire te figri tagru nigho iagho re ginauna lehe dofidi. Eghuteuna iheire teke leghu nigho iagho tifa ra, mare gognaro na kela tei koko nigho iaghohi. Iagho ginauna goigonidi mare.

Levitikas 26:15

Jame te thofno tiromi leghudi ghotilo nogu vetula nei nogu cheke teu iara igre na, ghotilo huhughuni nhaꞌa cheke teke eni iara balumi ghotilo ia,

Eksodas 32:6

Aonu, hamerane boibongi ka keha narane na, naiknore atha ne mei buluka, sipu, nanigot neu ne edi thua sopai nafnata fafara. Nu kate gnokro te ghamu naiknore vido gano teke fafara igre, mare ghamu nei koꞌu neu ne ghilei thaviru fara, ne funu eni tafri kolho puhi te diꞌa na.

Jenesis 25:8

Mana neke mae khueku'e fara, nei au glealeꞌa fara neku ka nakarhagna. Kate lehe na, tharungagna mana na neke tei au baludi tharungadi vikegna mana teke lehe tifa ra.

Jenesis 15:15

Ghema Ebram, iagho ginauna au blagna nou kate kueku'emu na ghilei lehe, eghuteuna mare ginauna na giugilui nigho iagho.

Jenesis 47:30

Kate lehe iara na, iagho mala ke pulo giugilui ghau iara ka namono aheva teke giugilui mae kuꞌegu ra.” Mae Josep ne cheke eghu ka mae kmagna na, “Iara ginauna na eni unha te chekeni iagho na.”

Diutronomi 4:25

Neuba ghotilo ne au raugha ka glose igne ne au thumi nei grami neu, ghotilo jafra jame te sari mumuju ghotilo te tarai tagna na. Jame te eni ghotilo glepo te jafra nei theome doglo teu ka tathagna Lord igne na, mana ginauna diꞌatagna fara ka ghotilo.

Jajis 2:11

Ka narane tuare, naiknodi Israel igre ne funu edi puhi te diꞌa ka tathagna Lord nei tarai ka god chaghi Baal.

Ululahu Kings 1:21

Jame te theome cheke iagho ka mare gognarogne na, kate lehe iagho na, mare ginauna filo ka ghepa Solomon na jateula naikno te diꞌa ra eghu kolho, eghuteuna mare ginauna falehe ghami ghepa.”

Ululahu Kings 18:18

Nu mae Elija ne cheke eghu ka mana, “Theo! Iara theome mae mala ei puhi biꞌo agne Israel. Iagho! Iagho baludi tharaknagna mae kmamu ra! Naugna ghotilo ne tiromi leghuni chekegna Lord na, eghuteuna ghotilo tarai ka mumuju god Baal.

Ululahu Kings 19:10

Eghuteuna mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho ne loku ranghi nigho. Nu naiknodi Israel igre, tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Profet Jeremaea 36:7

Jame te keli na mare fanomho nei tughu nagnafa eghu ka cheke te eidi iagho igre. Eghuteuna iagho toreni Lord mala atha koko mana nakhibo te edi mare te diꞌatagnadi mana ka mare igre.”

Profet Hosia 1:2

Ka narane igre, God ne cheke eghu ka mae profet Hosia, “Iagho na tei tolaghi ka kaisei gaꞌase, eghuteuna gaꞌase igne ginauna theome ghatho tahuni puhigna tholaghi na. Eghuteuna thugnare ginauna jaola leghuni puhigna idodi na. Nafnata gaꞌase igne ginauna fakakhana puhidi naikno te tei koko ghau iara te tei tarai ka mumuju god igre.”

Profet Hosia 10:4

Mare edi kmana nhaꞌa cheke chaichaghi, nei fiti fatei cheke ka keha kantri delei. Mae Israel gre la kokohi puhi te doglo na la leghuni kolho puhi te diꞌa na. Mae igre jateula gnarho khori te mala falehe sasa te kotu haghe ka nagare ra eghu.

Jenesis 47:29

Kate namo thoke mei narane te mala lehegna na, mana ne toreni mae thugna Josep mala tei filoni. Kate posa mei mae Josep na, mae Jekop ne cheke eghu, “Jame te namha ghau iara na, iagho lilisei khamemu na ke parigna gahegu iara gne. Iagho nhaꞌa cheke ka iara mala thosei giugilu ghau iara agne Ijep.

Naba 27:13

Kate gnafa filo iagho ka namono tuare, iagho ginauna lehe jateula mae thabusimu mae pris Eron teke lehe tifa ia eghu.

Diutronomi 31:18

Iagho laseni, ka narane tuana, iara ginauna thofno poru ka mare naugna mare ne leghudi puhi te diꞌa re figri ne tei tarai nei pogho soru neu ka keha god delei.

Diutronomi 32:50

Iagho ginauna lehe jare ka thogele tuana, jateula thabusimu iagho Eron teke lehe ka thogele Hor.

Diutronomi 34:5

Aonu, mae Moses nogna mae gloku Lord igne ne lehe jare Moab, ne thofno horoghoto ka chekegna Lord na.

Fapea Kings 18:12

Samaria ne snagu ka armi gna Asiria, naugna naiknodi Israel gre ne theome leghuni Lord, nodi God na. Nu mare huhughuni u nhaꞌa cheke teke eni mana baludi na, eghuteuna mare theome leghudi vetula teke chekedi mae Moses, nogna mae gloku Lord ra. Mare theome fanomho ka Lord, eghuteuna mare jaola theome leghuni mana.

Fapea Kings 20:1

Theome raugha armi gna Asiria igne mei ne magra Juda, King Hesekaea ne fogra fara ne ghilei namo lehe. Aonu profet Isaia thugna mae Amos, tei ne cheke eghu ka mana, “Lord ne cheke eghu, ‘Te keli na iagho fadoglidi nou gobigna lepore, eigna iagho ginauna lehe, eghuteuna iagho ginauna theome tangomana na teke keli fapulo na.’ ”

Fapea Kronikols 21:11

Mana horo vido blahi ke kligna thogele te au ka kantri Juda mala tarai ka mumuju, eghuteuna mana batudi keha naiknodi Jerusalem nei Juda eghu mala lisa kokoni puhi te doglo na.

Profet Isaia 48:8

Iara theome rouronu ghami ghotilo, eigna ghotilo ne figri tagru ghau iara funu karha meimi ka nauthoglu igne. Naugna igne, iara neke theome chekedi glepo igre ka ghotilo, eghuteuna ghotilo neke theome nomhidi glepo igre.