Diutronomi 28:8 - Buka Blahi Ka Cheke Holo

⁸ “Lord ginauna fablahidi suga te mala lilisei gano ghotilo are mala fodu salaꞌui. Eghuteuna nomi gloku ghotilo are ginauna keli fara. Lord nomi God ghotilo igne ginauna fablahi ghami ghotilo ka glose teke tusu ari mana ka ghotilo igne.

Diutronomi 28:8 ပူးပေါင်းရင်းမြစ်များ

Diutronomi 15:10

Ghotilo glealeꞌa eghuteuna thosei thodo te toghoni ihei te kuma. Eghuteuna jame te eni ghotilo igne na, Lord ginauna fablahi ghami ghotilo ka gobigna lepo te edi ghotilore.

Levitikas 26:10

Gano nate hata ghotilo ka nomi nagare re ginauna kmana fara salaꞌui, ginauna ghotilo naba gano salaꞌuni finogha thongana na. Eghuteuna leuleghu fata kate ari te gnafa finogha na, ghotilo ginauna tangomana te koko fahui gano teke kulu au re mala au kaisei chogho te krogha maladi gano majaghani.

Nodi Khoje Hatimare Mae Jiu 133:3

Puhi te kaisei gaoghatho ngala tahati te au fodu igne thofno keli fara, eigna jateula nabubla teke soru mei ke kligna Thogele Hemon nei Thogele Saion teu ra eghu. Jare ka namono Saion, Lord ginauna fablahi ghita tahati nogna naiknore, eghuteuna tahati ginauna au fakeli noda fabrahu tifa tifa.

Matiu 6:26

Filo si ghotilo ka nanghaji te flalo tafri are. Reꞌe theome joꞌu sisi nei theome pulei gano mei mala bubukrei ka suga na. Nu mae Kmami ghotilo te au kligna na te faghamudire. Filo si ghotilo, ghotilo glepo ke uludi nanghaji igrei ka tathagna God na.

Nodi Khoje Hatimare Mae Jiu 42:8

God iagho ngala te funei frunini nakarhagu iara gne. Iara gne ofoniu kolho glehe na. Iara laseni ka kaisei narane teuna iagho falalase nou namha biꞌo na ka iara. Eghuteuna leuleghu bongi na iara koje balu tharai ka iagho.

Levitikas 25:21

Iara Lord, iara ginauna fablahi nomi glose na ka fafamno finogha na mala au kmana gano nabagna thilo finogha.

Profet Hagae 2:19

Neubane gnafahi ghemi gano ghotilore, eghuteuna gaju grep, nei gaju fig nei pomegranet teu igre ginauna theome tangomana te ure na, nu gognarona, ghotilo ginauna au ghemi kmana gano te keli te mala ghamu na. “Iara ginauna thofno fablahi ghami ghotilo!”

Nodi Khoje Hatimare Mae Jiu 144:13

Ghehati magnahaghedi ghemi nagare gre te au kmana ganodi fara, mala fodu nomi belare ka gano te keli. Ghehati jaola magnahaghedi nomi sipure te au kmana thudi.

Fapea Kings 6:27

Eghuteuna king ne cheke eghu ka naꞌa, “Jame te theome tangomana Lord te togho nigho na, iara ginauna na jaola theome tangomana te togho nigho na, naugna iara ne theo kaisei wit ba waen.

Matiu 13:30

Keliu mala kotu fodu wit ghe sokiaro are ghilei thokeni narane te mala ghanodi wit are. Ka narane ukli na iara ginauna cheke eghu ka mae glokure: Ululahu ghotilo na salo sokiaro are mala haru fodu eghuteuna koko lao ka khaꞌaghi. Eghuteuna ukli wit are mala fafofodu nogu suga gano iara ana.’ ”

Nodi Khoje Hatimare Mae Jiu 44:4

Iagho nogu Lord nei nogu God eghu iara, iagho gognaro na toghodi nou naiknore mala nheta frunidi nodi naokare ka magra na.

Diutronomi 15:4

Ghotilo mala thofno leghuni Lord, nomi God, eghuteuna ghotilo leghudi cheke te gnafa te tusu ari iara ka ghotilo gognaro igre. Jame te leghudi ghotilo unha te chekedi iara ka ghotilo igre na, Lord ginauna tangomana te fablahi ghami ghotilo ka glose teke tusu ari mala khotogna ghotilo teku igne. Eghuteuna ginauna theo kaisei ka ghotilo nate kuma na. Eghuteuna jame te leghudi ghotilo cheke igre na, Lord ginauna fablahi ghami ghotilo jateula teke nhaꞌa chekeni hi mana ia eghu. Eghume naiknodi keha kantri are ginauna tore kaoni ka ghotilo, nu ghotilo thosei tei kaoni ka ihei nga. Keha kantri are ginauna au ke parigna nomi nolaghi ghotilo na, nu theo kaisei ka keha kantri are nate au nodi nolaghi ke klignami ghotilo ginauna.

Diutronomi 28:7

“Mana ginauna togho ghami ghotilo mala uludi nomi naoka te mei magra ka ghotilo are. Neuba naoka igre ne mei fodu ka narane te mala mei magra ka ghotilo na, mare ginauna rikha rikiraka tafri tei ka sopai nabrou.

Diutronomi 28:20

“Kate figri tagruni ghotilo Lord, te leghuni ghotilo puhi te diꞌa na, mana ginauna tusu ari puhi biꞌo mala thokedi gobigna lepo te edi ghotilo are. Mana ginauna tei koko ghami ghotilo, eghuteuna ghotilo ginauna mhaghu nomi na theome tangomana te laseni unha nate eni na, ghilei goigoni ghami fabrahu ghotilo.

Diutronomi 14:29

Ka puhi igne vikegna mae Livae te theo nodi glose igre ginauna tangomana te au ghedi gano na. Eghuteuna jaola naiknodi delei te mei au balumi ghotilo are, nei iheire te glehe kokoi, nei goro naikno biꞌo tela lehehi khetodire teu te au ka namonomi ghotilo are eghu tangomana te kafe mei ka vido igne mala hata gano te nabadi. Jame te eghu ghotilo na, Lord ginauna fablahidi nomi gloku te gnafa ghotilore.”

Nodi Khoje Hatimare Mae Jiu 1:3

Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Nodi Khoje Hatimare Mae Jiu 128:2

Jame te eni fabrahu iagho igne na, ginauna nou gloku iagho re na tangomana te togho nigho te mala au fakeli na.