Diutronomi 30:6 - Buka Blahi Ka Cheke Holo

⁶ Aonu Lord nomi God ginauna hata koko glepo te diꞌa fateote'o ka gaoghathomi ghotilo are, nei ka gaoghathodi vikemi ghotilo are eghu. Eghume ghotilo te gnafa ginauna namhani mana ka gaoghathomi fateote'o, nei ka nomi glalase fateote'o mala tangomana ghotilo te karha na.

Diutronomi 30:6 ပူးပေါင်းရင်းမြစ်များ

Diutronomi 10:16

Eghume, ghotilo kato koko gobigna lepo ka gaoghathomi ghotilo te patu gama nei theome tajini teu nogna nhaꞌa cheke Lord igne.

Profet Jeremaea 32:39

Eghuteuna iara ginauna toghodi mare mala kaisei loku fodu ka kaisei nodi gaoghatho ka unha nate eni mare na. Leuleghu fata na mare te gnafa na mala ghatho tahu ghau iara ka nakarhadi na, eghuteuna mare balu thudi nate karha mei ke leghudire tangomana nate au fakeli na.

Kolose 2:11

Kate mei ghotilo te kaisei balugna mae Kraes na, mana ne hata fasnagla ghami ka gaoghatho te diꞌa. Kraes neke tohi fagaglana ghami ghotilo, theome tohi fagaglana fei thini nu fei tharunga.

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Ululahu Jone 4:7

Uve kheraguro, tahati fari namhai, naugna namha na mei funu ka God. Ihei te namha na thugna God nei laseni God.

Fapea Korin 5:17

Tutuani fara, ihei te nogna Kraes na, mana kaisei naikno majaghani. Glepo te thonare la theohi ka mana, eghuteuna glepo te majaghanire teke mei au ka mana re.

Matiu 22:37

Mae Jisas ne cheke eghu ka mana, “Namhani Lord nou God ka nagnafamu fateo, nei ka gaoghathomu fateo, nei ka nou glalase fateo.

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Ululahu Korin 8:3

Nu ihei te namhani God na, God laseni mana.

Letas Teke Riso Tei Mae Pol Ka Khiloau Rom 11:26

Eghuteuna ka nabrou tuana, God ginauna fakarhidi gnafa naiknodi Israel gre, jateula te chekeni ka grioriso te blahi na, “Mae fakarhai te mala fakarhidi naiknore ginauna jifla mei ka hatimare mae Jiu. Mana ginauna hata fadelei puhi te diꞌa te gnafa ka vikegna mae Jekop.

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Eksodas 20:6

Nu jame te namha ghau iara nei leghudi nogu vetula iara gre teu ghotilo na, iara ginau na thofno namha ghami ghotilo nei kaisei thogha vikemi ghotilo nate karha mei teu thogheiro re.

Profet Jeremaea 9:26

Tutuani, naiknodi Ijep, nei naiknodi Juda, nei naiknodi Idom, nei naiknodi Amon, nei naiknodi Moab, nei iheire te au ka namono nagou te leghuni puhi kastom na te kuchi fakmoꞌei khakla ka greredi re igre, neubane vahehi thinidire, nu mare jateula naikno te theome vahe ra eghu leghuni puhi te diꞌa na. Eghuteuna neubane mae Israel tela vahehi igre, nu puhidire jateula naikno bongihehe te theome vahe ra eghu fara, eghuteuna mare theome tajini nodi nhaꞌa cheke teke eni mare balugu iara na.” Igne chekegna Lord.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Profet Jeremaea 24:7

Iara ginauna nhaꞌa lao gaoghatho te keli ka mare, mala tangomana mare te lase ghau iara Lord. Eghuteuna mare ginauna nogu naikno iara, eghuteuna iara nodi God mare, naugna mare ginauna nake pulo mei ka iara balu thofno gaoghathodi.

Diutronomi 11:1

Mae Moses ne cheke eghu, “Ghotilo mala namhani Lord nomi God nei leghudi fabrahu nogna vetula, nogna farirhiu nei nogna cheke teu mana ka ghotilo igre.