Diutronomi 25:19 - Buka Blahi Ka Cheke Holo

¹⁹ Lord nomi God ghotilo igne ginauna togho ghami ghotilo mala gnafa ka glose teke tusu ari mana te mala khotogna na, eghuteuna mae naoka te au faligoho ghami ghotilo are ginauna theome eni kaisei puhi te diꞌa ka ghotilo. Aonu ka narane tuare, ghotilo ginauna tei falehedi gnafa vikegna mae Amalek. Ghotilo ginauna goigonidi gnafa, mala theome tangomana kaisei naikno teke ghathodi re. Ghotilo thosei ghatho ihoni igne!”

Diutronomi 25:19 ပူးပေါင်းရင်းမြစ်များ

Eksodas 17:14

Ke leghugna igne Lord ne cheke eghu ka mae Moses, “Rioriso eigna magra igne nei unha cheke igne eghu, eigna iara ginau na dalu koko fahui naiknodi Amalek gre mala theo kaisei naikno ka nauthoglu igne nate ghathodi re. Eghuteuna iagho iu'iju fabiꞌo ranghini mae Josua mala nomhini la ngau mana eghu.”

Ululahu Samuel 14:48

Leuleghu fata na mana tei magra heta fara neke theome tangomana te mhaghu na. Mana neke tei magra ka maedi Amalek neke uludi mare. Aonu mana neke fanogradi mae naoka re mala theome mei magra ka naiknodi Israel.

Diutronomi 9:14

Iagho thosei lhoti ghau iara, iara ginauna goigonidi mare. Iara ginauna na theome snakreni kaisei naikno mala ke ghathodi mare. Eghume iara ginauna eni vikemu iagho na mala kaisei vike te biꞌo nei nolaghi fara eghu uludi mare.’

Eksodas 17:16

Mae Moses ne cheke eghu, “Iara nhaꞌa cheke, Lord ginau na magra fabrahu baludi hatimare mae Amalek gre tifa e tifa.”

Nogna Buka Esta 7:10

Aonu mare ne fagefe hagheni mae Haman ka gaju teke lisei haghe mana malagna mae Modikae teku igne. Kate eni te gnafa mare igne diꞌatagna mae king na ne hui.

Nogna Buka Esta 3:1

Theome raugha ke leghugna igne, King Sekses ne vahini mae Haman, thugna mae Hamedata, kaisei mae ka vikegna mae Agag mala kaisei nogna mae Praeminista.

Ululahu Kronikols 4:43

Eghuteuna mae igre ne aknu falehe naikno te gnafa ka vikegna mae Amalek teke au teku ka vido igne. Aonu funu ka narane tuana, vikedi fati mae igre ne au sukha jare.

Ululahu Samuel 27:8

Ka narane te au mae Devet ka namono igre, mana neke tei baludi nogna mae soldia re neke magra ka vikegna mae Gesua, ka vikegna mae Giresi, nei ka vikegna mae Amalek. Mare au ka nodi namono mare te funu Telaem igre tei posa Sua nei tei posa Ijep.

Josua 23:1

Kmana finogha ke leghu, Lord ne tusu ranghidi naiknodi Israel pharikeli baludi nodi naoka fateote'o te au faligohodi teu. Ka narane tuare, Josua la thofno kuekuꞌe farahi.

Josua 7:12

Naugna igne, ghotilo theome tangomana te tapla faparidi nomi naokare. Ghotilo rikhadi mare, naugna ghotilo themi teke eni papara te thoke ghami ghotilo igne. Eghume, ghotilo te gnafa na mala lehe. Jame theome kafe gnubra ghotilo glepo teke blau ghotilo ra meuna, iara ginauna theome tangomana te togho ghami ghotilo na.

Josua 6:3

Iagho balugna nou armi na tei faligohoni namono igne kaisei fata kaisei narane ghilei thokeni namno narane.

Eksodas 33:14

Lord ne cheke eghu, “Moses, thosei nanga nou! Iara ginauna tei balumu iagho! Gobigna lepore ginauna keli ranghi nigho iagho.”

Diutronomi 26:1

Mae Moses ne cheke eghu, “Lord nomi God ghotilo igne neke tusu ari glose ka ghotilo mala hata khotogna. Eghume kate au fakeli ghotilo tagna na,

Josua 11:23

Mae Josua ne kafe atha tongana namono igre ne tufa fari hoteidi vike te gnafa Israel. Eghuteuna kate atha te gnafa mae Israel namono igre, mare ne gnafa magra na ne au soru ka pharikeli.

Diutronomi 3:18

“Eghuteuna ka narane tuana, iara neke cheke faheta eghu ka vikedi mae Ruben, mae Gad nei mae Manase, ‘Lord, nomi God ghotilo, mana neke tusu arihi glose igne ka ghotilo mala khotogna. Nu kate kasa ghotilo ka Khoꞌu biꞌo Jordan igne, nomi soldia ghotilo re ginauna hata tei baludi nodi glepo mala magra re mala tei magra ke uludi vikemi themi ghotilo naiknodi Israel.

Diutronomi 21:23

Thini igne thosei gefeu ka gaju na jare ghilei rane. Ghotilo giugilui thinigna mana na ka narane tuanala. Naugna ihei te lehe ke kligna gaju na, God ginauna parani mana. Eghume, ghotilo mala giugilui thinigna mae ihei teke eni puhi te diꞌa na mala theome goigoni ghotilo glose teke tusu ari Lord ka ghotilo igne.”