Diutronomi 24:16 - Buka Blahi Ka Cheke Holo

¹⁶ “Jame kaisei sua huhughuni vetula na eghuteuna nabagna te lehe na, ghotilo thosei faleheni mae kmagna na. Eghuteuna jame kaisei mae huhughuni vetula te nabagna te lehe na, ghotilo ginauna thosei faleheni thugna mana na. Naikno na tangomana te lehe eigna nakhibo gna thegna na.

Diutronomi 24:16 ပူးပေါင်းရင်းမြစ်များ

Profet Esikiel 18:20

Mae ihei te tapla jafra ka nakhibo na, mana ginauna mala lehe. Thugna mana re ginauna theome tangomana te au papara ka nakhibogna mae kmadi na, eghuteuna mae kmadi na theome tangomana te au papara ka nakhibodi thudi re. Ihei te au doglo na, mana ginauna hata nogna fablahi, nu ihei te diꞌa na mala au papara eidi glepo te diꞌa teke edi mana re.

Fapea Kronikols 25:4

Nu mana neke theome falehedi thugna manare, naugna mana leghuni unha teke chekeni Lord ka nogna vetula mae Moses. Ka vetula igne Lord neke cheke eghu faheta, “Jame kaisei mae sitei huhughuni vetula na, eghuteuna mana nabagna te lehe tagna na, ghotilo theome tangomana te faleheni kmagna mana na. Eghuteuna jame kaisei mae huhughuni vetula na, eghuteuna mana nabagna te lehe tagna na, ghotilo ginauna thosei faleheni thugna mana na. Mana thegna mala lehe eigna nakhibogna thegna na.”

Naba 26:11

Nu thugna mae Kora re ne theome lehe ka vido tuana.

Profet Daniel 6:24

Aonu mae king ne cheke ka nogna mae glokure mala hata meidi mae iheire teke fateni mae Daniel ra. Aonu mare hata ne mei mae igre baludi khetodi nei thudi teure mala koko soru ka khora lion igne. Naikno igre theome tei thoke neu pari ne hui ka lion.

Ululahu Samuel 22:16

Nu King ne cheke eghu, “Ghema Ahimelek, gognarona iagho baludi vikemu gre mala kafe lehe.”

Profet Esikiel 18:4

Mae te gnafa igre nogu iara. Uve, ido nei mama nei goro sua langau teu igre nogu iara. Nu mae ihei te tapla jafra ka nakhibo na, mana ginauna lehe ka nakhibogna thegna.