Diutronomi 26:17 - Buka Blahi Ka Cheke Holo

¹⁷ Gognarona, ghotilo chekeni te Lord na nomi God ghotilo. Eghuteuna ghotilo nhaꞌa cheke nate leghudi ghotilo puhigna mana re, eghuteuna ghotilo tangomana nate faꞌuvedi nogna cheke, nei nogna farirhiu, nei nogna vetula teu mana re, eghuteuna edi gobigna lepo te chekedi mana re.

Diutronomi 26:17 ပူးပေါင်းရင်းမြစ်များ

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Eksodas 24:7

Gnafa teuna, mana atha Buka Nhaꞌa cheke te au chekegna Lord igre ne iu'iju ka naiknore. Kate nomhidi chekegna Lord igre, naiknore ne kafe cheke eghu, “Ghehati ginauna thofno leghudi chekegna Lord igre.”

Fapea Korin 8:5

Eghuteuna ghehati neke jaglo nomi naugna mare tufa ka puhi teke theome rouronuni ghehati na. Ulu lahu na mare neke kulu snakre laodi thedi ka Lord, eghuteuna ke leghu na mare jaola ne leghuni unha te magnahagheni God na ne snakredi thedi ka ghehati!

Letas Teke Riso Tei Mae Pol Ka Khiloau Rom 6:13

Thosei snakreni kaisei vido ka thinimi are mala edi puhi te diꞌare. Naugna ghotilo neke karha fapulohi ka glehe. Nu snakre lao ghami themi ka God, nei snakre lao vido thinimi te gnafa are ka God mala edi glepo te doglore.

Mae Khuru 27:23

Naugna bongi na kaisei nogna engel nogu God mae ihei te loku ranghini iara gne ne mei kegra rhegu iara

Profet Isaia 44:5

Eghuteuna keha naiknodi ka keha kantri are ginauna fatutuani ghau iara. Keha ka mare ginauna cheke eghu, ‘Iara nogna Lord.’ Eghuteuna kehare ginauna cheke eghu, ‘Iara vikegna Jekop.’ Eghuteuna kehare ginauna rioriso nanghagu iara na ka khamedire. Eghuteuna kehare ginauna kilodi thedi naiknodi Israel.”

Josua 22:5

Kate ke figri ghotilo na, ghotilo theome mala ghatho ihodi te mala leghudi nogna famane farirhiu Moses nogna mae gloku Lord, teke tusu arihi ka ghotilo ra. Mana neke chekehi ka ghotilo te mala namhani Lord noda God, tapla leghudi puhigna mana re, leghudi nogna cheke mana re, loku famaku ka mana, eghuteuna loku ranghini mana ka nagnafami fateote'o, nei ka gaoghathomi fateote'o.”

Diutronomi 30:16

Iara cheke faheta ka ghotilo gognaro na, mala namhani Lord nomi God. Ghotilo mala leghudi nogna cheke, nogna farirhiu nei nogna vetula teu mana re. Jame te eghu ghotilo na, ghotilo ginauna au ka nakarha te keli, nei vikemi, nei thumi teu ghotilore ginauna kmana fara, eghuteuna Lord nomi God ginauna fablahi ghami ghotilo ka glose nate tei ghotilo te au tagna na.

Eksodas 20:19

ne cheke eghu ka mae Moses, “Jame te cheke iagho ka ghehati na, ghehati ginau na nomhi nigho iagho. Thosei snakreni God mala cheke ka ghehati na, na eghunu lehe ghehati eghu.”

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Fapea Kronikols 34:31

Ka narane tuana, king ne kegra haghe rhegna kegra biꞌogna Sugablahi na ne nhaꞌa cheke balugna Lord. Mana ne kaisei gaoghatho mala thofno faꞌuveni mana, nei mala leghudi nogna vetula nei nogna farirhiu nei nogna cheke teu mana re. Eghume nhaꞌa cheke te eni mana igne mala farerheta gna nogna cheke nei nogna nhaꞌa cheke teu mana te au ka buka igne.

Eksodas 15:2

“Iara koje mala fafnaknoni nanghagna Lord, eigna mana ne tusu mei nanheta ka iara. Mana neke atha fapulo ghau iara, eghuteuna iara magnahaghei te pala hagheni nanghagna mana na. Mana na nogu God iara, mae ihei teke pogho soruni mae kuꞌegu iara ra.

Jenesis 28:21

nei ke hata fafigri ghau iara ka pharikeli ka sugagna mae kmagu na teuna, iara ginauna na pogho soru nigho iagho fabrahu.

Eksodas 19:8

Naiknore ne kafe cheke eghu, “Ghehati ginauna edi gobigna lepo te chekedi Lord igre.” Aonu mae Moses ne atha nodi cheke naiknore neke pulo ka Lord.

Diutronomi 27:10

Eghume ghotilo mala leghuni Lord nomi God, kate leghudi ghotilo nogna cheke nei nogna farirhiu teu mana te tusu ari iara ka ghotilo gognaro igre.’ ”

Diutronomi 29:12

Gognarona ghotilo kafe kegra haghe agne mala eni nomi nhaꞌa cheke na ka Lord nomi God. Mana neke eni nhaꞌa cheke igne balumi ghotilo, eghuteuna ghotilo lasedi nogna cheke mana te thofno rheta fara igre.

Josua 24:22

Aonu Josua ne cheke eghu ka mare, “Ghotilo la nomhihi themi te chekeni ghotilo ginauna tarai nei leghuni eghu Lord. Tutuani?” Mare ne cheke eghu, “Uve, tutuani fara!”