Diutronomi 27:1 - Buka Blahi Ka Cheke Holo

¹ Aonu mae Moses ne kegra haghe baludi mae lida di Israel ne cheke eghu ka naiknore, “Ghotilo mala leghudi vetula te tusu ari iara ka ghotilo gognaro gne igre.

Diutronomi 27:1 ပူးပေါင်းရင်းမြစ်များ

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Jemes 2:10

Mae ihei te leghu fakelini nogna vetula God na nu theome leghuni kaisei vido cheke ka vetula na teuna, mae tuana kafe huhughuni nogna vetula God na.

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Diutronomi 26:16

Aonu mae Moses ne cheke eghu ka mare, “Ka narane gognarogne, Lord nomi God ghotilo igne cheke ranghi ghami ghotilo mala leghudi nogna vetula nei farirhiu teu mana igre. Eghume ghotilo faghuai eghu ka gaoghathomi fateote'o nei ka nomi glalase fateote'o mala leghudi vetula nei farirhiu teu igre.

Diutronomi 11:32

ghotilo mala thofno leghudi nogna cheke nei nogna farirhiu teu mana te tusu ari iara ka ghotilo gognarogne.”

Diutronomi 26:19

Eghuteuna te chekeni mana na, mana ginauna fablahi ghami ghotilo mala au nangha biꞌo ghotilo salaꞌudi keha naikno ka nauthoglu igne, eghuteuna mare ginauna thofno ghatho tahu ghami ghotilo. Eghuteuna ghotilo ginauna nogna naikno blahi Lord nomi God, thofno jateula teke nhaꞌa chekenihi mana ia eghu.”

Diutronomi 27:2

Ka narane nate tei kasa ghotilo ka Khoꞌu biꞌo Jordan te mala tei ka glose aheva te thofno keli fara Lord, nomi God teke tusu ari ka ghotilo igne, ghotilo ginauna fakegra haghe keha thina biꞌo ka thogele Ebal. Ghotilo ginauna lilisei plasta vegha ka thina igre. Aonu cheke te gnafa te au ka vetula na igne, ghotilo mala rioriso ka plasta ka thina igre.

Nodi Khoje Hatimare Mae Jiu 78:7

Ka puhi igne mare na jaola fatutuani ni God, nei na ghathodi unha teke edi mana re eghu, nei leghudi koba nogna cheke mana re eghu.

Diutronomi 1:1

Buka igne au cheke teke cheke mae Moses ka naiknodi Israel ka teke au teu mare ka namono nagou Moab, ka glogu Khoꞌu biꞌo Jordan, rhegna namono Suf nei fari hoteidi namono Paran, Tofel, Laban, Haserot, nei Disahab. Tifa na mare neke posa ka nohi Moab, mae Moses neke uluni King Sihon kokhologna mae Amoa jare Hesbon, eghuteuna neke uluni King Og maegna Besan nei phei nogna namono mana Astarot ghe Edrei. Ihei te jifla ka Thogele Horeb, keha nanghagna na Thogele Sanai, tei posa Kades Banea, mana tangomana te nolo nabagna nabotho kaisei narane. Neuba, mae Moses ne chekeni cheke igne ke leghudi phiatutu finogha teke jifla mare Ijep igre. Ka narane ulu lahugna fabotho kaisei nhigragna finogha tuana, eghuteuna mare aunga neku ka nohi Moab ke maghati ka keha Khoꞌu biꞌo Jordan, mae Moses neke cheke eigna vetula nogna nhaꞌa cheke Lord.

Diutronomi 6:17

Leuleghu fata na ghotilo mala thofno leghudi nogna cheke Lord, nei farirhiu nei vetula eghu teke tusu ari mana ka ghotilo ra.

Ululahu Kronikols 28:8

Eghuteuna mae Devet ne cheke eghu ka naiknore, “Eghume, iara gognarona cheke ke ulugna noda God, nei ke ulumi ghotilo naiknomi Israel, iara na cheke eghu fadoglo ari ka ghotilo. Ghotilo mala thofno leghu fakelidi nogna cheke te gnafa Lord noda God. Jame te eghu ghotilo na, ghotilo ginauna au ka famane glose igne, eghuteuna iheire nate karha mei ke leghumi ghotilo re ginauna au fabrahu ka glose igne.”