Diutronomi 3:27 - Buka Blahi Ka Cheke Holo

²⁷ Iagho haghe ka thogele Pisga. Eghuteuna iagho filo thongana ka vido te gnafa are. Filo fakeli ka gobigna lepo te filodi iaghore, naugna iagho ginauna theome tangomana te kasa ka Khoꞌu biꞌo Jordan.

Diutronomi 3:27 ပူးပေါင်းရင်းမြစ်များ

Naba 27:12

Lord ne cheke eghu ka mae Moses, “Iagho na tei ka thogele Abarim, eghuteuna filo tei iagho ka namono te gnafa ka vido te ginau tufa ari iara ka ghotilo are.

Naba 20:12

Nu Lord ne cheke eghu ka mae Moses ghe mae pris Eron, “Naugna te theome au nomi grouronu ghopa te theome fakakhana ka naiknore te au nolaghi biꞌo iara na, ghopa theome tangomana te batudi naikno igre te tei ka vido teke nhaꞌa chekeni iara ka ghotilo tifa ia!”

Naba 23:14

Aonu mana tathaleini mae Balam ne tei ka vido te snagla jare ka vido Sofim ka thogele Pisga. Eghuteuna jare ka thogele na, mana neke edi fitu olta ne fafara kaisei buluka nei sipu neu ka fitu olta te gnafa igre.

Diutronomi 1:37

“Eghuteuna Lord jaola diꞌatagna ka iara eidi puhidi mare igre, eghume mana neke cheke eghu ka iara, ‘Iagho jaola na theome tangomana nate filoni namono igne.

Diutronomi 31:2

Mana ne cheke eghu, “Gognarona iara la kuekuꞌe fara, iara la thokeni hi kaisei gobi varadaki finogha. Iara na theome tangomana nate batu ghami ghotilo na. Eghuteuna Lord nomi God ghotilo na neke cheke ka iara, eigna iara ginauna theome tangomana nate tei kasa ka Khoꞌu biꞌo Jordan.

Diutronomi 32:49

“Iagho tei ka nohi Moab, ka keha phile Khoꞌu biꞌo Jordan ka namono Jeriko. Eghuteuna jare, iagho tei apla ka thogele Nebo, eghuteuna iagho ginauna filoni namono Kenan nate tusu lao iara ka naiknodi Israel.

Diutronomi 32:52

Eghume iagho ginauna filo fakhaba teini kolho namono nate snakre lao iara ka naiknodi Israel, nu iagho na theome tangomana nate tei ruma tagna na.”