Diutronomi 27:12 - Buka Blahi Ka Cheke Holo

¹² “Kate kasa te gnafa ghotilo ka Khoꞌu biꞌo Jordan, vikegna Simion, Livae, Juda, Isaka, Josep, nei mae Benjamin teu igre mala tei kegra ka thogele Gerisim mala fablahidi naiknore.

Diutronomi 27:12 ပူးပေါင်းရင်းမြစ်များ

Jajis 9:7

Kate nomhi Jotam eigna igne, mana tei ka thogele Gerisim, eghuteuna mana ne eha eghu fabiꞌo, “Ghotilo naiknomi Sekem! Ghotilo fanomho mei ka iara! Jame te fanomho ghotilo ka iara na, jau God fanomho ka ghotilo.

Jenesis 35:18

Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”

Jenesis 30:24

Iara magnahagheni Lord jaola teke tusu mei ranghi ghau iara fapea thugu nalhaꞌu na.” Aonu naꞌa ne kiloni nanghagna thugna na Josep. Nangha Josep teu igne “Snakre lao ka keha maei” eghu.

Jenesis 30:18

Lea ne cheke eghu, “God la tusu meihi ka iara unha teke folini iara na, naugna iara neke snakreni nogu gaꞌase gloku na ka khetogu na.” Aonu Lea ne kiloni nanghagna thugna na Isaka. Nangha Isak teu igne “Taba” eghu gaoghathogna na.

Diutronomi 27:11

Ka narane tuanala mae Moses jaola ne cheke eghu ka naiknodi Israel:

Diutronomi 27:13

Eghuteuna namno vike igre mala tei kegra ka thogele Ebal. Mare mala nomhidi puhi biꞌo nate eni Lord ka naikno te theome leghuni mana re. Igre vike te mala tei kegra ka thogele Ebal, vikegna mae Ruben, nei vikegna mae Gad, nei vikegna mae Asa, nei vikegna mae Sebulun, nei vikegna mae Dan, nei vikegna mae Naftali.

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.