Diutronomi 30:19 - Buka Blahi Ka Cheke Holo

^19-20 “Gognarona iara cheke fadoglo ari ka ghotilo jame ghotilo kolho te mala vahidi puhimi ghotilo re. Iara eha tei ka maloa ghe glose mala jateula witnes eghu repa ka nogu cheke iara gre. Eghume, ghotilo magnahaghei karha, ba ghotilo magnahaghei lehe? Ghotilo magnahagheni Lord te mala fablahi ghami, ba ghotilo magnahaghei ni Lord te goigoni ghami? Iara magnahaghei ghami ghotilo fara te mala vahini u karha na! Ghotilo mala namhani Lord nomi God, eghuteuna ghotilo mala fanomho ka mana nei leghuni fabrahu eghu mana. Lord kolho te tangomana te tusu ari karha ka ghotilo nei ka vikemi ghotilo ra eghu. Eghuteuna ghotilo ginauna tangomana te au raugha ka glose teke nhaꞌa cheke mana ka thilo mae kuꞌemi ghotilo ra Ebraham, Isak nei mae Jekop.”

Diutronomi 30:19 ပူးပေါင်းရင်းမြစ်များ

Diutronomi 30:15

“Fanomho ghotilo ia! Gognarona iara chekedi cheke igre mala tangomana ghotilo te vahini nabrou gna karha na, mala keli nakarhami ghotilo re, ba nabrou gna glehe na mala goigoni ghami ghotilo re.

Diutronomi 11:26

“Gognarona iara na tusu ari phei nabrou, mala vavahi ghotilo. Kaisei na mana na fablahi ghami ghotilo, kehana mana na ei puhi biꞌo mala mei thoke ghami ghotilo.

Nodi Khoje Hatimare Mae Jiu 119:30

Tutuani, iara neke kulu vahinihi te mala leghu nigho na, nei iara la lasedihi nou vetula iagho ra.

Proveb 8:36

Nu mae ihei te theome dei ghau iara na, mana goigoni ni kolho thegna, eghuteuna ihei te tirogna ghau iara na, mana magnahaghei fara te lehe na. Eghume igne ngala gaoghatho te keli nei doglo teuna.”

Diutronomi 30:1

Mae Moses ne cheke eghu, “Iara la chekehi puhi nate tangomana Lord nate fablahi ghami ghotilo na, nei puhi nate tangomana te mala thoke ghami ghotilo puhi biꞌo na. Eghume kate thoke ghami ghotilo gobigna lepo igre na, neuba ne unha nafnata kantri Lord nomi God vahini mala au ghotilo teku na, ghotilo mala ghaoghatho eidi u farirhiu igre.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Ululahu Timoti 5:21

Iara cheke faheta ka iagho ke ulugna God nei Jisas Kraes nei hatimare mae engel te blahi, iagho mala famane leghudi cheke igre. Eghuteuna kate leghudi cheke igre, iagho thosei filo ka tatha me vahini kolho mae ihei te magnahagheni themu na.

Profet Jeremaea 32:39

Eghuteuna iara ginauna toghodi mare mala kaisei loku fodu ka kaisei nodi gaoghatho ka unha nate eni mare na. Leuleghu fata na mare te gnafa na mala ghatho tahu ghau iara ka nakarhadi na, eghuteuna mare balu thudi nate karha mei ke leghudire tangomana nate au fakeli na.

Diutronomi 4:26

Iara kilodi maloa ghe nauthoglu mala fiofilo fakeli ka nogu cheke iara igre gognarona. Jame te horo thua nafnata mumuju ghotilo na, ghotilo na theome raugha dofi ghami ka glose te khotogna ghotilo tuana, naugna Lord ginauna falelehe kmana naikno ka ghotilo.

Nodi Khoje Hatimare Mae Jiu 119:173

Tarabana kobau sagho mala mei togho ghau iara, naugna iara ne leghudi nou famane vetula iagho gre.

Mae Khuru 2:39

Naugna u nogna nhaꞌa cheke God igne mala nomi ghotilo, nei maladi goro thumi are nei maladi iheire te theome karha nga teu. Uve, u nhaꞌa cheke igne maladi naikno te gnafa teke kilo meidi noda Lord.”

Diutronomi 31:28

Iara magnahaghei ghami ghotilo te chekedi mae mala baubatu ka vike nei mae biꞌo teu ra mala kafe mei. Mala tangomana iara te cheke fadoglo ka mare na, eghuteuna iara ginauna kilodi maloa ghe glose mala jateula witnes eghu ka unha te chekedi iara ka mare igre.

Nodi Khoje Hatimare Mae Jiu 119:111

Iara ginauna leghudi fabrahu nou cheke iagho re. Eghuteuna nou cheke iagho re ginauna faglealeꞌani nagnafagu iara na.

Diutronomi 32:1

“Maloa ghe glose, ghopa fanomho ka nogu cheke iara gne, ghopa fanomho fakeli ka unha te chekedi iara igre.

Profet Isaia 1:2

Lord ne cheke faheta eghu, “Ghopa maloa ghe nauthoglu ra! Ghopa fanomho mei ka nogu cheke iara igre! Funu ka narane te ikodi teku thugu iara igre, iara neke reireghi fakelidi, nu gognarona mare tirodi fanomho ka nogu cheke iara re.

Proveb 1:29

Ghotilo tiromi hata glalase te keli, nei tiromi ghatho tahuni Lord.

Profet Isaia 56:4

Aonu Lord ne cheke eghu, “Keha ka iheire te theo thudi igre mare tajini fabrahu narane Sabat igne mala ghatho tahu ghau iara, nei eni unha te gleꞌani iara na, nei tajini fabrahu nogu nhaꞌa cheke iara na.

Jenesis 2:17

Nu iara theome snakre nigho iagho te ghamu sisigna fapea gaju te au farihotei nagare igne. Gaju igne mala laseni iagho unha te keli na nei unha te diꞌa na eghu. Tutuani fara, jame te ghamu iagho sisi gna gaju igne na, iagho ginauna na lehe!”

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Diutronomi 4:6

Eghuteuna ghotilo mala famane leghudi nei faꞌuvedi eghu vetula igre, eghuteuna ka puhi tuare te mala fakakhana ka keha naiknore te ghaoghatho fakeli fara nei lalase fara teu ghotilo na. Eghuteuna kate nomhidi mare vetula igre mare ginauna cheke eghu, ‘Tutuani fara, naiknodi Israel igre au tadi gaoghatho te keli na nei glalase na eghu!’

Diutronomi 30:16

Iara cheke faheta ka ghotilo gognaro na, mala namhani Lord nomi God. Ghotilo mala leghudi nogna cheke, nogna farirhiu nei nogna vetula teu mana re. Jame te eghu ghotilo na, ghotilo ginauna au ka nakarha te keli, nei vikemi, nei thumi teu ghotilore ginauna kmana fara, eghuteuna Lord nomi God ginauna fablahi ghami ghotilo ka glose nate tei ghotilo te au tagna na.

Profet Jeremaea 21:8

“Eghuteuna Lord ne cheke eghu, ‘Jeremaea, iagho tusu lao nogu cheke iara igne ka naiknore: Iara Lord, iara gognarona falalase ka ghotilo phei nabrou. Kaisei nabrou mala karha, eghuteuna kehana mala lehe. Ghotilo mala vavahi ka phei nafnata nabrou aheva te magnahaghei leghuni ghotilo na.

Diutronomi 4:25

Neuba ghotilo ne au raugha ka glose igne ne au thumi nei grami neu, ghotilo jafra jame te sari mumuju ghotilo te tarai tagna na. Jame te eni ghotilo glepo te jafra nei theome doglo teu ka tathagna Lord igne na, mana ginauna diꞌatagna fara ka ghotilo.

Diutronomi 6:2

Ghotilo, baludi thumi nei grami teure mala ghatho tahuni fabrahu Lord nomi God ka puhi te leghudi ghotilo cheke nei vetula eghu te chekedi iara ka ghotilo gognaro igre. Jame te eni ghotilo igne na, ghotilo ginauna au ka nakarha te brahu.

Diutronomi 31:17

Aonu kate eni mare igne na, iara ginauna diꞌatagu fara ka mare, eghuteuna iara ginauna lisadi mare. Iara ginauna poru ka mare, eghuteuna kmana puhi ginauna mei goigonidi mare. Mare ginauna thokedi kmana puhi biꞌo, eghuteuna kate thoke mei glepo te diꞌa ka mare na, mare ginauna laseni te theome au iara baludi mare na.

Proveb 9:11

Gaoghatho te keli na ginauna togho nigho mala au raugha ka nauthoglu igne, eghuteuna iagho ginauna uludi kmana finogha.

Proveb 12:28

Puhi te doglo na, nabrou mala karha. Te leghuni nabrou te keli igne na mala karha fabrahu.

Profet Jeremaea 42:21

Eghume iara neke chekehi ka ghotilo gobigna lepo teke chekedi mana ka iara re, nu ghotilo theome leghudi kolho nogna cheke mana igre.

Profet Esikiel 20:11

Iara neke cheke faheta ka mare eghuteuna farirhiudi mare nogu vetula re. Jame ihei te faꞌuvedi nei leghudi teu nogu cheke iara igre na, mana tangomana nate au fakeli na.