Diutronomi 27:20 - Buka Blahi Ka Cheke Holo

²⁰ “ ‘Puhi biꞌo ginauna thokeni ihei te thuru balugna khetogna kmagna na, naugna puhi igne famamajani kmagna na.’ Eghuteuna naiknore ginauna cheke eghu, ‘Amen!’

Diutronomi 27:20 ပူးပေါင်းရင်းမြစ်များ

Diutronomi 22:30

“Blahi fara kaisei mae te tolaghi ka teke khetogna ulu lahu mae kmagna na, naugna puhi igne famamajani mae kmagna na.”

Levitikas 18:8

“Thosei thuru balugna gaꞌase te tolaghi ka kmamu na. Puhi igne jaola famamajani kmamu na.

Ululahu Korin 5:1

Iara nomhini kaisei thoutonu tutuani eigna kaisei mae ka ghotilo eni kaisei puhi te diꞌa fara. Kaisei mae jare thuru fodu ka khetogna mae thofno kmagna na. Eigna neubane mae bongihehe, mare theome tangomana te eni na glepo te diꞌa fara tuana.

Levitikas 20:11

“Jame kaisei mae tapla jafra ka khetogna kmagna na, mana famamajani kmagna na. Eghume ghotilo aknu falehedi repa, glehedi repa igne najafradi thedi repa.

Profet Emos 2:7

Mare tapla faparidi nei theome toghodi neu iheire te nigra ba iheire te kuma. Jaola mae kmagna ghe mae thugnare kafe tapla jafra ka kaisei gaꞌase kolho. Puhi igre thofno diꞌa fara, nei famamajani eghu nanghagu iara te blahi na.

Profet Esikiel 22:10

Keha ka ghotilo thuru fodu baludi khetodi kmadi re, ba ei puhi diꞌa baludi gaꞌase te thokedi nodi nhigra re, ka narane gaꞌase igre te theome gae ka tathagu iara na.

Ululahu Kronikols 5:1

Mae Ruben gne thugna ulu lahu mae Jekop. Nu naugna teke thuru mana balugna fapea khetogna mae kmagna na, mana theome tangomana te hata nolaghi teke thugna ululahu mana na. Eghuteuna mae Jekop kmagna mae Ruben igne neke tusu lao nolaghi igne ka mae Josep nei ka vikegna mana na. Naugna igne, nanghagna mae Ruben na ne theome mei ulu lahu ka susureidi vikegna Israel.

Fapea Samuel 16:22

Aonu mare ne lisei haghe kaisei suga tapuale ka nogna thagru suga mae king, ka vido aheva te kakhana ka tathadi naikno te gnafa Israel. Mae Absalom ruma ka suga tapuale igne ne thuru baludi nogna gaꞌase mae kmagnare.

Jenesis 49:4

Nu puhimu iagho na mala jateula khoꞌu te britha te nheta fara te theome tangomana kaisei naikno te kegra fothini ia eghu. Eghume iagho theome nabamu te batudi hatimare mae thabusimu igre eghu, naugna iagho neke thuru fodu balugna fapea khetogna mae kmamu na. Iagho famamaja ghau iara fara kate eni iagho puhi te diꞌa fara igne.

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.

Levitikas 18:7

“Thosei thuru balugna idomu teke fakarhi nigho na. Nafnata puhi igne famamajadi idomu kmamu re.

Diutronomi 23:1

Mae Moses ne cheke eghu, “Jame kaisei mae au jare mae ihei teke vahe mamajagna na ba vahe koko glepogna na. Nafnata mae igne theo nogna nolaghi te mala mei au ka nodi faidu nogna naikno Lord igne.