Diutronomi 3:5 - Buka Blahi Ka Cheke Holo

⁵ Namono igre bara haghe kligna fara ka thina nei grengatha biꞌo te bibilakhi mare na. Eghuteuna tahati neke hata kmana namono ikodi te theome bara te lithui ka thina.

Diutronomi 3:5 ပူးပေါင်းရင်းမြစ်များ

Hibru 11:30

Tifa na naiknodi Israel re neke fatutuani ni God. Naugna igne mare neke tei falithuini thoa Jeriko kaisei fata kaisei narane eghu nabagna namno narane. Eghuteuna fitu fata ka fafitu narane na. Ke leghugna igne gringni thina teke faligohoni namono Jeriko na ne grofo.

Diutronomi 1:28

Mala unha kolho si tahati te tei ka namono ignea? Mae teke tei fasigho ka namono igne pulo mei neke famamhaghu ghami ghehati kate chekeni mare te maedi ka namono tuana mare rheta fara nei thono brahu salaꞌu ghita tahati. Eghuteuna nodi namono biꞌo mare igre bara ka thina haghe fara kligna. Eghuteuna mare jaola filodi goigholi ka kokhologna mae Anak jare.’

Naba 13:28

Nu naikno te au jare re nheta fara, nei namono dire thono biꞌo fara, eghuteuna au gringni thina biꞌo faligohoni namono na. Ghehati jaola filodi mae ka vikegna Anak. Mae iheire te nheta fara, brahu fara nei biꞌo fara.

Diutronomi 3:4

Eghuteuna ka narane tuana, tahati neke tei ruma neke hata namno salei namono ka mare. Tutuani, King Og neke funei frunidi kmana namono te gnafa ka rijon Agob. Tahati mala kafe hatadi gnafa mare.

Diutronomi 3:6

Ka narane igne, tahati neke goigonihi nodi namono biꞌo nei namono ikodi teu mare re, eghuteuna tahati neke aknu falehe nalhaꞌu, gaꞌase, nei goro sua, jateula teke eni tahati ka nogna namono King Sihon mae ihei teke funei Hesbo.

Nehemaea 9:25

Mare magra ne hata namono ringni te lithui ka thina nei glose te thofno keli fara teu igre. Mare neke hata suga te fodu ka famane glepo te keli nei seu teke dokhahi naikno teke au ka namono igne, nei nagare grep, nei nagare oliv, nei keha gaju te ure kmana sisi te keli tadi. Mare ghamu kmana gano fara ne ghilei blokha fara. Eghuteuna leuleghu fata na mare glealeꞌa fara ka glepo teke tusu lao iagho ka mare igre.

Nogna Buka Esta 9:19

Naugna igne, mae Jiu te au ka namono te ikodi igre, mare ghathoni narane nabotho fati gna nhigra Ada igne leuleghu finogha na. Narane igne kaisei nodi narane mala gnafa, mala ei gaghamu biꞌo, nei mala gleale'a biꞌo eghu mare. Eghuteuna soasopai tharakna na, mare tangomana te edi ghedi gano nei tufa namha eghu ka kheradire.