Diutronomi 30:9 - Buka Blahi Ka Cheke Holo9-10 Ghotilo mala leghuni Lord nomi God, eghuteuna leghudi nogna vetula nei nogna farirhiu teu mana te rioriso soru ka Buka na igre. Eghuteuna ghotilo mala ke figri mei ka Lord nomi God gaoghathomi fateote'o nei nomi glalase fateote'o. Jame te eghu ghotilo na, mana ginauna tusu ranghi ghami nakarha te keli, eghuteuna ghotilo ginauna na au kmana thumi, nei kmana nomi buluka, sipu, nanigot, dongki nei hose, eghuteuna ghemi nagare ghotilo re ginauna au kmana gano tadi. Eghuteuna Lord ginauna keli tagna fara ka ghotilo eghuteuna togho ghami ghotilo mala au ka nakarha te keli te salaꞌui, jateula mana te keli tagna ka ghotilo gognarogne eghu.” အခန်းကိုကြည့်ပါ။ |
Ka narane tuana, naikno te gnafa ka nauthoglu igne ginauna gleale'a fara eidi glepo te keli te edi iara ka namono igne, eghuteuna mare ginauna cheke fakeli ghau iara nei fafnaknoni nanghagu iara na. Mare ginauna rhana nodi fara kate nomhini nonomho eigna puhi te eni iara ka naikno te au fakeli ka pharikeli ka namono igne.
Mei te posa gognarogne, kate leghuni Lord ghotilo na mana neke keli tagna ka ghotilo neke tusu ranghi ghami nakarha te keli neke thovu neke kmana naikno. Nu jame te theome leghuni ghotilo mana na, mana ginauna keli tagnau kolho te thofno goigoni ghami ghotilo na. Jateula mae ihei te rathu koko buburu te diꞌa ka nagare ra eghu, mae naoka igre ginauna mei hata fajifla ghami ghotilo ka glose nate tei te hata ghotilo igne.
“Iara ginauna togho ghami ghotilo mala au fakeli ka nomi kantri igne, eghuteuna ghotilo ginauna tangomana te thuru fakeli na eghuteuna bongiro na ghotilo ginauna theome mhaghuni kaisei glepo. Glepo tautagu te lase falehe naikno igre iara ginauna ngolhi fajifladi ka nomi vido ghotilo re, eghuteuna ginauna theo kaisei magra nate mei ka nomi kantri ghotilo igre.
Theo kaisei naikno nate chekeni, Lord ginauna na tei koko ghami ghotilo teuna. Theo kaisei naikno nate chekeni nomi glose ghotilo igne ginauna jateula gaꞌase te kokohi khetogna na ra teuna. Nu igne nangha majaghani nate kilo ghami mare na, ‘Lord na kelitagna fara ka ghotilo.’ Nomi glose ghotilo igne mare ginauna kiloi, ‘Mana kelitagna fara ka khetogna na.’ Naugna Lord ginauna kelitagna fara ka ghotilo, eghuteuna mana ginauna reireghi fakelini nomi glose ghotilo igne jateula kaisei mae te reireghi fakelini khetogna na ia eghu.