Diutronomi 28:29 - Buka Blahi Ka Cheke Holo

²⁹ Fari hotei naublatha na, ghotilo ginauna ngafa khame tafri jateula mae te dofu ra eghu, eghuteuna ghotilo ginauna na theome tangomana te thafoni nabrou aheva te magnahaghei tei ghotilo tagna na. Eghuteuna gobigna lepo te edi ghotilo re ginauna theome keli. Leuleghu fata na nomi naoka ghotilo igre ginauna cheke fapari ghami, chaghi ghami nei blau ghami, eghuteuna theo kaisei naikno nate fakarhi ghami ghotilo na.

Diutronomi 28:29 ပူးပေါင်းရင်းမြစ်များ

Profet Isaia 59:10

Ghehati nolo tafri jateula naikno te dofu ra eghu. Neuba ghehati ne nolo tafri fari hotei naublatha, nu ghehati totokhei uka pari jateula ihei te nolo tafri fari hotei bongiro ra eghu. Neuba ghehati ne au baludi iheire te nheta igre, nu ghehati jateula naikno tela lehehi ra eghu kolho.

Thoutonu Eigna Mae Job 5:14

Eghuteuna neubane farihotei narane, God eni gromno na mala toku tafrudi mae igre. Aonu mare jateula te au farihotei bongiro neu ne theome tangomana te fifilo na.

Jajis 13:1

Ke leghu naiknodi Israel igre ne edi unha te theome keli ka tathagna Lord. Aonu Lord ne snakredi mare mala au ke parigna nodi nolaghi vikegna Filistia nabagna phiatutu finogha.

Jajis 10:8

Aonu ka finogha te lehe Jaea igne, mare mei ne thofno goigonidi naiknodi Israel te au Gilead ka nodi rijon vikegna Amoa ke maghati Khoꞌu biꞌo Jordan nabagna nabotho nhana finogha.

Jajis 3:14

Aonu naiknodi Israel igre ne au ke parigna nogna nolaghi mana nabagna nabotho nhana finogha.

Letas Teke Riso Tei Mae Pol Ka Khiloau Rom 11:25

Uve kheraguro, iara magnahaghe ghami te thofno laseni glepo biꞌo te poru igne, eigna glepo te poru igne ginauna togho ghami mala thosei fahaehaghe ghotilo. God ne fapatugamadi nagnafadi mae Jiu gre ghilei thokeni narane te mala ke pulo mei ka God hatimare mae iheire te theome Jiu teke vavahi mana gre.

Mae Khuru 21:24

Hata tei fati mae igre balumu ka Sugablahi gno mala eni unha te mala gae na ke ulugna God. Eghuteuna iagho tei baludi mala foli glepo te mala ghoighori pha'u leghuni noda kastom na ke leghugna u nhaꞌa cheke igne. Ka puhi igne naikno te gnafare ginauna na laseni unha teke nomhini mare eimu iagho na theome tutuani. Mare ginauna na filo glani nigho te loku famaku fara nogna vetula mae Moses na ka nakarhamu themu na.

Profet Sefanaea 1:17

Lord ne cheke eghu, “Naiknore ei puhi diꞌa ranghi ghau iara, eghume iara ginauna na tusu ranghidi thua nafnata puhi biꞌo. Eghuteuna naikno igre ginauna jateula naikno te dofu ra eghu na theome laseni aheva te tei na. Eghuteuna dadaradire ginauna thofa jateula khoꞌu eghu, eghuteuna thinidire ginauna boto siri ka glose na.

Lamentations 5:17

Naudi naꞌau papara igre ghehati fadiꞌa ghami fara, eghuteuna ghehati diꞌanagnafa nei tanhi eghu fabrahu ghilei theome tangomana te fifilo na.

Lamentations 5:8

Mae gloku kolho te funei fruni ghami ghehati na, eghuteuna theo kaisei naikno te tangomana te hata fajifla ghami ka nodi nolaghi mare na.

Thoutonu Eigna Mae Job 12:25

Mare snivi kate thono romno fara. Uve, mare uka tafri kolho jateula mae te koꞌu te thaviru ra eghu.”

Nehemaea 9:37

Nu naugna te eni fabrahu ghehati puhi nakhibo na, king mala funei fruni ghami ghehati teku iagho igre, mare hata glepo te keli teke hata ghehati ka glose igne. Mare funei fruni fadiꞌa ghami ghehati mala tangomana mare te edi ka ghehati unha glepo te magnahaghei edi mare ka ghehati na, nei ka nomi buluka nei sipu teu ghehati gre. God, puhi biꞌo thoke ghami ghehati gognarogne!

Jenesis 19:11

Eghuteuna phia mare ne fadodofu tathadi mae te au teu ke kosi gre. Aonu mae majaghani nei mae biꞌo teura ne kafe dofu ne theome tangomana te filoni grengatha gna suga na.

Eksodas 10:21

Ke leghugna igne Lord ne cheke eghu ka mae Moses, “Tusu haghe khamemu na kligna, eghuteuna u gromno biꞌo te thuta te naba te mala haboni ka khame na ginau na soru mei toku tafruni Ijep.”

Diutronomi 28:28

Lord ginauna eni ghami ghotilo mala fameomekro, eghuteuna ghotilo na noli nei dofu eghu.

Profet Jeremaea 9:19

Naiknore koje balu diꞌanagnafa ka namono Saion, mare ne tanhi eghu fabiꞌo, “Tahati kokhoni ghita nei mamaja noda eghu, naugna noda naoka tahati igre la mei goigonidi noda suga gre! Eghume te keli na tahati na jifla kokoni namono igne!”

Lamentations 4:14

Mae mala baubatu igre tei tafri jateula mae te dofu eghu ke lamna nabrou biꞌo. Mare fathonadi thedi ka dadara, mala theome tangomana kaisei naikno te habo ka nodi pohe mare re.