Diutronomi 28:45 - Buka Blahi Ka Cheke Holo

⁴⁵ “Jame te tiromi fanomho ghotilo ka Lord nomi God eghuteuna theome leghudi cheke nei vetula eghu teke tusu ari mana ka ghotilo igre teuna, puhi biꞌo te gnafa igre ginauna thoke ghami ghotilo ghilei kafe lehe fahui ghotilo.

Diutronomi 28:45 ပူးပေါင်းရင်းမြစ်များ

Diutronomi 28:15

Mae Moses ne cheke eghu, “Nu jame te tiromi fanomho ghotilo ka Lord nomi God, eghuteuna theome leghu fakelidi nogna cheke nei vetula teu mana te tusu ari iara ka ghotilo gognaro igre na, mana ginauna edi puhi biꞌo igre mala thoke ghami ghotilo:

Profet Isaia 1:20

Nu jame te tiromi leghuni ghotilo nogu cheke iara igne te figri tagru ghau iara na, iara ginauna snakredi mae naokare mala mei falehe ghami ghotilo.” Iara Lord te chekeni igne!

Profet Esikiel 14:21

“Iara Lord iara cheke eghu: Ghotilo naiknomi Jerusalem. Ginauna na thono diꞌa fara salaꞌuni narane teke snakredi iara fati papara biꞌo igre ka ghotilo ra. Iara ginauna kuru mei narane mala magra, nei narane mala rofo, nei khuma mhata, nei kaisei fogra diꞌa mala lehe fahui naikno te gnafa nei glepo tautagu te gnafa eghu Jerusalem.

Profet Esikiel 7:15

Mae naokare au ke kosigna namono na, eghuteuna grofo nei fogra teuna au ke lamna. Naikno te jifla ke kosi namono na, ginauna kafe lehe ka magra. Eghuteuna naikno te au ke lamna namono na ginauna lehe ka grofo nei fogra.

Proveb 13:21

Puhi biꞌo leghuni naikno te diꞌa na. Nu nakarha te keli na leghuni naikno te doglo na.

Nodi Khoje Hatimare Mae Jiu 119:21

Diꞌatamu sagho ka naikno te thonu fahaehaghedi fara are, nei paradi iheire te theome leghudi teu nou cheke iaghore are.

Fapea Kings 17:20

Lord ne thono tirognadi fara naiknodi Israel gre ne paradi mare. Eghuteuna mana ne lisa laodi ka khamedi nodi naokare, ghilei leghu lahu na mana theome magnahaghedi mare te mei namo ka mana na.

Diutronomi 28:5

“Ghotilo ginauna au ghemi kmana wit mala ei ghemi bret.

Levitikas 26:28

iara ginauna diꞌatagu fara nei theome keli ranghi ghami eghu ghotilo. Eghuteuna iara thegu ginauna thofno para ghami ghotilo fabrahu.

Jenesis 19:13

Naugna ghepa ginauna na roꞌeni namono igne. Lord la nomhidihi thua nafnata puhi te diꞌa fara te edi ka namono igne re, eghume mana neke kuru mei ghami ghepa mala roꞌeni namono igne.”

Diutronomi 4:25

Neuba ghotilo ne au raugha ka glose igne ne au thumi nei grami neu, ghotilo jafra jame te sari mumuju ghotilo te tarai tagna na. Jame te eni ghotilo glepo te jafra nei theome doglo teu ka tathagna Lord igne na, mana ginauna diꞌatagna fara ka ghotilo.

Diutronomi 4:26

Iara kilodi maloa ghe nauthoglu mala fiofilo fakeli ka nogu cheke iara igre gognarona. Jame te horo thua nafnata mumuju ghotilo na, ghotilo na theome raugha dofi ghami ka glose te khotogna ghotilo tuana, naugna Lord ginauna falelehe kmana naikno ka ghotilo.