Diutronomi 3:4 - Buka Blahi Ka Cheke Holo

⁴ Eghuteuna ka narane tuana, tahati neke tei ruma neke hata namno salei namono ka mare. Tutuani, King Og neke funei frunidi kmana namono te gnafa ka rijon Agob. Tahati mala kafe hatadi gnafa mare.

Diutronomi 3:4 ပူးပေါင်းရင်းမြစ်များ

Ululahu Kings 4:13

Mae Ben-Geba, mana reireghini namono biꞌo Ramot te au ka nohi Gilead. Namono igre nodi vikegna mae Jaea, thugna mae Manase. Eghuteuna mana jaola reireghini vido Agob ka rijon Basan. Nohi igne au namnosalei namono biꞌo. Namono biꞌo igre bara lithui ka thina biꞌo. Eghuteuna grengathadire bibilakhi ka aean biꞌo te horo ka bras.

Josua 12:4

Eghuteuna mae Moses nei hatimare mae Israel ne tei magra ka mae king Og, mae ihei te funei ka kantri Besan ne uluni mana. Mae igne kaisei mae te au teu ka teke vikegna mae Refaem, mae ihei te nheta nei brahu fara. Mae igne mana funei ka phei namono biꞌo Astarot ghe Edrei.

Naba 21:35

Aonu mare ne faleheni mae King Og baludi thugna, nei nogna mae soldia teu mana re ghilei theo kaisei naikno ka mare te karha na. Aonu naiknodi Israel gre neke khotogna vido Basan na.

Diutronomi 3:3

“Eghume, Lord neke lisa mei King Og baludi nogna soldia ka khameda tahati, eghuteuna tahati neke kafe aknu falehedi neke hui neke ghilei theo kaisei te karha na.

Diutronomi 3:5

Namono igre bara haghe kligna fara ka thina nei grengatha biꞌo te bibilakhi mare na. Eghuteuna tahati neke hata kmana namono ikodi te theome bara te lithui ka thina.

Diutronomi 3:13

Eghuteuna keha vidogna nohi Gilead balugna nodi nohi maedi Basan, iara tusu lao ka vido vikegna mae Manase. Keha nanghagna rijon igne na Agob, aheva teke funei King Og ia.” Rijon Basan igne, tifa na neke nodi namono mae iheire te brahu nei nheta eghu, mae te kilodi Refaem.

Diutronomi 3:14

Eghuteuna mae Jaea kaisei mae ka vikegna mae Manase, mana neke hata glose ka nohi thongana Agob ka rijon Basan te tei posa ka fofotagna namonodi naiknodi Gesua nei naiknodi ke mosu Maka. Eghuteuna mae Jaea ne fangangha rijon igne ka thegna ne kiloni Havot-Jaea. Nangha igne au ngala posa gognarogne.