Diutronomi 26:7 - Buka Blahi Ka Cheke Holo

⁷ Nu ghehati tanhi ka Lord nodi God kuꞌemi ghehati ra. Lord nomhidi nomi natanhi ghehati re, eghuteuna mana filo ghami te papara fara, nei diꞌanagnafa nei au ka narane te ninhigrana.

Diutronomi 26:7 ပူးပေါင်းရင်းမြစ်များ

Eksodas 2:23

Kmana finogha salaꞌu ke leghudi igre, king gna Ijep na ne lehe. Nu vikegna Israel igne ne diꞌanagnafadi fara fabrahu ka gloku biꞌo te edi mare re. Leuleghu fata na mare tanhi ka God, naugna mare magnahagheni fara God te toghodi. Eghuteuna nodi tharai mare na tei thoke ka God.

Eksodas 3:9

Uve, nodi natanhi nogu naikno iara re la mei posahi ka iara. Eghuteuna iara la filonihi puhi te diꞌa te eni naiknodi Ijep ka mare na.

Profet Jeremaea 33:2

Profet ne cheke eghu, “Lord mae ihei teke ghaoghaho nei vuavuha teku nauthoglu igne. Nanghagna Lord! Mana neke cheke eghu:

Nodi Khoje Hatimare Mae Jiu 119:132

Filo kokhoni mei ghau iara sagho, jateula te edi koba iagho ka iheire te namha nigho ra eghu.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Ululahu Samuel 9:16

“Iara la filodihi nodi diꞌanagnafa nogu naikno iara re, eghuteuna iara la nomhidihi te tanhi mare ka iara mala toghodi iara teure. Nathuꞌu jateula gognarogne teuna, iara ginauna kuru ari kaisei mae ka vikegna mae Benjamin mala ari filo nigho iagho. Iagho ginauna tofa oel ka phaꞌugna mana na mala fablahini mana mala king gna Israel. Eghuteuna mana ginauna fakarhi ghami ghotilo ka nodi nolaghi maedi Filistia.”

Eksodas 6:5

Gognarona iara nomhidi nodi natanhi naiknodi Israel naugna naiknodi Ijep igre huhurudi mare mala loku heta jateula sneka eghu ka nodi namono na, eghuteuna iara ke ghathoni nhaꞌa cheke teke eni iara tifa ia.

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Fapea Samuel 16:12

Jau Lord na lasedihi puhi te diꞌa te au ka iara igre, eghuteuna mana ginauna edi glepo te keli ka iara mala ke tughu fapulo puhi te cheke fadiꞌa ghau iara mana igre.”

Jenesis 21:17

God ne nomhini te tanhi mae sitei na, eghuteuna nogna engel God na au neu kligna ne cheke eghu ka Hega, “Unha site diꞌanagnafani iagho gnea, Hega? Thosei mhaghu. God na la nomhinihi te tanhi teu jare mae sitei na.

Jenesis 29:32

Gognaro na Lea ne au kaisei thugna nalhaꞌu. Eghuteuna Lea ne cheke eghu, “Lord la filonihi nogu diꞌanagnafa iara na. Eghume gognaro na khetogu iara gne ginauna nake magnahaghei ghau iara.” Aonu naꞌa ne kiloni nanghagna thugna ulu lahu na Ruben. Gaoghathogna nangha Ruben teu igne, “Lord ne filoni nogu diꞌanagnafa iara na.”

Eksodas 2:25

Aonu God ne filo ka naiknodi Israel te jateula naikno sneka teu te loku heta fara igre ne kokhoni nognadi fara.

Nodi Khoje Hatimare Mae Jiu 31:8

Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.