Diutronomi 3:26 - Buka Blahi Ka Cheke Holo

²⁶ “Nu Lord neke diꞌatagna fara ka iara eidi puhimi ghotilo re neke tirogna fanomho ka iara. Mana neke cheke eghu, ‘Moses! Iagho au kmu! Iagho thosei chekeni kaisei cheke eigna glepo igne!

Diutronomi 3:26 ပူးပေါင်းရင်းမြစ်များ

Diutronomi 1:37

“Eghuteuna Lord jaola diꞌatagna ka iara eidi puhidi mare igre, eghume mana neke cheke eghu ka iara, ‘Iagho jaola na theome tangomana nate filoni namono igne.

Diutronomi 31:2

Mana ne cheke eghu, “Gognarona iara la kuekuꞌe fara, iara la thokeni hi kaisei gobi varadaki finogha. Iara na theome tangomana nate batu ghami ghotilo na. Eghuteuna Lord nomi God ghotilo na neke cheke ka iara, eigna iara ginauna theome tangomana nate tei kasa ka Khoꞌu biꞌo Jordan.

Fapea Korin 12:8

Iara neke thilo fata toreni Lord mala hata fadelei ka iara puhi biꞌo igne.

Matiu 26:39

Mae Jisas ne riu fadelei katha vido ka thilo mare. Mana pogho soru ne tarai, “Mama, jame te tangomana na, thosei snakre ghau iara mala au papara ka nafnata puhi igne. Nu eni unha te magnahagheni iagho themu na, theome leghui unha te magnahagheni iara na.”

Ululahu Kronikols 17:4

“Iagho tei cheke eghu ka mae Devet, nogu mae gloku iara ia, ‘Lord neke cheke eghu: Theome iagho te mala eni kaisei suga te mala au iara na.

Diutronomi 34:4

Aonu Lord ne cheke eghu ka mana, “Glose igne iara neke nhaꞌa cheke hi ka mae Ebraham, nei mae Isak nei mae Jekop. Iara neke chekeni nate tusu lao iara glose igne ka vikedi thilo mare. Iara snakre nigho iagho mala filo kolho tagna, nu iara theome snakre nigho iagho te tei ruma tagna na.”

Matiu 20:22

Mana ne cheke eghu ka retilo, “Ghotilo theome laseni unha te toreni ka iara na. Ba tangomana ngau si ghopa te au papara ka nafnata nate au papara iara gnea?” Phiamare ne cheke eghu ka mana, “Uve, ghepa tangomana.”