Diutronomi 3:20 - Buka Blahi Ka Cheke Holo

²⁰ Ghotilo mala toghodi kherami are ghilei au nodi namono mare te mala au tagna na. Eghuteuna mare jaola neke hata glose ka keha phile ke mosu Khoꞌu biꞌo Jordan aheva Lord nomi God ghotilo nate tusu ari ka ghotilo. Eghuteuna ghotilo mala au baludi mare ghilei gnafa magra na, eghuteuna Lord ginauna toghodi mare mala au fakeli, jateula ghotilo te au fakeli ka glose teke tusu ari iara ka ghotilo igne. Eghuteuna ke leghudi glepo igre, ghotilo ginauna tangomana na teke pulo mei mala au ka glose tekela tusu arihi iara ka ghotilo igne.’

Diutronomi 3:20 ပူးပေါင်းရင်းမြစ်များ

Josua 22:4

Eghuteuna gognarona Lord nomi God ghotilo na ginau tusu ranghidi vikemi ghotilo re pharikeli mala au fakeli ka nomi glose ghotilo re, jateula teke nhaꞌa cheke mana tifa ia. Eghuteuna thofno keli fara ghotilo teke figri ka nomi namonore, ka nomi glose teu te khotodi ghotilo ka keha phile Khoꞌu biꞌo Jordan, aheva Moses teke tusu arihi ka ghotilo tifa ra.

Naba 32:22

Eghuteuna kate khotogna ghehati vido tuana, ghotilo tangomana teke pulo mei ka namono igne, naugna ka narane tuana ghotilo ginauna fagnafahi gobigna lepo teke nhaꞌa chekedi ghotilo ka Lord nei ka keha vike te gnafa Israel ra. Aonu Lord ginauna tusu ari vido glose igne ka ghotilo.

Diutronomi 3:21

“Eghuteuna ka narane tuana, iara neke cheke eghu balugna mae Josua, ‘Iagho la filodihi gobigna lepo teke edi Lord nomi God ghotilo ka phei king igre. Mana ginauna nake enila puhi igne ka naikno nate tei ghotilo ka nodi glose re.

Josua 1:15

Ghehati na magra heta mala ghilei uludi namono te gnafa ka keha phile ke mosu Khoꞌu biꞌo Jordan. Lord noda God neke nhaꞌa chekehi te mala tusu mei ka ghehati na. Eghuteuna kate hata kasa ghehati namono teke tusu mei Lord ka ghehati igne na, ghotilo ginauna nake pulo mei ka namono te au ke maghati Khoꞌu biꞌo Jordan.”

Naba 32:18

Ghehati theome tangomana teke pulo agne na, ghilei uludi naikno te gnafa Israel gre ka nodi vido thedire na.

Josua 22:2

Mana ne cheke eghu ka mare, “Gognarona, ghotilo thofno leghudi gobigna lepo Moses nogna mae gloku Lord, teke chekedi mala edi ghotilo teku mana ra. Eghuteuna ghotilo jaola leghudi nogu cheke iara ra.

Josua 22:9

Soldia ka vikegna Ruben, nei ka vikegna Gad, nei ka vikegna Manase teu igre neke pulo ka nodi namonore. Mare jifla kokodi kheradire mala au faleghu ka namono Saelo jare Kenan, mala ke figri ka namono biꞌo Gilead aheva te thofno khotogna mare na, leghuni unha teke chekeni Lord ka Moses tifa.