Diutronomi 29:11 - Buka Blahi Ka Cheke Holo

¹¹ Ghotilo goro gaꞌase ra, goro sua ra, naikno phosa te mala uge nomi gaju nei mala pala khoꞌu mei teu ka ghotilo ra.

Diutronomi 29:11 ပူးပေါင်းရင်းမြစ်များ

Eksodas 12:38

Kmana naikno la ngau ka keha vike te theome naiknodi Israel re ne jaola ne tei baludi. Eghuteuna mare ne jaola ne atha baludi kmana buluka, sipu nei nanigot.

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Diutronomi 5:14

Nu ka fafitu narane na, narane Sabat, narane mala cheke fakelini Lord, nomi God. Ka narane igne, ghotilo ginauna thosei loku tagna. Ghotilo, nei thumire, nei nomi mae gloku, nei gaꞌase gloku, nei nomi buluka nei dongki, nei nomi sipu, nei naikno phosa te au balumi. Ghotilo te gnafa na thosei loku ka narane igne. Ka puhi igne nomi naikno gloku ghotilo re jaola tangomana te gnafa jateula ghotilo eghu.

Naba 11:4

Ka vido tuana, keha naikno te diꞌare ne au baludi naiknodi Israel. Eghuteuna naikno te diꞌa igre magnahaghei te ima gano te keli, nafnata gano teke ima mare Ijep. Aonu naiknodi Israel re ne diꞌanagnafadi fara, ne funu cheke faparini Lord ne cheke eghu, “Ghehati magnahaghei te ima nafnahi sia!

Diutronomi 29:10

Gognarona ghotilo kafe kegra haghe ke ulugna Lord. Ghotilo mae mala baubatu te gnafa ra, mae funei ra, mae biꞌo ra, mae khuekuꞌe ra, baludi mae te gnafa Israel ra.

Diutronomi 29:12

Gognarona ghotilo kafe kegra haghe agne mala eni nomi nhaꞌa cheke na ka Lord nomi God. Mana neke eni nhaꞌa cheke igne balumi ghotilo, eghuteuna ghotilo lasedi nogna cheke mana te thofno rheta fara igre.

Profet Esikiel 16:20

“ ‘Iagho aknu falehe thugu nalhaꞌu nei thugu gaꞌase teu iara teke karha ka iagho ra, eghuteuna iagho neke fafara lao jateula gano neku ka mumuju. Theome keli te jateula thau vine teu iagho te tirou ghauhi iara na!

Josua 8:35

Mae Josua ne iuꞌiju fahui cheke te gnafa teke rioriso mae Moses igre, eghuteuna maedi Israel te gnafa igre ne kafe nomhini nogna vetula mae Moses igne. Eghuteuna goro gaꞌase, goro sua, nei mae phosadi ka keha namono igre eghu jaola au neu baludi mare ne nomhini cheke igne.

Josua 24:25

Aonu ka narane te au teu mare ka namono Sekem gne, Josua ne eni kaisei nhaꞌa cheke maladi mare, eigna Lord na ginauna nodi God mare, eghuteuna mare ginauna leghuni mana fabrahu. Eghuteuna mana jaola tusu lao vetula nei cheke eghu ka mare mala leghudi mare.

Fapea Kings 6:4

Aonu mana ne tei baludi mare. Mare tei ne thoke ka khoꞌu Jordan ne funu kato gaju.

Fapea Kronikols 15:12

Maedi Juda nei Benjamin ne eni kaisei nhaꞌa cheke balugna Lord nodi God mae kuꞌedi mare tifara. Mare nhaꞌa cheke mala thofno ghaoghatho heta te mala leghuni kolho mana na.

Fapea Kronikols 23:16

Jehoada hata King Joas baludi naiknore mala nhaꞌa cheke leghuni nogna nhaꞌa cheke Lord, aonu mare ne nhaꞌa cheke mala au jateula nogna naikno Lord eghu kolho.

Nehemaea 10:30

“Ghehati nhaꞌa cheke mala theome snakredi thumi gaꞌase gre mala tolaghi ka mae nalhaꞌudi keha kantri te au faligoho ghami igre. Eghuteuna ghehati ginauna theome tangomana te hata thudi gaꞌase mare re te mala tolaghi ka thumi nalhaꞌu ghehati gre.