Diutronomi 28:15 - Buka Blahi Ka Cheke Holo

¹⁵ Mae Moses ne cheke eghu, “Nu jame te tiromi fanomho ghotilo ka Lord nomi God, eghuteuna theome leghu fakelidi nogna cheke nei vetula teu mana te tusu ari iara ka ghotilo gognaro igre na, mana ginauna edi puhi biꞌo igre mala thoke ghami ghotilo:

Diutronomi 28:15 ပူးပေါင်းရင်းမြစ်များ

Profet Malakai 2:2

Jame ghotilo theome leghu ghau iara ba theome ghatho tahuni nanghagu iara na, iara ginauna ei puhi biꞌo mala thoke ghami ghotilo nei thokeni nakarhami keli ghotilo mae pris ra. Uve, iara enihi ka ghotilo, naugna ghotilo ne theome ghatho tahuni nanghagu iara na.

Diutronomi 28:2

Jame te leghuni ghotilo Lord, nomi God na, mana ginauna tusu ari ka ghotilo fablahi igre:

Lamentations 2:17

Tifa na Lord neke ghathonihi glepo igne mala eni neku. Uve, gognarona mana la enihi unha teke chekeni mana tifa ia. Mana la goigoni nighohi, eghuteuna mana theome kokhoni nigho iagho kolho. Mana tusu lao nolaghi biꞌo ka nogna naokare mala tangomana mare te glealeꞌa te mala ulu nigho iagho na.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Josua 23:15

Jateula tuana eghu Lord neke edi gobigna lepo te keli teke nhaꞌa chekedi mana re, puhi biꞌo te gnafa teke kulu cheke eidi ka ghotilo ra, mana ginauna tangomana te edi puhi biꞌo igre mala thoke ghami ghotilo nei goigonini nomi namono ghotilo igne jame te theome leghuni ghotilo mana na.

Galesia 3:10

Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.

Jenesis 3:14

Aonu Lord God ne cheke eghu ka mogo na, “Naugna igne, iara ginauna na tibri nigho fara ke tulaodi gobigna lepo te tautagu fateo igre. “Naiknore ginauna na susuku nigho fara ke tulaodi keha glepo te tautagu ka namhata na are. Iagho ginauna na agra ka thi'amu na. Eghuteuna iagho ginauna na ghamu gaughavu glose.

Jenesis 4:11

Eghume iara ginauna na tibri nigho iagho naugna iagho ne faleheni mae tahimu na. Eghume unha te joꞌu soru iagho ka glose na ginauna na theome au gano te keli ranghi nigho kolho.

Jenesis 4:12

Uve, kate loku iagho ka glose na iara theome snakreni glose igne te fabruara naba gano malagna tharaknamu iagho na. Eghuteuna iagho ginauna na mae mala tei tafri kolho nei theo kaisei namonomu kolho ka nauthoglu igne.”

Diutronomi 11:28

Nu jame te tiromi leghudi ghotilo nogna cheke Lord nomi God te figri tagruni mana te tei leghudi keha god delei teke theome lasedi ghotilore, mana ginauna ei puhi biꞌo mala mei thoke ghami ghotilo.

Jajis 2:15

Eghuteuna leuleghu fata na nodi soldia maedi Israel igre tei ne magridi nodi naokare, nu mare theome tangomana te uludi kolho mae naoka igre, naugna Lord na theome au baludi mare jateula teke chekenihi mana thegna ia eghu. Naugna igne, maedi Israel ne thofno papara fara.

Ululahu Samuel 4:10

Aonu mare tei neke magra, eghuteuna naugna te magra heta mare na, mare ne uludi hatimare maedi Israel. Mare ne aknu falehe tolufulu thogha soldia di Israel. Eghuteuna keha maedi Israel rikha ne tei ka nodi namono thedire.

Fapea Kronikols 7:19

“Nu jame te figri tagru ghau iara ghotilo maemi Israel gre te theome faꞌuvedi nogu vetula nei nogu cheke teu teke edi iara ka ghotilo ra, ba pogho soru ka keha god delei.

Fapea Kronikols 12:5

Profet Semaea tei ne filoni King Rehoboam baludi mae lida di Juda teke rikhani Sisak te kafe au fodu teu Jerusalem. Mana ne cheke eghu ka mare, “Lord ne cheke eghu, ‘Ghotilo tei koko ghau iara, eghume, iara ginauna tei koko ghami ghotilo ka khamegna Sisak!’ ”

Fapea Kronikols 34:24

“Igne chekegna Lord na, ‘Iara ginauna goigonini Jerusalem, nei paradi nogna naiknore jateula thibri te gnafa te chekeni ka buka teke iuꞌijuni ghotilo ke ulugna king gna Juda igre.

Profet Jeremaea 36:7

Jame te keli na mare fanomho nei tughu nagnafa eghu ka cheke te eidi iagho igre. Eghuteuna iagho toreni Lord mala atha koko mana nakhibo te edi mare te diꞌatagnadi mana ka mare igre.”

Profet Jeremaea 36:31

Iara ginauna parani mana baludi thugna nei nogna mae ofisa teu mana igre, eidi puhi te diꞌa te edi mare igre. Mare baludi naiknodi Jerusalem nei Juda teu igre tirodi fanomho ka nogu cheke iara re. Naugna igne, puhi biꞌo ginauna thokedi mare, jateula teke nhaꞌa chekehi iara ka mare ia eghu.”

Profet Jeremaea 40:2

Kate atha fajiflani mae Jeremaea ka sosolo igne, mae Nebusaradan ne cheke eghu ka mana, “Lord nou God iagho na la chekenihi puhi biꞌo nate thoke mei ginauna ka namono igne.

Profet Hosia 7:12

Eghuteuna kate flalo tafri jateula igne teu mare na, iara ginauna lilisei kaisei fangna mala khale mare, eghuteuna iara ginauna paradi nafnata naikno te diꞌa igre.

Diutronomi 5:1

Aonu mae Moses ne kafe kilo fodu meidi naiknodi Israel ne cheke eghu: “Fanomho fakeli ka cheke nei vetula eghu nate chekedi iara ka ghotilo gognaro igre. Ghotilo mala ghathodi nei leghudi eghu fabrahu!

Diutronomi 28:45

“Jame te tiromi fanomho ghotilo ka Lord nomi God eghuteuna theome leghudi cheke nei vetula eghu teke tusu ari mana ka ghotilo igre teuna, puhi biꞌo te gnafa igre ginauna thoke ghami ghotilo ghilei kafe lehe fahui ghotilo.

Diutronomi 29:19

“Iheire teke nomhini eigna nhaꞌa cheke igne, nu mana patu gama fara nei leghuni kolho fabrahu puhigna thegna na. Eghume puhi biꞌo igne ginauna goigonini mana nei naikno te gnafa Israel neubane naikno keli ba diꞌa, mare ginauna kafe lehe hui.

Josua 23:16

Lord na noda God tahati. Jame te huhughuni ghotilo nogna nhaꞌa cheke mana teke eni baluda tahati ia, eghuteuna jame te tei ghotilo te pogho soru ka keha god delei na, mana ginauna diꞌatagna fara ka ghotilo eghuteuna ginauna thofno para ghami ghotilo. Eghuteuna jame te eghu ghotilo na, theo kaisei ka ghotilo nate au ka famane glose teke tusu ari mana ka ghotilo ana.”

Profet Jeremaea 11:8

Nu mare theome fanomho ka iara, ba leghu ghau iara. Mare maku fara phaꞌudire ne leghudi kolho gaoghathodi thedi te diꞌa re. Eghume, iara na tibridi mare, leghuni nhaꞌa cheke igne.”

Profet Jeremaea 26:4

Iagho cheke eghu ka mare, ‘Igne unha te chekeni Lord na: Ghotilo mala leghudi nogu farirhiu iara igre.

Profet Jeremaea 32:23

Vikemi ghehatire mei neke au ka glose igne, nu mare neke theome leghudi nou farirhiu iaghore neke theome edi unha teke chekedi iaghore. Eghuteuna iagho neke snakre mei puhi biꞌo mala thokedi mare.