Diutronomi 28:20 - Buka Blahi Ka Cheke Holo

²⁰ “Kate figri tagruni ghotilo Lord, te leghuni ghotilo puhi te diꞌa na, mana ginauna tusu ari puhi biꞌo mala thokedi gobigna lepo te edi ghotilo are. Mana ginauna tei koko ghami ghotilo, eghuteuna ghotilo ginauna mhaghu nomi na theome tangomana te laseni unha nate eni na, ghilei goigoni ghami fabrahu ghotilo.

Diutronomi 28:20 ပူးပေါင်းရင်းမြစ်များ

Profet Malakai 2:2

Jame ghotilo theome leghu ghau iara ba theome ghatho tahuni nanghagu iara na, iara ginauna ei puhi biꞌo mala thoke ghami ghotilo nei thokeni nakarhami keli ghotilo mae pris ra. Uve, iara enihi ka ghotilo, naugna ghotilo ne theome ghatho tahuni nanghagu iara na.

Profet Isaia 66:15

Ghotilo ginauna filoni Lord mei balu khaꞌaghi ngire, eghuteuna mana ginauna saghe ka nogna chariot na umhu mei ke kligna grokho jateula saeklon eghu. Eghuteuna mana ginauna paradi naikno te diꞌatagnadi fara mana ka nauthoglu igne.

Profet Isaia 51:20

Ghotilo uka tafri ke lamna namono biꞌo, naugna ghotilo ne thono glaꞌe fara. Ghotilo jateula kaisei bosu mata te khale ka phighoro ra neu. Diꞌatagna nomi Lord God ghotilo igne thofno thoke ghami ghotilo.

Diutronomi 4:26

Iara kilodi maloa ghe nauthoglu mala fiofilo fakeli ka nogu cheke iara igre gognarona. Jame te horo thua nafnata mumuju ghotilo na, ghotilo na theome raugha dofi ghami ka glose te khotogna ghotilo tuana, naugna Lord ginauna falelehe kmana naikno ka ghotilo.

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Profet Isaia 30:17

Eghuteuna jame te filoni ghotilo kaisei nodi soldia mae naoka re, kaisei thogha mae ka ghotilo ginauna rikha, naugna ghotilo ne mhaghuni mana. Jame te filodi ghotilo glima mae ka mare na, ghotilo te gnafa na ginauna na kafe rikha. Eghuteuna keha ka ghotilo kolho nate karha te mala jateula kaisei gaju flagi te kegra sopa thegna ka thogele ra teuna.”

Profet Isaia 28:19

Bongi narane na puhi biꞌo igne ginauna thoke ghami ghotilo ka namono igne.” Iheire naikno te lase fakelini gaoghathogna nogna cheke Lord igne, ginauna mhaghu nodi fara.

Josua 23:16

Lord na noda God tahati. Jame te huhughuni ghotilo nogna nhaꞌa cheke mana teke eni baluda tahati ia, eghuteuna jame te tei ghotilo te pogho soru ka keha god delei na, mana ginauna diꞌatagna fara ka ghotilo eghuteuna ginauna thofno para ghami ghotilo. Eghuteuna jame te eghu ghotilo na, theo kaisei ka ghotilo nate au ka famane glose teke tusu ari mana ka ghotilo ana.”

Levitikas 26:38

Ghotilo ginauna lehe ka keha kantri te tei au ghotilo tagna na, eghuteuna mae naoka ginauna giugilu ghami ka nodi glose re.

Ululahu Tesalonika 2:16

Mare fariuriu lhoti ghami ghehati te mala cheke ranghidi iheire te theome Jiu mala fakarhidi. Kate eni igne, mae Jiu tuare fodu salaꞌui ka nakhibo. Eghuteuna leghu lahu na, diꞌatagna God na la meihi ke klignadi mare.

Nodi Khoje Hatimare Mae Jiu 7:11

God na fatedi koba naiknore ka puhi te doglo. Nu iheire te edi puhi te diꞌare mana thofno paradi fara.

Ululahu Samuel 14:20

Aonu mana ne tei baludi nogna soldia re ne magra ka armigna Filistia. Nu armi gna Filistia igne ne faꞌiho tafri ne magra fari thedi.

Diutronomi 28:8

“Lord ginauna fablahidi suga te mala lilisei gano ghotilo are mala fodu salaꞌui. Eghuteuna nomi gloku ghotilo are ginauna keli fara. Lord nomi God ghotilo igne ginauna fablahi ghami ghotilo ka glose teke tusu ari mana ka ghotilo igne.

Profet Jeremaea 1:16

Iara diꞌatagu fara ka puhi te diꞌa te edi nogu naikno iara igre, naugna mare ne figri tagru ghau iara. Eghuteuna mare theome gnafa te gahu insens nei tarai teu ka mumuju god teke sari thedi igre.

Profet Jeremaea 19:4

Iara ginauna eni igne, naugna naiknogna namono igne figri tagru ghau iara ne goigoni namono igne. Mare neke atha mei nodi god keha kantri delei mala pogho soru tadi. Eghuteuna mare gahu gano neke fafara ka god igre. Naikno igre baludi mae kuꞌedi tifa ra, nei hatimare mae king di Juda jaola theome lasedi god igre. Namono igne fodu ka dadaradi naikno te doglo.

Jajis 2:15

Eghuteuna leuleghu fata na nodi soldia maedi Israel igre tei ne magridi nodi naokare, nu mare theome tangomana te uludi kolho mae naoka igre, naugna Lord na theome au baludi mare jateula teke chekenihi mana thegna ia eghu. Naugna igne, maedi Israel ne thofno papara fara.

Thoutonu Eigna Mae Job 24:18

“Nu naikno te diꞌa igre tei ne dofidi, jateula nabritha biꞌo te kafe hata tei naiknore te dofidi ra neu. Puhi biꞌo ginauna thokeni nodi namono mare na, eghuteuna theo kaisei naikno nate mei loku ka nodi nagare grep mare na.