Diutronomi 28:4 - Buka Blahi Ka Cheke Holo

⁴ “Ghotilo ginauna au kmana thumi. Eghuteuna ghemi nagare ghotilo are ginauna vuragha gano. Eghuteuna nomi glepo tautagu ghotilo are ginauna jaola au kmana thudi.

Diutronomi 28:4 ပူးပေါင်းရင်းမြစ်များ

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Diutronomi 7:13

Eghuteuna kate leghudi ghotilo vetula igre, mana ginauna namha ghami nei fablahi ghami eghu mala vuragha au kmana thumi ghotilo, eghuteuna ghemi nagare ghotilo re ginauna au kmana gano, eghuteuna ghotilo ginauna au ghemi kmana waen, nei kmana oel mala kuki. Eghuteuna mana ginauna fablahidi nomi buluka nei sipu teu ghotilo re mala karha kmana thudi. Ka puhi jateula igre eghu mana ginauna tangomana te fablahi ghami ghotilo kate au ghotilo ka glose teke nhaꞌa chekehi mana ka kuꞌemi ghotilo ra.

Jenesis 49:25

Mana na tusu ranghi nigho iagho glepo te keli funu kligna nei funu pari ke lamna thongna nei tusu ranghi nigho kmana vike eghu.

Nodi Khoje Hatimare Mae Jiu 128:3

Khetomu iagho na ginauna jateula gaju te ure sisi ia eghu na au kmana thugna, eghuteuna goro sua igre ginauna na jateula gaju ikodi te kotu faligohoni pesigna gaju biꞌo na ia eghu na gnokro faligohoni tevo na balumu iagho.

Diutronomi 28:11

Kate au ghotilo ka glose aheva teke nhaꞌa chekeni Lord ka kuꞌemi ghotilo tifa ra, mana ginauna fablahi ghami ghotilo mala au kmana thumi, nei kmana nomi buluka, nei sipu, nei nanigot, nei dongki, nei kmana gano ka nagare.

Nodi Khoje Hatimare Mae Jiu 107:38

Mana fablahidi koba naiknore, mala vuragha e thovu nei mala kmana nodi buluka eghu.

Levitikas 26:9

“Eghuteuna iara ginauna fablahi ghami ghotilo, mala au kmana thumi ghotilo, jateula teke chekeni iara ka nhaꞌa cheke teke eni iara balumi ghotilo ia eghu.

Proveb 13:22

Mae te keli na tufa glepo te keli ka gragnare. Nu nogna glepo mae diꞌa na, ginauna tei ka naikno te doglore.

Jenesis 22:17

Tutuani fara, iara ginauna na fablahi nigho iagho nei tusu ranghi nigho kmana vikemu eghu. Mare ginauna kmana fara jateula nathunu ka maloa na are eghu ba na jateula nusu ka glilihi na are eghu. Eghuteuna vikemu iagho gre ginauna tapla faparidi nodi naoka re nei hata nodi namono re eghu.

Proveb 20:7

Mae te leghuni fabrahu puhi te doglo na, God ginauna fablahidi thugna mana re.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Jenesis 39:5

Aonu funu ka narane te au mae Josep ka gloku igne na Lord ne fablahini tharaknagna nei glepo te gnafa teu te au ka sugagna nei nogna nagare teu mae Potifa re, naugna mae Josep ne au neu jare baludi.

Diutronomi 28:3

“Nomi bisnis nei nomi nagare teu ghotilo are ginauna thofno keli fara.

Diutronomi 28:5

“Ghotilo ginauna au ghemi kmana wit mala ei ghemi bret.

Diutronomi 28:18

“Ghotilo ginauna theo sua. Eghuteuna ghemi nagare ghotilo are ginauna theo ganodi. Eghuteuna nomi buluka nei nomi sipu nei nomi nanigot teu ghotilo are ginauna jaola theo thudi.