Diutronomi 24:22 - Buka Blahi Ka Cheke Holo

²² Leuleghu fata na ghotilo ghathoni narane teke sneka ghotilo Ijep ia. Naugna igne te tusu ari iara nafnata vetula igre ka ghotilo.”

Diutronomi 24:22 ပူးပေါင်းရင်းမြစ်များ

Diutronomi 24:18

Leuleghu fata na ghotilo ke ghathoni teke sneka ghotilo Ijep ia, eghuteuna Lord nomi God neke hata fajifla ghami ka na au sosolo igne. Naugna igne iara tusu ari ka ghotilo nafnata vetula igre.

Profet Isaia 51:1

Lord ne cheke eghu, “Ghotilo iheire te fariuriu leghuni puhigu iara te doglo igne ra, fanomho mei ka iara! Uve, ghotilo ghathodi kuꞌemi Ebraham ghe kavemi Sera tifa ra. Ghotilo neke karha mei ka vikedi repa. Ka narane teke kiloni iara mae Ebraham na, mana neke theo thugna. Nu iara neke fablahini mana neke au kmana thugna fara.

Diutronomi 7:8

Nu naugna mana namha ghami ghotilo, eghuteuna mana leghuni nhaꞌa cheke teke eni mana baludi kuꞌemi ghotilo tifa ra, mana neke fakarhi ghami ghotilo ka nogna nolaghi biꞌo na kani teke hata fajifla ghami ka khamegna king gna Ijep mala theome sneka ghotilo.

Diutronomi 24:21

Eghuteuna jame ghotilo tei ka nagare mala hata ghemi keha sisi grep, eghuteuna keha sisi au meu teuna, ghotilo thosei ke figri mala ke hata. Ghotilo khudau, ghedi naikno phosa, nei goro sua, nei goro naikno biꞌo.

Diutronomi 25:1

Mae Moses neke cheke eghu, “Jame phia mae fari fapholai, phia mare tei ka fate mala fadoglini fapholai igne. Eghuteuna mae fate na ginauna cheke fajiflani ihei te doglo na, nei ihei te nabagna te au papara na.