Diutronomi 30:5 - Buka Blahi Ka Cheke Holo

⁵ Lord nomi God ginauna nake hata fapulo mei ghami ghotilo ka glose teke kulu au ghotilo tagna igne. Eghuteuna ka narane tuana, mana ginauna nake snakreni ka ghotilo mala ke khotogna glose tuana, mala au ka nakarha te keli, nei mala ke rheta salaꞌui ghotilo gognaro gne.

Diutronomi 30:5 ပူးပေါင်းရင်းမြစ်များ

Profet Jeremaea 29:14

Uve, ghotilo ginauna filo ghau iara, eghuteuna iara ginauna atha fajifla ghami ghotilo ka namono te au teu ghotilo gognaro igne mala ke figri ka nomi thofno namono na.”

Naba 10:29

Kaisei narane mae Moses ne cheke ka mae Hobab thugna mae Ruel. Mae Ruel gne mae gna Midian, eghuteuna mae Ruel gne nanghogna mae Moses. Moses ne cheke eghu ka mae Hobab, “Ghehati ginauna tei ka vido te keli teke nhaꞌa chekeni Lord mala tufa ka ghehati teku gne. Eghume keli fara jame te mei iagho balumi ghehati na. Jame te mei iagho na, ghehati ginauna reireghi nigho iagho.”

Diutronomi 7:13

Eghuteuna kate leghudi ghotilo vetula igre, mana ginauna namha ghami nei fablahi ghami eghu mala vuragha au kmana thumi ghotilo, eghuteuna ghemi nagare ghotilo re ginauna au kmana gano, eghuteuna ghotilo ginauna au ghemi kmana waen, nei kmana oel mala kuki. Eghuteuna mana ginauna fablahidi nomi buluka nei sipu teu ghotilo re mala karha kmana thudi. Ka puhi jateula igre eghu mana ginauna tangomana te fablahi ghami ghotilo kate au ghotilo ka glose teke nhaꞌa chekehi mana ka kuꞌemi ghotilo ra.

Diutronomi 13:17

Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Nodi Khoje Hatimare Mae Jiu 119:68

Iagho keli fara nei eni unha te keli na eghu ranghi ghau iara. Eghume, farirhiu ghau iara sagho nou vetulare eghu.

Profet Jeremaea 30:3

Ka narane tuana, iara ginauna nake atha fafigri naiknodi Jerusalem nei Juda mala ke pulo mei au fakeli ka nodi namono teke tusu ari iara ka vikedi mare tifa ra.”

Profet Jeremaea 33:9

Ka narane tuana, naikno te gnafa ka nauthoglu igne ginauna gleale'a fara eidi glepo te keli te edi iara ka namono igne, eghuteuna mare ginauna cheke fakeli ghau iara nei fafnaknoni nanghagu iara na. Mare ginauna rhana nodi fara kate nomhini nonomho eigna puhi te eni iara ka naikno te au fakeli ka pharikeli ka namono igne.

Profet Esikiel 36:11

Iara ginauna toghodi mala kmana nei vuragha eghu mare, eghuteuna thudire ginauna jaola kmana fara salaꞌudi teke tifara. Eghuteuna nodi buluka, nei sipu, nei nanigot teure ginauna na jaola kmana fara. Eghuteuna mare ginauna laseni te iara Lord.

Profet Esikiel 36:37

Lord God neke cheke eghu, “Iara ginauna snakredi naiknodi Israel ra mala tore ka iara mala toghodi. Eghuteuna iara ginauna toghodi mare mala kmana nei vuragha eghu jateula kaisei bukrei sipu eghu.