Diutronomi 3:17 - Buka Blahi Ka Cheke Holo

¹⁷ Eghuteuna ke maghatigna glogu Khoꞌu biꞌo Jordan igne iara neke jaola neke tusu lao ka mare. Eghuteuna fofotagna nodi glose mare ke mosu na ka Khoꞌu biꞌo Jordan, iara neke tusu lao glose funu ke raru Kholo Galili ke posa fei Thongna Lehe ke mata, eghuteuna tei posa ke maghati pesi thogele Pisga.

Diutronomi 3:17 ပူးပေါင်းရင်းမြစ်များ

Josua 12:3

Eghuteuna ke maghati sare Jordan igne fofotagna na funu ke raru Kholo Galili tei posa ka namono Bet Jesimot, rhegna Thongna Ukru ke mata, eghuteuna liu ke mata tei posa ka phesigna thogele Pisga.

Josua 3:16

khoꞌu na ne kegra snoto ne tei au delei fara rhegna namono Adam te namo ka namono Saretan. Eghuteuna keha philegna khoꞌu biꞌo te soru Thongna Lehe igne ne jaola ne thono krango fara. Naiknore ne kafe kasa ka keha phile na rhegna namono Jeriko.

Josua 18:19

eghuteuna lithui mei ka thogele Bet-Hogla. Fofota igne tei gnafa ka Thongna Lehe ka vido aheva te ari te gnafa Khoꞌu biꞌo Jordan. Igne fofotagna glose ke mata igne.

Josua 15:5

Ke maghati na, nohigna distrik igne funu ka khukrugna Thongna Lehe, eghuteuna leghu gratha tei thokeni khukrugna Khoꞌu biꞌo Jordan te tei posa ke raru Thongna Lehe. Eghuteuna nohi ke raru na funu ka phaꞌu khoꞌu igne,

Josua 15:2

Nohi ke mata igne, funu ka khukrugna ke mata Thongna Lehe,

Josua 13:27

Ka glogu Jordan, glose igne tei posadi namono Bet-Haran, nei Bet-Nimra, nei Sukot, nei Safon, nei nohi te gnafa te funei frunidi King Sihon, maegna ka namono Hesbon. Eghuteuna fofotadi glose igre ke mosu na funu ka Khoꞌu biꞌo Jordan tei posa ke raru Kholo Galili.

Naba 23:14

Aonu mana tathaleini mae Balam ne tei ka vido te snagla jare ka vido Sofim ka thogele Pisga. Eghuteuna jare ka thogele na, mana neke edi fitu olta ne fafara kaisei buluka nei sipu neu ka fitu olta te gnafa igre.

Jenesis 13:10

Mae Lot filo laodi vido glose te au pari ka sare gna khoꞌu Jordan te tei posa ka namono Soa. Mana laseni jare na kmana khoꞌu nei famane glose fara jateula nagare Eden nei jateula kantri Ijep eghu. Ka narane igne Lord theome roꞌedi ngau phei namono biꞌo Sodom ghe Gomora te au ka sare teuna.

Luku 5:1

Kaisei fata, mae Jisas kegra ka gratha Kholo Genesaret. Kmana naikno fara ne kafe khapru mei ka mana mala fanomho ka chekegna God.

Josua 19:35

Nodi glose mare igne au keha namono te bara te ligoho ka thina biꞌo, eghuteuna nanghadi re Sadim, nei Sea, nei Hamat, nei Rakat, nei Kineret,

Fapea Kings 14:25

Fapea Jeroboam igne neke hata fapulo nodi vido glose mae Israel te funu ke raru Lebo-Hamat tei thoke ke mata Thongna Lehe. Mana neke leghuni unha teke chekeni Lord, nodi God mae Israel. Mana teke nhaꞌa cheke ka nogna mae gloku profet Jona thugna mae Amitai, maegna Gat-Hefa.

Profet Esikiel 47:8

Mana ne cheke eghu ka iara, “Khoꞌu igne loloro tei ka kantri ke maghati, eghuteuna soru ka sare Khoꞌu biꞌo Jordan, eghuteuna soru ka Thongna Lehe. Eghuteuna kate soru ka Thongna Lehe igne na, Thongna Lehe igne ginauna nake vuhai famane khoꞌu keli fara.