Diutronomi 3:2 - Buka Blahi Ka Cheke Holo

² Nu Lord neke cheke eghu ka iara, ‘Moses, iagho thosei mhaghuni king tuana! Iara ginauna lisa ari mana ka khamemu iagho baludi nogna soldia nei nogna namono te gnafa teu mana re. Ghotilo ginauna faleheni mana jateula teke eni ghotilo ka King Sihon vikegna mae Amoa teke funei Hesbon ia eghu.’

Diutronomi 3:2 ပူးပေါင်းရင်းမြစ်များ

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Fapea Kronikols 20:17

Ka narane tuana, ghotilo thosei magra ka mare. Nu ghotilo kegra heta, tarabana ofou kolho. Iara ginauna magra ranghi ghami ghotilo, eghuteuna ghotilo ginauna filo ghau iara Lord nate uludi mare na. Ghotilo thosei mhaghu nei glaꞌe soru eghu. Nathuꞌu na ghotilo ginauna tei ke uludi mare, eghuteuna iara ginauna au balumi ghotilo.’ ”

Mae Khuru 27:24

ne cheke eghu, ‘Ghema Pol, thosei mhaghu! Iagho mala kegra ke ulugna mae Funei Sisa. Eghuteuna God na keli fara ranghi nigho iagho. Mana ginauna na fakarhidi iheire te tei balumu iagho ka vaka na igre.’

Mae Khuru 18:9

Kaisei bongi, mae Pol ne mifi. Eghuteuna Lord ne cheke eghu ka mana, “Ghema Pol, thosei mhaghu! Heta, cheke sagho ka naikno are! Thosei au kmu!

Profet Isaia 43:5

Thosei mhaghu! Iara au ngala balumi ghotilo. Neuba vikemi ghotilo te au khaba ke maghati, ba ke mosu, iara ginauna nake hata fapulodi ka namono.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Diutronomi 20:3

Mana ginauna cheke eghu, ‘Ghotilo maemi Israel fanomho mei ka nogu cheke iara igne! Gognarona ghotilo tarabana mala tei magra ka nomi naokare. Ghotilo thosei mhaghu ba ghatho peapea ba nanga nomi ba farikha ghami!

Diutronomi 3:11

King Og gna Basan igne, mana mae leghu lahu ka vikedi mae te nheta nei brahu teu te kilodi mare Refaem. Eghuteuna kate lehe King Og na, mare horo bokis gna mana na ka thina pipito te fati mita brahugna na eghuteuna namo phei mita krepagna na. Bokis thina igne au ngala posa gognaro ka namono Raba te au ka nodi nohi naiknodi Amon.

Naba 21:34

Nu Lord ne cheke eghu ka mae Moses, “Thosei mhaghuni mae king igne. Iara ginauna togho ghami ghotilo, eghuteuna ghotilo ginauna uluni mana baludi nogna mae soldia mana re, eghuteuna iara ginauna nake tufa ari nogna vido glose mana na ka ghotilo. Ghotilo eni igne jateula teke eni ghotilo ka mae King Sihon gna Amoa jare Hesbon ia eghu.”

Naba 14:9

Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Diutronomi 3:1

Mae Moses neke cheke eghu, “Ke leghudi gobigna lepo igre, tahati neke tei fei ke raru, leghui nabrou te tei ka rijon Basan. Jare King Og baludi nogna soldiare neke mei mala magra ka tahati neku rhegna namono Edrei.

Diutronomi 3:3

“Eghume, Lord neke lisa mei King Og baludi nogna soldia ka khameda tahati, eghuteuna tahati neke kafe aknu falehedi neke hui neke ghilei theo kaisei te karha na.

Josua 10:8

Lord ne cheke eghu ka mae Josua, “Thosei mhaghudi mae tuare. Iara ginauna togho ghami ghotilo, eghuteuna ghotilo ginauna uluni magra igne. Eghuteuna theo kaisei ka mare nate ulu ghami ghotilo ka magra na.”