Diutronomi 25:1 - Buka Blahi Ka Cheke Holo

¹ Mae Moses neke cheke eghu, “Jame phia mae fari fapholai, phia mare tei ka fate mala fadoglini fapholai igne. Eghuteuna mae fate na ginauna cheke fajiflani ihei te doglo na, nei ihei te nabagna te au papara na.

Diutronomi 25:1 ပူးပေါင်းရင်းမြစ်များ

Proveb 17:15

Jame mae mala fate snakre fajiflani mae te diꞌa na, ba parani mae te keli na. Lord na tirognadi phei puhi igre.

Matiu 3:10

Nu gognarona God tarabana mala fate naikno jateula kaisei mae te au khila te mala kato soru gaju ra teuna la kulu auhi ka glathigna gaju na. Eghume, mana ginauna kato soru gaju te theo sisidi igre mala koko lao ka khaꞌaghi.

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Profet Habaku 1:13

Iagho thono blahi fara, eghuteuna iagho theome magnahaghei te filoni kaisei glepo te diꞌa. Naugna unha sagho te au kmu te theome paradi naiknodi Babilonia te diꞌa igrea? Mare lalamadi fara naikno te doglo te uludi mare igre.

Profet Habaku 1:4

Naiknore theome leghudi nou farirhiu iagho re, eghuteuna tirodi leghuni puhi te doglo te mala fateni naikno na. Mare tuthughu puhi te doglore ka puhi te diꞌa. Tuare te edi fabrahu mare kate hata kasa mare glokure ka naikno te doglore.”

Profet Esikiel 44:24

“Eghuteuna jame naiknore fari pholai, mae pris mala leghuni nogu vetula iara na mala fadoglini ka mare fapholai igne. Mare mala tajidi nogu gaghamu iara re, leghuni unha te chekeni ka nogu vetula iara na, eghuteuna tajini narane blahi Sabat.

Profet Isaia 11:4

nu mana ginauna fatedi naikno te kumare ka puhi te doglo. Mana ginauna famane fanomho fakeli ka fate igne mala ke hata fapulo unha teke nodi mare re. Ka nogna cheke te autagna nolaghi na mana ginauna paradi naiknogna nauthoglu igne. Eghuteuna kate cheke kolho mana na naikno te diꞌa re ginauna lehe.

Profet Isaia 5:23

Kate fatedi ghotilo naiknore, ghotilo lisa teidi kolho iheire te edi puhi te diꞌa re, naugna mare ne foli ghami ghotilo te mala eni nafnata puhi igne. Nu ghotilo atha tei ka sosolo naikno te doglore.

Profet Isaia 1:23

Nomi mae mala baubatu ghotilo igre tirodi leghudi nogu cheke iara re, eghuteuna mare kheradi fofodu mae te blau. Leuleghu fata na mare magnahaghei sileni cheke famaemahe koba. Eghuteuna mare theome toghodi goro sua te glehe kokoi ba goro naikno biꞌo tela lehehi khetodi ra.

Profet Isaia 1:17

Ghotilo hironi kolho puhi te doglo na. Ghotilo tathaji puhi te mala eni glepo te doglo na, eghuteuna ghotilo koko puhi te diꞌa te goigonidi keha naiknore. Eghuteuna toghodi goro sua glehe kokoi ba goro naikno biꞌo te lehehi khetodi re are.”

Fapea Samuel 23:3

Noda God tahati maeda Israel, mana neke cheke. Nodi Thina rheta mae Israel, mana neke cheke eghu ka iara, ‘King igne mana funei frunidi naiknore ka puhi te doglo, nei ka puhi te ghatho tahuni God,

Eksodas 22:9

Jame phei naikno fari pholai eigna kaisei buluka, ba kaisei dongki, ba kaisei vido pohe te kaisei nanaba ngala fifilodire, ne nogna thegna eghu keha naikno na nei jaola ngau keha naikno na teuna, mare ginau na athidi ka fate phei naikno igre. Eghuteuna ihei te cheke chaichaghi ka phei naikno igre na, naikno tuana ginau na phia fata foli fapulo ka mae khotogna na.

Diutronomi 17:11

Neubane unha nafnata cheke te farirhiu mare ka ghotilo na, nu ghotilo mala glealeꞌa tagna, eghuteuna ghotilo mala leghu fakelidi eghuteuna thosei ghatho ihoi kaisei glepo.

Diutronomi 24:22

Leuleghu fata na ghotilo ghathoni narane teke sneka ghotilo Ijep ia. Naugna igne te tusu ari iara nafnata vetula igre ka ghotilo.”

Ululahu Kings 8:32

Ka narane igne, neuba iagho ne au neu kligna, iagho fanomho mei mala fadoglini puhi igne. Jame te theome doglo tutuani mana na, iagho fateni nei parani eghu leghuni unha teke eni mana na. Nu jame te doglo kolho mana na, iagho tangomana te chekeni te mana theome naba te papara na.

Profet Isaia 5:20

Kokhoni ghami fara ghotilo iheire te chekeni te glepo te diꞌare keli kolho ka gaoghathomi ghotilo re, eghuteuna glepo te keli re ke diꞌa! Tore! Gaoghathomi ghotilo gre thono diꞌa fara. Ka gaoghathomi ghotilo na grughu na ke naphae, eghuteuna naphae na ke grughu, eghuteuna glepo te mamahe na ke raha, eghuteuna glepo te raha na ke mamahe! Tore, gaoghathomi ghotilo igre thofno jafra fara!

Lamentations 3:35

God mae ihei te Haghe Fara igne laseni jame te hata fadelei mare nodi nolaghi keha naiknore,

Lamentations 3:36

Lord ginauna jaola laseni te theome leghuni mae fate na puhi te doglo na kate fate ghita tahati na.