Diutronomi 28:34 - Buka Blahi Ka Cheke Holo

³⁴ Ghotilo ginauna na ghilei noli kate filodi ghotilo glepo te diꞌa te au faligoho ghami ghotilo re.

Diutronomi 28:34 ပူးပေါင်းရင်းမြစ်များ

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Diutronomi 28:68

Neuba Lord neke chekenihi ka ghotilo na teke theome tangomana na teke pulo Ijep na, nu mana ginauna nake lilisei ghami ghotilo ka vaka mala ke kuru fapulo ghami jare. Eghuteuna kate au teu ghotilo jare na, ghotilo ginauna tangomana te toredi nomi mae naokare mala mei foli ghami ghotilo mala tei loku jateula naikno sneka eghu ka mare, nu ginauna na theo kaisei mae nate keli tagna te foli ghami ghotilo na.”

Diutronomi 28:28

Lord ginauna eni ghami ghotilo mala fameomekro, eghuteuna ghotilo na noli nei dofu eghu.

Diutronomi 28:33

Ghotilo ginauna loku heta fara ka nagare mala kotu gano, nu maedi ka keha kantri delei ginauna mei hata ganodi re. Eghuteuna leuleghu fata na mare ginauna thofno goigoni ghami ghotilo.

Diutronomi 28:35

Lord ginauna toku tafru ghahemi ghotilo are ka nhuge te theome tangomana te gnafa dire, funu ka ghahemi are haghe posa ka phaꞌumi ghotilo are.

Profet Jeremaea 39:6

Jare Ribla King Nebukadnesa ne aknu falehe thugna mae Sedekaea re baludi hatimare mae biꞌodi Juda kate filo teu mana na.

Thoutonu Eigna Mae Job 41:9

Theome tutuani jame kaisei te mana tangomanau ngala te uluni Leviatana na teu ka gaoghatho gna na. Kate filoni kaisei mae glepo biꞌo igne, mana ginauna mhaghu fififri fara.