Diutronomi 3:6 - Buka Blahi Ka Cheke Holo

⁶ Ka narane igne, tahati neke goigonihi nodi namono biꞌo nei namono ikodi teu mare re, eghuteuna tahati neke aknu falehe nalhaꞌu, gaꞌase, nei goro sua, jateula teke eni tahati ka nogna namono King Sihon mae ihei teke funei Hesbo.

Diutronomi 3:6 ပူးပေါင်းရင်းမြစ်များ

Diutronomi 2:34

Eghuteuna tahati neke uludi nodi namono mare re eghuteuna goigoni fahui nodi namono te gnafa mare igre. Eghuteuna tahati neke aknu falehe mae nalhaꞌu, nei goro gaꞌase nei goro thudi teu mare re. Ka narane igne, theo kaisei glepo te karha na ka namono igre.

Diutronomi 2:24

Mae Moses neke cheke eghu, “Ka narane tuare Lord neke cheke eghu, ‘Gognarona ghotilo tei kasa ka Khoꞌu Anon. Iara vahini mae Sihon, king ka vikegna mae Amoa ka namono Hesbon, ka khamemi ghotilo baludi nodi namono te gnafa mare re. Ghotilo tei magra ka mana, eghuteuna mala funu hata kasa nodi namono mare re.

Josua 11:14

Mare ne atha maladi thedi gobigna lepo te keli nei buluka eghu te magnahaghedi mare ka namono igne. Eghuteuna mare ne kafe falelehe ne gnafa naikno te gnafa te au ka namono igre.

Diutronomi 3:2

Nu Lord neke cheke eghu ka iara, ‘Moses, iagho thosei mhaghuni king tuana! Iara ginauna lisa ari mana ka khamemu iagho baludi nogna soldia nei nogna namono te gnafa teu mana re. Ghotilo ginauna faleheni mana jateula teke eni ghotilo ka King Sihon vikegna mae Amoa teke funei Hesbon ia eghu.’

Naba 21:2

Aonu naiknodi Israel re ne eni kaisei nhaꞌa cheke ka Lord, ne cheke eghu, “Jame snakre mei iagho naikno igre ka khamemi ghehati meuna, ghehati ginauna goigonidi namono te gnafa mare re.”

Diutronomi 3:5

Namono igre bara haghe kligna fara ka thina nei grengatha biꞌo te bibilakhi mare na. Eghuteuna tahati neke hata kmana namono ikodi te theome bara te lithui ka thina.

Diutronomi 29:6

Ka narane tuare, ghotilo neke theome ghamu bret, nei neke theome koꞌu kaisei waen ba kaisei beer, nu iara neke reireghi ghami ghotilo mala laseni ghotilo te iara Lord nomi God ghotilo na.’