Diutronomi 26:19 - Buka Blahi Ka Cheke Holo

¹⁹ Eghuteuna te chekeni mana na, mana ginauna fablahi ghami ghotilo mala au nangha biꞌo ghotilo salaꞌudi keha naikno ka nauthoglu igne, eghuteuna mare ginauna thofno ghatho tahu ghami ghotilo. Eghuteuna ghotilo ginauna nogna naikno blahi Lord nomi God, thofno jateula teke nhaꞌa chekenihi mana ia eghu.”

Diutronomi 26:19 ပူးပေါင်းရင်းမြစ်များ

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Diutronomi 28:1

Aonu mae Moses neke cheke eghu, “Jame te thofno leghuni ghotilo Lord, nomi God na, eghuteuna leghudi ghotilo famane cheke te tusu ari iara ka ghotilo gognaro gre teuna, mana ginauna fablahi ghami ghotilo mala hata nangha biꞌo salaꞌudi keha naikno ka nauthoglu igne.

Diutronomi 7:6

Ghotilo mala edi glepo igre, naugna ghotilo nogna naikno blahi Lord, nomi God. Mana neke vahi fadelei ghami ka keha naikno te gnafa ka nauthoglu igne mala nogna naikno thegna.

Profet Isaia 62:12

Ka narane igne, naiknore ginauna kilo ghami ghotilo, “Nogna naikno blahi God” nei “Naikno teke atha fapulo Lord ka namono igne.” Eghuteuna mare ginauna kiloni Jerusalem, “Namono te magnahagheni fara Lord,” nei “Namono aheva na teke pulo mei te au Lord tagna.”

Eksodas 19:6

iara ginauna fablahi ghami ghotilo mala nogu naikno gloku iara mala loku jateula nogu mae pris eghu iara.’ Igre nogu cheke iara te mala toutonudi iagho ka naiknodi Israel.”

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Profet Sefanaea 3:19

Ka Narane tuana iara ginauna paradi mae naoka teke fakokhoana ghami nei para ghami teku ghotilo ra. Ghotilo iheire te diꞌa ghahemi ra, nei iheire te au tafri ka keha kantri ra, iara ginauna nake hata fapulo ghami ka nomi thofno namono na. Gognarona ghotilo mamaja nomi ka tathadi keha vike igre, nu iara ginauna na hata fadelei mamaja igne mala tusu ari nafnakno biꞌo ka ghotilo. Eghuteuna naikno te gnafa teke filo fapari ghami ghotilo ka nauthoglu igne ra ginauna filo haghe ghami ghotilo.

Profet Jeremaea 33:9

Ka narane tuana, naikno te gnafa ka nauthoglu igne ginauna gleale'a fara eidi glepo te keli te edi iara ka namono igne, eghuteuna mare ginauna cheke fakeli ghau iara nei fafnaknoni nanghagu iara na. Mare ginauna rhana nodi fara kate nomhini nonomho eigna puhi te eni iara ka naikno te au fakeli ka pharikeli ka namono igne.

Profet Jeremaea 13:11

Ulu lahu na iara neke magnahaghedi fara naiknodi Israel ghe Juda igre te mala loku famaku ka iara jateula pohe te maku ka thinigna naikno na igne neku. Iara neke magnahaghedi mare te mala thofno nogu naikno iara te mala tangomana naiknogna nauthoglu igne te mala cheke fakeli ghau, ghatho tahu ghau nei fafnaknoni teu nanghagu iara na. Nu mare tirodi te leghu ghau iara na.” Igne chekegna Lord.

Nodi Khoje Hatimare Mae Jiu 148:14

Lord na reireghi fakeli ghita tahati nogna naikno Israel, eghume, tahati cheke fakelini mana! Mana namha ghita fara. Tahati kilo fnaknoni Lord!

Diutronomi 28:13

Lord ginauna togho ghami ghotilo mala au nolaghi ke klignadi keha kantri are, eghuteuna mana theome snakre ghami ghotilo te au ke paridi nodi nolaghi keha kantri are. Jame te thofno leghudi nei ghatho tahuni teu ghotilo vetula te tusu ari iara ka ghotilo gognaro igre na, mana ginauna togho ghami ghotilo mala au ghotilo ke klignadi keha kantri are, eghuteuna Lord na theome snakre ghami ghotilo te mala au ke paridi mare na.

Diutronomi 28:9

“Jame te leghudi ghotilo nogna vetula mana re, eghuteuna leghudi puhigna mana re teuna, mana ginauna fablahi ghami ghotilo, eghuteuna ghotilo ginauna nogna naikno blahi mana, jateula teke nhaꞌa cheke hi mana ia eghu.

Diutronomi 27:1

Aonu mae Moses ne kegra haghe baludi mae lida di Israel ne cheke eghu ka naiknore, “Ghotilo mala leghudi vetula te tusu ari iara ka ghotilo gognaro gne igre.

Profet Jeremaea 2:3

Ka narane tura ghotilo naiknomi Israel gre neke nogu naikno blahi iara. Ghotilo neke jateula gano majaghani ka nagare ra neku neke fafara mei ka iara nakarhami na. Kate mei fariuriu goigoni ghami naiknore, iara neke kegra tughu ghami ghotilo neke goigonidi mare.” Igne nogu cheke iara Lord.

Profet Sefanaea 3:20

Ka Narane tuana, iara ginauna hata fapulo ghami ka nomi thofno namono na. Aonu iara na tusu ari nafnakno biꞌo ka ghotilo, eghuteuna naikno te gnafa ka nauthoglu igne ginauna filo haghe ghami ghotilo. Iara ginauna togho ghami ghotilo fabrahu mala au ghotilo kau pharikeli! Iara Lord te chekeni igne.”

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Profet Sekaraea 8:13

Ghotilo naiknomi Juda nei Israel teura, tifa na naiknodi keha kantri igre neke tibri ghami ghotilo mala thoke mei puhi biꞌo ka naiknore. Nu iara ginauna fakarhi ghami ghotilo, eghuteuna ghotilo ginauna jateula kaisei fablahi keli eghu ka keha naiknore. Eghume ghotilo thosei mhaghu, ghotilo famamhaku gaoghathomi re.