Diutronomi 27:15 - Buka Blahi Ka Cheke Holo

¹⁵ “ ‘Puhi biꞌo ginauna thokeni ihei te hata thaba ba thina ba aean mala hohoro mumujudi keha god delei, eghuteuna pophoru mala pogho soru tagna. Lord thono tirognadi fara nafnata mumuju igre!’ Eghuteuna naiknore ginauna cheke eghu, ‘Amen!’

Diutronomi 27:15 ပူးပေါင်းရင်းမြစ်များ

Eksodas 34:17

“Ghotilo thosei eni kaisei mumuju ka gol, ba ka silva, ba ka thua nafnata aean, mala pogho soru nei tarai eghu tagna.

Eksodas 20:4

“Thosei sari kaisei mumuju, ba eni kaisei thotogale gna kaisei glepo te au ka maloa ba ka nauthoglu ba ka nhorora ke pari glose.

Diutronomi 5:8

Thosei sari kaisei mumuju, ba eni kaisei thotogale gna kaisei glepo te au ka maloa ba ka nauthoglu ba ka nhorora ke pari glose.

Levitikas 26:1

Lord ne cheke eghu, “Ghotilo thosei horo mumuju blahi, ba kaisei nafnata glepo mala tarai ghotilo tagna. Eghuteuna ghotilo mala thosei fakegra haghe thina mumuju brahu mala pogho soru ghotilo tadi, naugna iara Lord, nomi God ghotilo.

Levitikas 19:4

“Ghotilo mala thosei lisa ghau iara mala tei tarai ka god teke horo kolho naikno ka aean, naugna iara Lord, nomi God ghotilo.

Ululahu Korin 14:16

Nu jame te kilo fnaknoni God ghotilo ka tharungami kolho na, kaisei naikno te majaghani ka khiloau te au balumi ka tharai na ginauna theome laseni unha te chekeni ghotilo na. Mana ginauna theome kaisei gaoghatho ka nomi tharai nei theome tangomana te chekeni “Amen” teu balumi ghotilo na.

Eksodas 20:23

Fanomho fakeli ghotilo ia. Thosei hohoro mumuju ka gol ba ka silva mala jateula iara eghu mala pogho soru ranghini glepo tuana. Theo, ghotilo mala pogho soru ranghi ghau iara kolho.

Fapea Kronikols 33:2

Mae king igne neke edi puhi te diꞌa re ka tathagna Lord na. Mana neke leghudi puhi te diꞌa teke edi naikno bongihehe tifa, iheire Lord teke khi fajifladi ka nodi namono naiknodi Israel.

Fapea Kings 23:13

King Josia jaola ne goigoni kmana vido blahi ke maghati Jerusalem. Tifa na King Solomon neke horo olta igre ke mata Thogele Glepo Diꞌa. Vido blahi igre mala pogho soru ka god Astarot, nodi god gaꞌase maedi Saedon, Kemos nodi god maedi Moab, Milkom nodi god maedi Amon.

Fapea Kings 17:19

Nu neuba, naiknodi Juda gre jaola theome leghudi nogna vetula Lord nodi God na. Mare leghuni puhi majaghani te mala tarai te fufunu haghe naiknodi Israel igre.

Ululahu Samuel 26:19

Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.

Diutronomi 29:17

Eghuteuna ghotilo neke filodi mumuju teke horo ka thaba, nei ka thina, nei ka silva, nei ka gol teu te thono diꞌa fara ra.

Jenesis 31:34

Nu mae Laban ne theome tangomana te filo deni nogna mumuju re. Naugna Resel hata neke pophoru mumujure igne ke lamnagna pilo teke gnokro naꞌa ka kamel na.

Jenesis 31:19

Mae Laban jifla ne tei mala kuchi khakladi nogna sipure. Ka vido igne Resel ne megei nga ne hata nogna mumuju mae kmagna te au ka suga na.

Jenesis 9:25

mae Noa ne cheke eghu, “Iara ginauna toreni God mala tibrini mae Kenan, thugna mae Ham! Mana ginauna mala nodi mae sneka kolho ka mae kheragna re.”

Profet Esikiel 7:20

Mare neke kelitadi neke fahaehaghedi fara famane thina te horo nodi mumuju te theo nafugna igne. Glepo te eni mare igne, thono diꞌa fara ka iara. Eghume, iara ginauna eni glepo igne mala jateula glepo chara eghu kolho ka mare.

Profet Jeremaea 28:6

“Tutuani fara! Iara magnahagheni Lord te eni jateula te chekeni iagho igne teuna! Thofno keli fara jame te eni Lord unha te chekeni iagho igne mala ke atha fapulo glepo gna Sugablahi te au teu Babilonia baludi naikno teke atha fajifladi mare ka namono igne ra.

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Profet Jeremaea 11:5

Eghuteuna iara neke tajini nogu nhaꞌa cheke na neke snakreni kaisei vido glose te biꞌo ka ghotilo.” Eghuteuna glose igne thofno keli fara ka gano na maladi mae kuꞌemi ghotilora.’ ” Igne namono te au ghotilo tagna gognarogne. Kate cheke te gnafa Lord cheke igre, iara ne cheke eghu, “Tutuani fara Lord, iagho tangomana te eni unha te chekeni iagho na!”

Profet Jeremaea 11:3

Iagho cheke eghu ka mare, ‘God noda Lord tahati maeda Israel igne, mana ne cheke eghu, “Ihei te theome leghuni nogu nhaꞌa cheke iara na, iara ginauna thofno parani mana.

Profet Isaia 44:19

Ihei te sari mumuju god igne, theome au kaisei gaoghatho te keli te mala cheke eghu na, “Tore, keha vidogna gaju igne iara neke gahu ka khaꞌaghi. Iara jaola gahu nafnahi nei keha ghegu nafnata gano eghu ka khaꞌaghi igne. Keha vido te salaꞌui ka gaju igne, iara neke sari kaisei mumuju te diꞌa kolho. Iara tarai ka phugra gaju te theo nafugna igne kolho!”

Profet Isaia 44:17

Nu keha vidogna gaju igne, mana na sari kaisei mumuju mala tarai nei pogho soru eghu tagna. Mana tarai ka mumuju igne na cheke eghu, “Iagho nogu god iara! Fakarhi ghau iara!”

Matiu 24:15

Mae Jisas ne cheke eghu, “Ghotilo ginauna filoni kaisei mumuju biꞌo te diꞌa fara kegrau jare ka Sugablahi na. Glepo tuana fathonani nogna Sugablahi God na. Mumuju igne neke kulu chekeni mae profet Daniel tifa.”(Iagho mae ihei te iu'ijuni igne jame laseni u gaoghathogna igne.)

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Profet Daniel 11:31

“Nogna soldia manare ginauna ruma ka nogna Sugablahi God na, eghuteuna Sugablahi igne ginauna thona ka tathagna God na. Mare ginauna na theome snakredi naiknore te mala fafara leuleghu narane na, eghuteuna mare ginauna lilisei haghe kaisei glepo te thono diꞌa fara ke lamnagna nogna suga God na.

Profet Esikiel 14:4

Eghume, iagho cheke eghu ka mare, igne teke chekeni Lord na: ‘Ghotilo naiknomi Israel ra. Jame ihei ka ghotilo naiknomi Israel te tarai ka keha god delei ra, eghuteuna lilisei mumuju ka nogna suga na te mala batuni te mala khoko ka nakhibo na, eghuteuna tei hironi kaisei nogu mae profet iara mala laseni kaisei glepo teuna, iara Lord ginauna tusu lao cheke tughu te nabadi nakhibo biꞌo teke edi manare.

Diutronomi 27:14

“Aonu vikegna mae Livae igre ginauna eha eghu fabiꞌo:

Ululahu Kronikols 16:36

Tahati cheke fakelini Lord noda God tahati naiknoda Israel! Uve, tahati cheke fakelini mana gognarogne tifa tifa!” Eghuteuna naiknore ne kafe cheke eghu, “Tutuani fara!” ghe “Cheke fakelini Lord!”

Profet Daniel 9:11

Ghehati naiknomi Israel te gnafa na theome leghudi kolho nou vetula iaghore, nei jaola theome leghu nigho iagho. “Ghehati tapla jafra ranghi nigho iagho, naugna igne, puhi biꞌo te rioriso soru nou mae gloku iagho Moses ka vetula na igre, iagho teke edi re mala thoke ghami ghehati.

Diutronomi 4:25

Neuba ghotilo ne au raugha ka glose igne ne au thumi nei grami neu, ghotilo jafra jame te sari mumuju ghotilo te tarai tagna na. Jame te eni ghotilo glepo te jafra nei theome doglo teu ka tathagna Lord igne na, mana ginauna diꞌatagna fara ka ghotilo.

Diutronomi 7:25

Ghotilo gnubra nodi mumuju re ka khaꞌaghi. Eghuteuna ghotilo thosei mamagnadi silva nei gol eghu te au ka mumuju igre ba hata malami themi, nu ghotilo mala gnubra fahui. Glepo igre diꞌa fara ka Lord nomi God. Ghotilo thosei tathaji naugna jateula kaisei phighoro eghu ka ghotilo.

Jajis 17:3

Aonu Maeka neke tusu fapulo silva koen igre ka idogna na. Eghuteuna idogna na ne cheke eghu, “Gognarona iara fablahini silva koen igre mala tei ka Lord mala au kaisei nogna mumuju thugu iara gne.” Aonu idogna na ne cheke eghu ka Maeka, “Gognarona, iara tusu ari silva koen igne ka iagho.”

Jajis 17:4

Nu Maeka neke tusu fapulo silva koen igre ka idogna na. Idogna Maeka na hata fajifla phia gobi silva koen ne tusu lao ka kaisei mae mala horo kaisei mumuju. Mare ne lilisei igne ka nogna suga Maeka na.

Profet Isaia 44:13

Ghotilo kulu ghathoni igne. Kaisei mae kapenta drou thotoghale naikno ka kaisei vido thaba. Aonu mana famane sari gaju igne mala jateula kaisei naikno eghu. Aonu mana lilisei haghe mumuju igne ka kaisei vido blahi ka nogna suga na mala tarai tagna.