Diutronomi 24:3 - Buka Blahi Ka Cheke Holo

³ Ke leghu, fapea khetogna na ke tirognani gaꞌase igne. Aonu mana rioriso pepa mala koko, eghuteuna tusu lao ka gaꞌase igne, eghuteuna mana jaola kuru fajiflani ka nogna suga na. Ba fapea khetogna naꞌa igne lehe.

Diutronomi 24:3 ပူးပေါင်းရင်းမြစ်များ

Matiu 5:31

“Nu kaisei na teuna, ghotilo la nomhinihi u farirhiu te cheke eghu ia, ‘Mae ihei te magnahaghei koko khetogna na, keli fara, mana na tusu lao pepa te mala sopa au na ka naꞌa, ame tangomana nga mana te tei kokoni khetogna na eghu.’

Nonomho Te Keli Teke Risoi Mae Mak 10:4

Mare ne cheke eghu ka mana, “Mae Moses tangomana te snakreni mae nalhaꞌu na te koko khetogna na jame te kulu rioriso mana kaisei vido pepa te mala koko khetogna na.”

Diutronomi 24:2

Eghume, gaꞌase igne jame ke tolaghi ka keha mae na.

Diutronomi 24:4

Jame te thoke mei puhi igre na, khetogna ulu lahu naꞌa igne theome tangomana teke tolaghi ka naꞌa na, naugna gaꞌase igne theome klino ka tathagna God, eghuteuna theome keli ka tathagna Lord na khetogna ulu lahu naꞌa igne teke tolaghi ka naꞌa na. Ghotilo ginauna thosei eni nafnata puhi te diꞌa igne ka glose teke tusu ari Lord ka ghotilo igne.”

Profet Isaia 50:1

Lord ne cheke eghu, “Ghotilo naiknomi Israel. Ba, ne tei koko ghamihi iara jateula mae ihei te tei kokoni khetogna na ia neu jau si ghotilo? Aheva gneu pepa te mala koko gaꞌase na? Ba, ne foli ghamihi iara ka naiknodi keha kantri are mala falehe kaoni mala naikno sneka eghu? Theo. Mare neke atha ghami ghotilo neke tei ka keha kantri delei naugna ghotilo ne edi kmana nakhibo fara. Eghuteuna iara theome magnahaghei ghami ghotilo naugna puhimi ghotilore thono diꞌa fara.

Profet Jeremaea 3:8

Maedi Israel igre huhughuni puhigna tholaghi na ne tolaghi pedo. Aonu iara ne rioriso kaisei pepa te mala klisu tholaghi igne. Eghuteuna iara ne tusu lao ka naꞌa pepa igne ne khi teini naꞌa. Eghuteuna greghagna naꞌa mae Juda igne ne filoni igne, nu neuba, naꞌa theome mhaghu ne tirogna au balugu iara kolho. Iara jaola ne filo tathagu te tei tafri naꞌa te eni puhi vine na.

Diutronomi 24:1

Mae Moses ne cheke eghu, “Jame kaisei mae tolaghi ka kaisei gaꞌase, eghuteuna ke leghu, mae igne ke tirognani gaꞌase igne naugna mana neke laseni kaisei glepo te diꞌa eigna naꞌa. Aonu mana rioriso pepa mala koko, eghuteuna tusu lao ka gaꞌase igne, eghuteuna mana kuru fajiflani naꞌa ka nogna suga na.