Diutronomi 29:10 - Buka Blahi Ka Cheke Holo

¹⁰ Gognarona ghotilo kafe kegra haghe ke ulugna Lord. Ghotilo mae mala baubatu te gnafa ra, mae funei ra, mae biꞌo ra, mae khuekuꞌe ra, baludi mae te gnafa Israel ra.

Diutronomi 29:10 ပူးပေါင်းရင်းမြစ်များ

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Thakle 6:15

Aonu naikno te gnafa ka nauthoglu gne ne mhaghu nodi fara ne poru lamna gluma nei ke leghu thina biꞌo ke kligna thogele. Neuba hatimare mae king gna nauthoglu igne, baludi hatimare mae funei biꞌo nei hatimare mae funeidi mae armi, baludi naikno te dedei nei naikno te au nolaghi, baludi naikno te gnafa, neubane mae sneka ba theome sneka, naikno te gnafa ne poru.

Nehemaea 10:28

“Ghehati naiknomi Israel te eni u nhaꞌa cheke igne. Ghehati mae pris ra, mae Livaet ra, mae mala reireghi grengatha ra, mae mala koje ka Sugablahi ra, nei mae loku ka Sugablahi ra, ghehati te gnafa na magnahaghei te leghuni nogna vetula God. Nu ghehati theome loku fodu baludi naiknodi keha kantri te au balumi ghehati igre. Eghuteuna ghehati baludi khetomi nei thumi teu igre lase fakelini nhaꞌa cheke igne, ghehati gognarona loku fodu baludi nomi mae funei igre neke eni nhaꞌa cheke igne. Jame te theome tajini ghehati nhaꞌa cheke igne na, iagho tangomana te snakre mei puhi biꞌo ke klignami. Ghehati nhaꞌa cheke mala leghuni nogna vetula God teke tusu ranghini iagho nou mae gloku Moses, eghuteuna ghehati nhaꞌa cheke mala leghudi nogna cheke nei nogna vetula teu God te cheke thakledi ka vetula igne.

Nehemaea 9:38

“God, naugna te thoke mei gobigna lepo igre, ghehati neke eni kaisei nhaꞌa cheke ka iagho, neke rioriso soru ni. Eghuteuna ghehati mae lida re, mae pris ra, nei mae Livaet ra, ghehati te gnafa na ne kafe rioriso nanghami re ne lisei soru nomi fagaglana re tagna.”

Nehemaea 8:2

Aonu ka narane ululahu ka nhigra igne, mae Esra hata ne mei buka igne, eghuteuna mana kegra haghe ke uludi mae nalhaꞌu, nei goro gaꞌase, nei goro sua iheire te tangomana te laseni unha te iuꞌijuni mana na.

Fapea Kronikols 23:16

Jehoada hata King Joas baludi naiknore mala nhaꞌa cheke leghuni nogna nhaꞌa cheke Lord, aonu mare ne nhaꞌa cheke mala au jateula nogna naikno Lord eghu kolho.

Diutronomi 4:10

Thosei ghatho ihoni narane teke mei kegra kuꞌemi ghotilo ka Thogele Sanai teke kegra ke ulugna Lord nomi God. Ka narane tuana, mana neke cheke eghu ka iara, ‘Chekedi naikno ra mala kafe mei rhegu iara agne. Iara magnahaghedi mare te mala nomhidi gobigna lepo nate chekedi iara ka mare. Ka puhi igne, mare tangomana te ghatho tahu ghau iara fabrahu ka nakarhadi re, eghuteuna mare tangomana nate farirhiudi thudi re mala ghatho tahu ghaula iara.’

Diutronomi 29:9

“Eghume, leuleghu fata na ghotilo thofno leghuni chekegna nhaꞌa cheke igne mala tangomana ghotilo te au ka nakarha te thofno keli fara.

Diutronomi 29:11

Ghotilo goro gaꞌase ra, goro sua ra, naikno phosa te mala uge nomi gaju nei mala pala khoꞌu mei teu ka ghotilo ra.

Josua 8:35

Mae Josua ne iuꞌiju fahui cheke te gnafa teke rioriso mae Moses igre, eghuteuna maedi Israel te gnafa igre ne kafe nomhini nogna vetula mae Moses igne. Eghuteuna goro gaꞌase, goro sua, nei mae phosadi ka keha namono igre eghu jaola au neu baludi mare ne nomhini cheke igne.

Josua 9:21

Tahati snakredi mare mala karhau. Nu mare mala uge gaju nei mala pulei khoꞌu eghu ka tahati.” Igne cheke te eni mae lidare.

Ululahu Samuel 3:21

Eghuteuna leuleghu fata na Lord tangomana te mei ka mae Samuel Saelo, te cheke ka mana na.

Ululahu Samuel 4:1

Eghuteuna kate cheke mae Samuel na, tharaknagna Israel igne ne kafe fanomho ka mana. Kaisei fata, maedi Israel igre ne tei magra ka maedi Filistia. Maedi Israel igre ne lisei haghe nodi suga tapuale re ka namono Ebenesa, eghuteuna maedi Filistia gre jaola ne lisei haghe nodi suga tapuale re ka namono Afek.

Fapea Kronikols 20:13

Ka narane tuana, maedi Juda baludi goro gaꞌase nei goro sua teure ne kegra ke ulugna nogna Sugablahi Lord na.