Diutronomi 30:15 - Buka Blahi Ka Cheke Holo

¹⁵ “Fanomho ghotilo ia! Gognarona iara chekedi cheke igre mala tangomana ghotilo te vahini nabrou gna karha na, mala keli nakarhami ghotilo re, ba nabrou gna glehe na mala goigoni ghami ghotilo re.

Diutronomi 30:15 ပူးပေါင်းရင်းမြစ်များ

Diutronomi 11:26

“Gognarona iara na tusu ari phei nabrou, mala vavahi ghotilo. Kaisei na mana na fablahi ghami ghotilo, kehana mana na ei puhi biꞌo mala mei thoke ghami ghotilo.

Diutronomi 30:19

“Gognarona iara cheke fadoglo ari ka ghotilo jame ghotilo kolho te mala vahidi puhimi ghotilo re. Iara eha tei ka maloa ghe glose mala jateula witnes eghu repa ka nogu cheke iara gre. Eghume, ghotilo magnahaghei karha, ba ghotilo magnahaghei lehe? Ghotilo magnahagheni Lord te mala fablahi ghami, ba ghotilo magnahaghei ni Lord te goigoni ghami? Iara magnahaghei ghami ghotilo fara te mala vahini u karha na! Ghotilo mala namhani Lord nomi God, eghuteuna ghotilo mala fanomho ka mana nei leghuni fabrahu eghu mana. Lord kolho te tangomana te tusu ari karha ka ghotilo nei ka vikemi ghotilo ra eghu. Eghuteuna ghotilo ginauna tangomana te au raugha ka glose teke nhaꞌa cheke mana ka thilo mae kuꞌemi ghotilo ra Ebraham, Isak nei mae Jekop.”

Nonomho Te Keli Teke Risoi Mae Mak 16:16

Ihei te fatutuani ni Nonomho te Keli na, eghuteuna apublahi teuna ginauna na hatini karha fei tifa na. Nu ihei te theome fatutuani na, God ginauna na fate faleheni mana.

Diutronomi 32:47

Ghotilo laseni! Farirhiu igre theome cheke theo nafudi kolho. Nakarhami ghotilo na au ka farirhiu igre! Ghotilo mala leghudi farirhiu igre mala tangomana ghotilo te au raugha ka glose nate au ghotilo kate tei kasa ghotilo ka Khoꞌu biꞌo Jordan.”

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Diutronomi 30:1

Mae Moses ne cheke eghu, “Iara la chekehi puhi nate tangomana Lord nate fablahi ghami ghotilo na, nei puhi nate tangomana te mala thoke ghami ghotilo puhi biꞌo na. Eghume kate thoke ghami ghotilo gobigna lepo igre na, neuba ne unha nafnata kantri Lord nomi God vahini mala au ghotilo teku na, ghotilo mala ghaoghatho eidi u farirhiu igre.

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Jenesis 2:17

Nu iara theome snakre nigho iagho te ghamu sisigna fapea gaju te au farihotei nagare igne. Gaju igne mala laseni iagho unha te keli na nei unha te diꞌa na eghu. Tutuani fara, jame te ghamu iagho sisi gna gaju igne na, iagho ginauna na lehe!”

Diutronomi 30:14

Vetula igne au ngala balumi ghotilo. Ghotilo la lasenihi, eghuteuna ghotilo tangomana te iju poloni, eghume ghotilo tangomana te leghuni na.

Proveb 12:28

Puhi te doglo na, nabrou mala karha. Te leghuni nabrou te keli igne na mala karha fabrahu.

Profet Isaia 1:19

Jame te leghu ghau iara ghotilo na, iara ginauna togho ghami ghotilo te mala au fakeli ghotilo na, eghuteuna ghotilo ginauna au ghemi gano te keli ka nomi nagare are.

Profet Jeremaea 21:8

“Eghuteuna Lord ne cheke eghu, ‘Jeremaea, iagho tusu lao nogu cheke iara igne ka naiknore: Iara Lord, iara gognarona falalase ka ghotilo phei nabrou. Kaisei nabrou mala karha, eghuteuna kehana mala lehe. Ghotilo mala vavahi ka phei nafnata nabrou aheva te magnahaghei leghuni ghotilo na.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Profet Jeremaea 42:21

Eghume iara neke chekehi ka ghotilo gobigna lepo teke chekedi mana ka iara re, nu ghotilo theome leghudi kolho nogna cheke mana igre.