Diutronomi 26:14 - Buka Blahi Ka Cheke Holo

¹⁴ Iara theome eni kaisei glepo te mala goigonidi gano blahi igre. Kate tanhi ni mae te lehe na, iara theome ghamuni katha vidogna. Eghuteuna kate thona iara ka tathamu iagho na, iara theome haboni. Eghuteuna iara theome hata kaisei vidogna mala tusu lao jateula kaisei fafara eghu ka ihei te lehe. Lord God, iara faꞌuve nighohi, eghuteuna iara leghudi gobigna lepo te chekedi iagho ka iara ra.

Diutronomi 26:14 ပူးပေါင်းရင်းမြစ်များ

Levitikas 7:20

Eghuteuna jame kaisei mae theome klino ka tathagu iara na ghamu nafnahi igne, ghotilo faꞌau kosini ka naiknodi Israel.

Profet Hosia 9:4

Kate tei au ghotilo ka nodi kantri keha vikei igre, ghotilo ginauna na theome au naba waen nei nafnahi eghu te mala fafara ka Lord. Eghuteuna gano nate ima ghotilo re ginauna na fathona ghami themi ke ulugna God. Eigna nafnata gano igre mala ima mare ka narane te tanhidi naikno te lehere. Eghuteuna iheire te gnafa te ima gano igre ginauna kafe thona ka tathagna Lord. Mare tangomana te ima gano igre, naugna mare ne rofo. Nu mare na theome hata gano igre tei mala fafara ka nogna suga Lord. Theo, blahi fara.

Levitikas 21:1

Lord ne cheke eghu ka Moses, “Cheke ka Eron nei hatimare mae pris ka tharakna gna mana. Kate lehe kheragna pris na, pris tuana mala thosei tei namo ka thinigna mae te lehe na, naugna mana ginauna theome klino ka tathagu iara na.

Nodi Khoje Hatimare Mae Jiu 106:28

Naugna mare ne kegra fodu baludi naikno khulumono re mala tarai ka mumuju Baal ka thogele Pio. Mare ne kafe ima nafnahi teke fafara naiknodi Pio re ka mumuju te theo karha tagna na.

Profet Malakai 2:13

Mae profet Malakai ne cheke eghu, “Kaisei glepo te chekeni koba ghotilo na igne: Kate laseni ghotilo te theome magnahagheni Lord unha te tusu lao ghotilo ka mana na, ghotilo tanhi ghilei lao ke kligna olta kholo te tathamire.

Profet Esikiel 24:17

Iagho tanhi faꞌikoi kolho eghuteuna thosei snakreni naoglamu na mala nomhi nigho naiknore, nei thosei fakakhana te diꞌanagnafa iagho na. Iagho thosei hata koko pohe diꞌanagnafa igne ka phaꞌumu na, ba hata koko sadol ka ghahemu ana. Thosei toku tafru tathamu foflomu teu are, eghuteuna thosei ghamu gano te ghamu naikno kate tanhi nei diꞌanagnafa teu are.”

Diutronomi 16:11

Ghotilo balu thumi, nomi mae gloku nei gaꞌase gloku, nei mae Livaet ka namonomi ghotilo ra, maedi delei te au balumi ghotilo ra, goro sua glehe kokoi ra, goro naikno biꞌo ra, ghotilo te gnafa na kafe tei mala glealeꞌa ka vido blahi aheva Lord teke vahini te mala au nanghagna na.

Diutronomi 26:13

Aonu ghotilo tangomana te tarai eghu ka Lord, ‘Lord nogu God. Iara hata mei funu ka sugagu na gano te blahi igne mala tusu ari ka iagho, theo kaisei vidogna te au teu ka sugagu iara na. Iara tusu lao gobigna lepo igre ka naikno te kuma nei ka mae Livaet, nei ka mae phosa, nei goro sua glehe kokoi, nei ka goro naikno biꞌo tela lehehi khetodi. Iara eni igne leghuni unha teke chekenihi iagho ia. Iara theome tei kokodi nou cheke iagho eidi glepo igre, eghuteuna iara theome ghatho ihoni kaisei nou cheke iagho.

Diutronomi 26:15

Iagho au kligna ka nou vido blahi na. Filo soru sagho ka ghehati naiknomi Israel, mala fablahi ghami, nei fablahini famane glose te keli tela tusu meihi iagho ka ghehati jateula teke nhaꞌa chekeni iagho ka kuꞌemi ghehati tifa ra.’ ”

Profet Jeremaea 16:7

Ginauna na theo kaisei naikno nate atha gano te mei te mala fameomegodi iheire te tanhi ka mae te lehe na. Ginauna na theo kaisei naikno nate atha mei khoꞌu te mala fameomegoni ihei te lehe idogna ba kmagna na.

Diutronomi 13:5

Tifa na ghotilo neke sneka Ijep, eghuteuna Lord neke hata fajifla ghami neke fakarhi ghami ghotilo. Eghume ghotilo mala aknu falehe mae profet te fariuriu batu fadelei ghami ghotilo are, eigna mare magnahaghei ghami ghotilo te figri tagruni Lord nomi God, mala thosei ke eni mare puhi te batu fadiꞌadi naiknore igne.

Nodi Khoje Hatimare Mae Jiu 18:22

Iara ghaoghathoni fabrahu nogna vetula mana na. Eghuteuna iara neke theome huhughuni nogna famane cheke mana na.