Diutronomi 30:3 - Buka Blahi Ka Cheke Holo

³ Jame te eghu ghotilo na, Lord ginauna kelitagna ka ghotilo, eghuteuna mana ginauna tangomana nate atha fajifla ghami ka keha namono aheva teke brue ghami mana teke tei ghotilo tadi are.

Diutronomi 30:3 ပူးပေါင်းရင်းမြစ်များ

Profet Jeremaea 29:14

Uve, ghotilo ginauna filo ghau iara, eghuteuna iara ginauna atha fajifla ghami ghotilo ka namono te au teu ghotilo gognaro igne mala ke figri ka nomi thofno namono na.”

Profet Esikiel 36:24

“ ‘Iara ginauna hata ghami ghotilo mala ke pulo mei funu ka kantri aheva te au ghotilo tagna na, eghuteuna lisei ghami ka nomi namono ghotilo na.

Lamentations 3:32

Neuba mana ne para ghita, nu mana ginauna tangomana te kokhoni ghita nei keli ranghi ghita teuna, naugna mana ghatho tahu ghita fabrahu.

Nodi Khoje Hatimare Mae Jiu 147:2

Lord kela babana fapulo Jerusalem. Uve, mana kela hata fapulo kherada teke sneka teke tei sosolo ka kantri Babilon te khaba fara.

Letas Teke Riso Tei Mae Pol Ka Khiloau Rom 11:31

Jateula tuana eghu, hatimare mae Jiu te theome leghuni God gognaro gre naugna God ne kokhoni ghami ghotilo. Nu igne ne eghu mala kokhonidiu mare God, jateula mana te kokhoni ghami ghotilo gne eghu.

Lamentations 3:22

Nogna namha Lord na theo ka khusu gna. Puhi te kokhoni ghita nei keli ranghi ghita teu mana igne au fabrahu tifa tifa.

Letas Teke Riso Tei Mae Pol Ka Khiloau Rom 11:23

Eghuteuna jame funu fatutuani mae Jiu gre meuna, God ginauna salo fodudi mala kaisei ka gaju oliv gne ka teke kulu au mare na. Naugna God na au nolaghi te mala ke salo fodu fapulodi mae Jiure mala kaisei ngala mare ka thofno gaju oliv na.

Profet Jeremaea 31:10

“Ghotilo te gnafa ka kantri te gnafa ra, fanomho mei ka nogu cheke iara Lord! Ghotilo tei toutonuni nogu cheke iara igne ka naikno te au khaba ka ghotilo ra! Ghotilo tei cheke eghu, ‘Lord neke brue fajifladi naiknodi Israel neke tei tafri, nu mana ginauna nake atha fapulodi. Mana ginauna hirodi, jateula mae greireghi sipu te hirodi nogna sipu ra eghu.’

Profet Isaia 56:8

Iara nhaꞌa cheke eigna ginauna iara na atha mei keha naikno mala loku fodu baludi nogu naikno iara igre.” Igne chekegna Lord mae ihei teke atha fajifla ghami ghotilo naiknomi Israel ka kantri aheva teke tei sosolo ghotilo ia.

Letas Teke Riso Tei Mae Pol Ka Khiloau Rom 11:26

Eghuteuna ka nabrou tuana, God ginauna fakarhidi gnafa naiknodi Israel gre, jateula te chekeni ka grioriso te blahi na, “Mae fakarhai te mala fakarhidi naiknore ginauna jifla mei ka hatimare mae Jiu. Mana ginauna hata fadelei puhi te diꞌa te gnafa ka vikegna mae Jekop.

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Jenesis 48:21

Aonu mana ne cheke eghu ka mae Josep, “Fanomho iagho ia. Iara gne la namo lehe. Nu God ginauna na au balumi ghotilo eghuteuna mana ginauna nake hata fafigri ghami ghotilo ka namonodi kuꞌemi ra.

Diutronomi 4:27

Eghuteuna mana ginauna ngolhi fajifla ghami ghotilo mala tei au baludi naiknodi keha namono are, eghuteuna keha ka ghotilo kolho nate karha au teu ka namono tuare.

Diutronomi 13:17

Gobi lepogna namono tuana blahi eghuteuna ghotilo thosei hata kaisei glepo tagna. Jame te leghuni cheke igne na, Lord ginauna na theome ke diꞌatagna ka ghotilo, eghuteuna ginauna mana nake kokhoni ghami ghotilo. Kate leghudi ghotilo nogna vetula mana teke tusu ari iara ka ghotilo gognaro igre, nei edi unha te doglo ka tathagna mana na teuna, mana ginauna keli ranghi ghami ghotilo, eghuteuna mana ginauna fablahi ghami ghotilo mala kmana e kmana jateula teke nhaꞌa chekehi mana ka kuꞌemi ghotilo tifa ra eghu.”

Nehemaea 1:9

Nu jame teke figri mei ghotilo ka iara na, eghuteuna leghudi ghotilo nogu cheke iara gre teuna, iara ginauna nake hata fapulo ghami ghotilo. Neuba ghotilo ne tei au tafri delei fara ka nauthoglu igne, iara ginauna hata fajifla ghami ghotilo ka vido igne mala hata ghami ghotilo mala ke pulo mei ka vido aheva teke kulu vahini iara te mala tarai ghotilo ka iara na.’

Thoutonu Eigna Mae Job 42:10

Ke leghugna te taraidi thilo mare te gnafa mae Job igne, Lord toghoni mae Job mala kaisei mae dedei. Mana ne pagu pea baludi gobigna lepo teke kulu au ka mana re.

Nodi Khoje Hatimare Mae Jiu 107:3

Mana neke atha fapulo ghita ka kantri ke maghati, ke mosu, ke raru nei ke mata, mala ke pulo ka noda kantri igne.

Profet Isaia 27:12

Ka narane tuana, Lord ginauna paradi naiknore funu ke raru Khoꞌu biꞌo Iufretis te posa ke mata nohi Ijep. Ginauna na jateula mae te koko khune wit te hata ganodi re te lisei fakeli ra eghu. Lord ginauna salofodu naiknodi Israel ka vido igne.

Profet Jeremaea 12:14

Lord ne cheke eghu, “Iara ginauna atha fadelei naikno te diꞌa te au falithui ni nodi glose nogu naikno iara Israel. Uve, iara ginauna na jateula igne eghu na jaola atha fadelei naiknodi Juda igre ka nodi namono re.

Ululahu Kronikols 16:35

Tahati eha eghu, “Iagho nomi God ghehati, iagho God mala fakarha naikno. Fakarhi ghami nei hata fadelei ghami eghu ka khamedi naikno bongihehe gre. Hata fapulo ghami ka namonomi ra. Te eghu na, ghehati ginauna tangomana te tegio nigho, eghuteuna ghehati tangomana te cheke fakelini nanghamu te blahi.

Profet Isaia 43:5

Thosei mhaghu! Iara au ngala balumi ghotilo. Neuba vikemi ghotilo te au khaba ke maghati, ba ke mosu, iara ginauna nake hata fapulodi ka namono.

Profet Isaia 54:7

Iara neke tei koko ghami katha vido kmoꞌei kolho. Nu iara ginauna nake atha fapulo ghami, naugna iara ne kokhoni ghami ghotilo.

Profet Jeremaea 23:3

Eghuteuna nogu naikno iara te karha teu te tei tafri ka keha kantri na igre, iara thegu ginauna nake atha fapulodi ka nodi thofno namonore. Iara ginauna na jateula mae greireghi sipu te keli te salo fodu mei nogna sipure ka vido aheva te au buburu nei khoꞌu teu ra eghu. Eghuteuna sipu igre ginauna au fakeli nei au kmana thudi eghu.

Profet Esikiel 11:17

“Eghume, iagho mala cheke eghu ka mare, ‘Lord ne cheke eghu: Iara ginauna nake hata fapulo ghami ghotilo funu ka kantri teke kuru tei ghami iara te tei au tafri teu ghotilo tadi are, mala ke tusu fapulo kantri Israel igne ka ghotilo.’

Profet Esikiel 39:28

Aonu nogu naikno iara re ginauna thofno laseni te iara Lord, nodi God mare. Mare ginauna laseni puhi igne, naugna iara neke snakredi naoka re mala huhurudi mala lisei faleghu nodi glose re mala tei au ka keha kantri te khaba fara. Nu iara ginauna hatadi mare gnafa mala ke kafe pulo mei ka nodi glose re, eghuteuna iara ginauna theome lisei faleghu kaisei ka mare.

Profet Maeka 7:19

Lord, ghehati lase nigho iagho te kokhoni ghami ghehati, eghuteuna iagho ginauna atha fadelei nakhibomi ghehati gre mala koko tei fari hotei nhorora.

Profet Sekaraea 10:9

Neuba iara ne lisa laodi ne tei au tafri ka keha kantri delei, nu mare ginauna ghatho ghau iara kolho. Eghuteuna mare baludi thudi re, mare ginauna tangomana te karha teu na teke pulo mei ka thofno nodi namono re.