Diutronomi 29:9 - Buka Blahi Ka Cheke Holo

⁹ “Eghume, leuleghu fata na ghotilo thofno leghuni chekegna nhaꞌa cheke igne mala tangomana ghotilo te au ka nakarha te thofno keli fara.

Diutronomi 29:9 ပူးပေါင်းရင်းမြစ်များ

Ululahu Kings 2:3

Eghuteuna iagho mala eni unha te chekeni nou Lord God na. Iagho leghudi nogna vetula nei nogna cheke teu mana te rioriso soru ka nogna buka mae Moses ra. Jame te edi iagho glepo igre na, neuba iagho ne tei au delei, nou gloku iaghore ginauna thofno keli fara.

Diutronomi 4:6

Eghuteuna ghotilo mala famane leghudi nei faꞌuvedi eghu vetula igre, eghuteuna ka puhi tuare te mala fakakhana ka keha naiknore te ghaoghatho fakeli fara nei lalase fara teu ghotilo na. Eghuteuna kate nomhidi mare vetula igre mare ginauna cheke eghu, ‘Tutuani fara, naiknodi Israel igre au tadi gaoghatho te keli na nei glalase na eghu!’

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Josua 1:7

“Kegra heta, thosei mhaghu, ba suaraghi. Leghu fakelidi vetula teke tusu ranghi nigho nogu mae gloku iara mae Moses. Iagho thosei koko kaisei phugra cheke ka vetula teke lilisei ranghi nigho mae Moses igre. Eghume, jame te leghu fakelidi iagho nogna cheke mana igre na, aheva te tei iagho na, iagho ginauna thofno doglo fara unha te magnahaghei edi iaghore.

Diutronomi 29:1

Igre chekegna nhaꞌa cheke teke eni Lord baludi nogna naiknodi Israel. Cheke igre neke cheke mana ka mae Moses kani au teku mare Moab mala toutonu ranghidi naiknore. Nhaꞌa cheke igne neke nhaꞌa lao mae Moses ka nhaꞌa cheke teke eni Lord baludi mare tifa ka Thogele Sanai.

Profet Jeremaea 50:5

Mare ginauna ghusnani nabrou aheva te mala leghuni mare te tei posa Jerusalem na. Eghuteuna mare ginauna eni kaisei nhaꞌa cheke te theo ka huigna balugu iara.

Nodi Khoje Hatimare Mae Jiu 25:10

God na tutuani ranghidi nei namhadi eghu koba naikno te leghudi nogna nhaꞌa cheke nei nogna vetula teure.

Diutronomi 29:10

Gognarona ghotilo kafe kegra haghe ke ulugna Lord. Ghotilo mae mala baubatu te gnafa ra, mae funei ra, mae biꞌo ra, mae khuekuꞌe ra, baludi mae te gnafa Israel ra.

Josua 1:8

Leuleghu fata na iagho iuꞌiju koba buka vetula igne, eghuteuna iagho farirhiudi naiknore eidi cheke te au ka buka na igre. Eghuteuna bongi narane na iagho ghaoghatho fakeli leghudi cheke igre mala tangomana iagho te edi unha te chekedi ka vetula na igre. Jame te eghu iagho na, nou gloku iaghore ginauna na thofno keli fara.

Fapea Kronikols 31:21

Ka gloku te gnafa te edi King Hesekaea te toghoni nogna Sugablahi Lord na igre nei leghu fakelidi nogna vetula nei nogna cheke teu Lord re, mana hironi nogna God na nei mana thofno kelitagna fara te eni gloku igne. Naugna igne gobigna lepo te edi mana re thofno keli fara.

Diutronomi 5:3

Neke theome ka kuꞌeda tahati ra kolho. Mana neke baluda tahati gnafa te au teu gognaro gre.

Diutronomi 31:12

Ka narane tuana, mae nalhaꞌu nei goro gaꞌase teura mala kafe mei, eghuteuna goro sua nei naikno phosa teu te au balumi ghotilo ra jaola kafe mei, mala tangomana mare te kafe nomhini vetula igne. Ka nafnata puhi igne, mare tangomana te laseni puhi te mala ghatho tahuni Lord nomi God. Eghuteuna mala tangomana mare te thofno leghudi cheke te gnafa te au ka vetula igne.

Josua 8:35

Mae Josua ne iuꞌiju fahui cheke te gnafa teke rioriso mae Moses igre, eghuteuna maedi Israel te gnafa igre ne kafe nomhini nogna vetula mae Moses igne. Eghuteuna goro gaꞌase, goro sua, nei mae phosadi ka keha namono igre eghu jaola au neu baludi mare ne nomhini cheke igne.

Josua 24:1

Josua ne cheke ka vike te gnafa Israel mala kafe mei ka namono Sekem. Kate thoke mare ka vido igne, mana ne kilodi mae biꞌo nei mae mala baubatu, nei hatimare mae funei, nei mae komanda mala mei kegra ke ulugna nogna Suga Tapuale te Blahi Lord.

Fapea Kronikols 20:13

Ka narane tuana, maedi Juda baludi goro gaꞌase nei goro sua teure ne kegra ke ulugna nogna Sugablahi Lord na.