Hatimare mae mala baubatu, mae funei, mae ofisa ka armi, mae biꞌo, mae phosa te gnafa nei maedi Israel te gnafa au neu jare. Mare ne fnota ka phei tothoghei, keha tothoghei na ne kegra ke ulugna thogele Gerisim, eghuteuna keha tothoghei na ne kegra ke ulugna thogele Ebol. Eghuteuna nogna Bokis Nhaꞌa Cheke Lord na au farihotei. Naiknore filo neu ka mae pris te pala Bokis igne ne eni unha teke chekeni mae Moses nogna mae gloku Lord na kate thoke mare ka namono Kenan. Eghuteuna mae pris ne toreni Lord mala fablahidi naiknore.
Diutronomi 27:13 - Buka Blahi Ka Cheke Holo13 Eghuteuna namno vike igre mala tei kegra ka thogele Ebal. Mare mala nomhidi puhi biꞌo nate eni Lord ka naikno te theome leghuni mana re. Igre vike te mala tei kegra ka thogele Ebal, vikegna mae Ruben, nei vikegna mae Gad, nei vikegna mae Asa, nei vikegna mae Sebulun, nei vikegna mae Dan, nei vikegna mae Naftali. အခန်းကိုကြည့်ပါ။ |
Diutronomi 27:13
9 ပူးပေါင်းရင်းမြစ်များ
Kate hata ghami Lord nomi God te tei ka glose nate hata ghotilo na, ghotilo mala chekedi phei philedi cheke igre. Kate kegra ghotilo ka thogele Gerisim, ghotilo mala chekeni phile cheke aheva gne nate fablahi ghami mana na. Eghuteuna kate kegra ghotilo ka thogele Ebal, ghotilo mala chekeni phile cheke aheva gne nate eni mana puhi biꞌo na te mala thoke ghami ghotilo na.”
Gognaro na Lea ne au kaisei thugna nalhaꞌu. Eghuteuna Lea ne cheke eghu, “Lord la filonihi nogu diꞌanagnafa iara na. Eghume gognaro na khetogu iara gne ginauna nake magnahaghei ghau iara.” Aonu naꞌa ne kiloni nanghagna thugna ulu lahu na Ruben. Gaoghathogna nangha Ruben teu igne, “Lord ne filoni nogu diꞌanagnafa iara na.”
ကြော်ငြာတွေ