Diutronomi 3:10 - Buka Blahi Ka Cheke Holo

¹⁰ Eghuteuna mae Moses neke cheke eghu, “Tahati la hata fanhighohi namono te funu ka sare biꞌo holo ke mata thogele te tei posa ka namono ke raru Gilead ghe Basan eghuteuna jaola tei posa ke maghatidi phei namono Saleka ghe Edrei, aheva te nogna kantri King Og.”

Diutronomi 3:10 ပူးပေါင်းရင်းမြစ်များ

Josua 13:31

Nohi igne jaola tei thokeni keha vidogna Gilead, baludi phei namono Astarot ghe Edrei aheva teke au King Og. Igne glose aheva teke snakre lao mae Moses ka vikegna mae Makia, thugna mae Manase.

Naba 21:33

Aonu mare figri mala ke leghuni nabrou te mala tei thoke rijon Basan na, eghuteuna mae King Og te king teu Basan ne mei baludi nogna mae soldiare mala magra ka naiknodi Israel jare ka namono Edrei.

Diutronomi 4:43

Thilo namono igre Bese, Ramot nei Golan. Bese gne au ke lamna namono nagou, ka sare thogele vikegna mae Ruben. Ramot gne ka nohi Gilead ka vikegna mae Gad. Eghuteuna Golan gne ka rijon Basan ka vikegna mae Manase.

Josua 13:16

Nodi glose mare igne funu ke mata namono Aroa ke demei glogu Anon tei posani namono farihotei glogu tei posadi sare biꞌo te gnafa lithuini namono Medeba.

Ululahu Kronikols 5:11

Vikegna mae Gad na mare tei ne au ka nohi Besan. Nogna glose mae Gad igne funu ke rarugna nogna glose mae Ruben igne tei posa ka namono Saleka.

Josua 13:30

Nohi igne funu Mahanaem nei glose te gnafa Besan teu igre au ke lamnagna nohi igne, baludi namnosalei namono ikodi teke uludi mae Jaea kaisei fata ka magra tifa. Uve, tifa na King Og gna Besan teke funei frunidi vido te gnafa ka nohi tuana. Eghuteuna mae Manase neke jaola neke atha namono Salei, nogna namono mae Jai te au ka nohi Besan.

Ululahu Kings 4:13

Mae Ben-Geba, mana reireghini namono biꞌo Ramot te au ka nohi Gilead. Namono igre nodi vikegna mae Jaea, thugna mae Manase. Eghuteuna mana jaola reireghini vido Agob ka rijon Basan. Nohi igne au namnosalei namono biꞌo. Namono biꞌo igre bara lithui ka thina biꞌo. Eghuteuna grengathadire bibilakhi ka aean biꞌo te horo ka bras.