Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Diutronomi 28:30 - Buka Blahi Ka Cheke Holo

30 “Jame iagho paru ka kaisei gaꞌase mala tolaghi ka naꞌa, nu keha mae ginauna mei goigoni gaꞌase igne. Jame kaisei mae horo kaisei suga, nu mana ginauna na theome tangomana te thuru tagna na. Jame kaisei mae joꞌu kaisei nagare grep, nu mana ginauna theome tangomana te ukli sisigna na.

အခန်းကိုကြည့်ပါ။ ကော်ပီ




Diutronomi 28:30
19 ပူးပေါင်းရင်းမြစ်များ  

Leuleghu fata na ghotilo filo faparidi nafnata naikno te kuma igre, eghuteuna ghotilo jaola blau ghedi ganore ka puhi te chaichaghi te edi ghotilo ka naiknore. Naugna igne, ghotilo ginauna na theome thuru blakno ka famane suga teke babana ghotilo ka thina igre, ba ghotilo ginauna na theome koꞌu waen ka famane grep teke joꞌu ghotilo ra.


Eghume, iara ginauna na snakre lao khetodi mae igre ka keha mae delei, eghuteuna nodi vido glose mae igre nake snakre lao ka keha naiknoi mala ke khotodi. Neuba ihei ne fnakno ba theo, mare na kaisei nanaba ngala. Mare te gnafa na kafe magnahaghei sileni fara. Uve, neubane mae profet ba pris, mare jaola chaichaghidi naiknore.


uve, snakreni khetogu iara na mala jateula nogna gaꞌase gloku eghu keha mae na mala thuru balugna mana.


Hatimare mae naoka ginauna mei blau fahui nodi dedei naiknore, nei paꞌe soru nodi sugare. Eghume, neuba mare ne babana suga majaghani, mare na theome autadi. Neuba mare ne joꞌu nagare grep, mare ginauna theome koꞌu kaisei waen.”


Neuba ghotilo ne joꞌu nagare, nu ghotilo theome tangomana te tathaji kaisei gano tagna. Neuba ghotilo edi kmana oliv oel, nu ghotilo theome tangomana te atha naba oel malami themi. Eghuteuna neuba ghotilo ne poji kmana grep mala ei kmana waen, nu ghotilo theome tangomana te koꞌu na.


Ghotilo nhaꞌa cheke koba ka iara, nu ghotilo theome leghudi kolho nomi nhaꞌa cheke re eghu. Tore, ghotilo naikno chaichaghi fara, nei mala falehe naikno, nei mala blau, nei mala theome leghuni puhigna tholaghi na. Ghotilo theome leghudi nogu vetula iara re ne paradi koba naiknore.


Namono teke tusu mei iagho ka ghehati igre baludi nomi suga igre eghu gognarona au ka khamedi maedi delei te mei au ka nomi namono ghehati igre.


Nogu naikno iara igre ginauna joꞌu famane sisi wit ka nagare, nu ka narane te mala atha gano na, mare na atha phono kolho. Mare ginauna loku heta, nu mare na theome tangomana nate filoni sisigna nodi gloku na. Tore! Sisi te atha ghotilo igre theome kmana, eghume ghotilo mamaja nomi fara kolho. Igne ikoi fara naugna iara Lord thono diꞌatagu fara ka ghotilo.”


Neuba ne mae sneka, mare glealeꞌa te au blagna ka namono igne, naugna mare theome nomhidi nodi cheke fangangara nodi funei re.


Keha mae ginauna mei aknu falehe nou buluka iagho re kate filo teu iagho na, nu ghotilo ginauna na theome tangomana nate ghamu nafnahi gna na. Mare ginauna mei blau nou dongki iagho na, eghuteuna mare ginauna theome tusu fapulo ka ghotilo. Nomi naoka ghotilo re ginauna mei blau nomi sipu ghotilo re, eghuteuna ginauna na theo kaisei mae nate tangomana te togho ghami ghotilo na.


“Iara ginauna vahini kaisei mae ka tharaknamu iagho themu igne mala eni kaisei puhi biꞌo ranghi nigho iagho. Iagho ginauna filoni puhi biꞌo igne kate hata iara khetomu iagho igre mala tusu lao ka mae ihei te namhani fara iagho na. Eghuteuna mae igne ginauna thuru baludi khetomu iagho are fari hotei narane ka vido te snagla.


Iara ginauna paradi naiknogna kantri igne, eghuteuna iara ginauna snakre lao nodi suga, nodi nagare nei khetodi teu mae igre ka hatimare mae naoka.


Eghuteuna mana ginauna theome khotogna kaisei glepo te keli teke loku teke kmusadi mana re. Eghuteuna theo kaisei narane kolho te glealeꞌa mana ka nogna gobigna lepo te keli re.


Lord neke enihi kaisei nhaꞌa cheke, eghuteuna mana ginauna eni unha teke nhaꞌa chekeni thegna igne. Mana neke cheke eghu, “Iara ginauna na theome atha kaisei gano ka nagare ghotilo are mala tusu lao ka mae naokare, eghuteuna naiknodi keha kantri igre ginauna theome koꞌu waen teke loku hetadi ghotilo re.


Mae naoka mei goigoni gaꞌasedi Jerusalem, nei gaꞌasedi ka namono te gnafa Juda.


Neuba tahati ne au ka puhi biꞌo, jateula gaju fig, gaju grep, gaju oliv teu igre ginauna theo fuꞌadi, nagare igre theo ganodi, sipu nei buluka teu igre ginauna kafe lehe, God ginauna togho ghita!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ