Diutronomi 24:2 - Buka Blahi Ka Cheke Holo

² Eghume, gaꞌase igne jame ke tolaghi ka keha mae na.

Diutronomi 24:2 ပူးပေါင်းရင်းမြစ်များ

Ululahu Korin 7:15

Jame kaisei naikno theome fatutuani ni Kraes, eghuteuna magnahaghei koko khetogna te fatutuani ni Kraes na teuna, keli kolho te snakre teini na. Jame te eghu na, thabusida ba greghada ka Kraes tuana na snagla ka puhi tholaghi na. Nu te tangomana na, repa au fodu naugna God neke kilo ghita mala au ka pharikeli.

Nonomho Te Keli Teke Risoi Mae Mak 10:11

Mana ne cheke eghu ka mare, “Mae ihei te koko khetogna na, eghuteuna ke tolaghi ka keha gaꞌasei teuna, mana khale ka tholaghi pedo.

Matiu 5:32

Nu te chekeni iara ka ghotilo na, mae ihei te koko khetogna na, eghuteuna ke tolaghi naꞌa ka kaisei mae delei ngau teuna, naꞌa na khale ka tholaghi pedo, naugna nakhibogna mae khetogna na. Eghuteuna, mae ihei teke tolaghi ka naꞌa na mana khale la kau tholaghi pedo.”

Profet Esikiel 44:22

Eghuteuna mae pris na theome mala tolaghi ka gaꞌase teke divos khetogna na. Mana tangomana te tolaghi ka kaisei gaꞌase kupigna Israel kolho te theo kaisei mae te thuru teu balugna, ba tolaghi ka gaꞌase teke lehe kokoi kaisei mae pris.

Naba 30:9

“Jame kaisei naikno biꞌo glehe kokoi, ba kaisei gaꞌase koko khetogna na, nu nhaꞌa cheke ka Lord teuna, naꞌa mala ediu ngala gobi lepo teke nhaꞌa cheke mala edi teku re.

Levitikas 22:13

Jame mae tuana koko khetogna na ba mana lehe, eghuteuna naꞌa theo thugna. Jame teke pulo mei naꞌa ka sugagna kmagna na mala ke au jateula ame tolaghi nga teku ia, naꞌa tangomana teke ghamu gano blahi kmagna na. Nu ihei te theome tharakna gna pris na theome tangomana te ghamu gano blahi na.

Levitikas 21:14

Mae pris biꞌo theome tangomana te tolaghi ka gaꞌase glehe kokoi, ba gaꞌase teke divos mare, ba kaisei gaꞌase vine. Eghuteuna mana mala tolaghi ka kaisei gaꞌase majaghani ka vikegna Livae, teke theo kaisei mae teke thuru balugna naꞌa teku na.

Levitikas 21:7

“Pris te gnafa igre mala blahi ranghi ghau iara nogna God, eghume mana mala theome tangomana te tolaghi ka gaꞌase vine na, ba gaꞌase teke koko khetogna na.

Diutronomi 24:1

Mae Moses ne cheke eghu, “Jame kaisei mae tolaghi ka kaisei gaꞌase, eghuteuna ke leghu, mae igne ke tirognani gaꞌase igne naugna mana neke laseni kaisei glepo te diꞌa eigna naꞌa. Aonu mana rioriso pepa mala koko, eghuteuna tusu lao ka gaꞌase igne, eghuteuna mana kuru fajiflani naꞌa ka nogna suga na.

Diutronomi 24:3

Ke leghu, fapea khetogna na ke tirognani gaꞌase igne. Aonu mana rioriso pepa mala koko, eghuteuna tusu lao ka gaꞌase igne, eghuteuna mana jaola kuru fajiflani ka nogna suga na. Ba fapea khetogna naꞌa igne lehe.