Diutronomi 24:15 - Buka Blahi Ka Cheke Holo

¹⁵ Leuleghu narane na, ame plulu nga naprai na teuna, ghotilo folini teke loku mana na, naugna mae igne kuma fara eghuteuna mana magnahaghei sileni. Jame te theome folini ghotilo mana na, mana ginauna tei tanhi ka Lord, eghuteuna ghotilo ginauna naba te papara ka nakhibo igne.

Diutronomi 24:15 ပူးပေါင်းရင်းမြစ်များ

Levitikas 19:13

“Eghuteuna ghotilo thosei chaghi tafrini ba blauni kherami na. Eghuteuna kate hata ghotilo kaisei te mala edi nomi gloku re, ghotilo mala thosei toki au nogna taba mana na ghilei thokeni keha narane na. Ghotilo mala folini mana ka narane teke loku mana tuana la.

Jemes 5:4

Fanomho mei ka iara ghotilo ia! Igne keha fagaglana eigna puhi te salo fodu sileni ghotilo malami themi kolho na. Ghotilo chaghidi nei theome tabadi eghu kolho nomi mae glokure. Eghuteuna God mae ihei te nolaghi na ngala te nomhidi nodi natanhi nei diꞌanagnafa teu nomi mae gloku ghotilo re.

Profet Jeremaea 22:13

Lord ne cheke eghu, “Kokhoni ni fara king te theome leghuni puhi te doglo na kate horo nogna suga na. Nu mana chaghidi nogna mae glokure kate horo mare chogho ke kligna suga na. Kokhoni ni fara mae king te huhurudi nogna mae glokure, nu theome folidi teu igre.

Diutronomi 15:9

Ghotilo thosei au gaoghatho te diꞌa nei tiromi te tusu lao kaoni ka ihei nga eghu naugna fafitu finogha te mala ghiha koko kaoni na la namohi. Ghotilo thosei snakreni gaoghatho ghamu nhoto tuana mala tiromi toghoni kherami te au ka puhi biꞌo na. Naugna jame te theome toghoni ghotilo mana na, mana ginauna tanhi lao ka Lord, eghuteuna Lord ginauna ghathoni te ghotilo nabami te au papara eigna igne.

Thoutonu Eigna Mae Job 35:9

Kate thoke mei puhi biꞌo ka naiknore, naiknore tanhi nodi fara. Uve, kate kegra haghe mae biꞌore te goigonidi naiknore, mare ehani ihei mala toghodi.

Thoutonu Eigna Mae Job 34:28

Leuleghu fata na mare neke goigonidi fara naikno te kuma re. Eghuteuna naikno te kuma igre tanhi ka God. God nomhidi iheire te au kokhonidi, ne toghodi.

Nonomho Te Keli Teke Risoi Mae Mak 10:19

Uve, iagho la lasedihi vetulara, ‘Thosei tolaghi pedo. Thosei falehe naikno. Thosei blau. Thosei chaghi eigna kaisei mae kau fate. Thosei chaghi mala blau. Ghatho tahudi idomu kmamure.’ ”

Matiu 20:8

“Rafi soru, mae khoto nagare na ne cheke eghu ka mae te reireghidi mae gloku re, ‘Eha meidi mae gloku ra, mala folidi nodi tabare. Iagho na fufunu folidi mae teke tei loku leghu lahu ra tei gnafa ka mae teke kulu tei loku ra.’

Profet Isaia 5:7

Tutuani, nogna nagare grep Lord mae ihei te au nolaghi fateote'o igne, naiknodi Israel. Uve, ghotilo naiknomi Juda igre jateula kaisei nagare te thono magnahagheni fara ia eghu. Lord na thono rouronu fara ka ghotilo te mala fatedi keha naiknore ka puhi te doglo, nu ghotilo falehedi koba naiknore. Mana rouronu ka ghotilo te mala leghuni puhi te doglo na, nu ghotilo paradi koba naiknore eghu.

Nodi Khoje Hatimare Mae Jiu 86:4

Lord, faglealeꞌa ghau, naugna iara gne nou mae gloku iagho, nei iara gne tarai ari kolho ka iagho.

Nodi Khoje Hatimare Mae Jiu 25:1

Lord, iara tarai ka iagho kolho.

Nodi Khoje Hatimare Mae Jiu 24:4

Uve, ihei te klino nakarhagna na te theome tapla jafra ka nakhibo na, ihei ngala te theome pogho soru ka mumuju, nei ihei ngala te theome nhaꞌa cheke chaichaghi teu igne ngala nafnata naikno te nabagna na.

Thoutonu Eigna Mae Job 31:38

“Jame te theome reireghi fakelini iara nogu glose na, eghuteuna iara goigonini,

Ululahu Timoti 5:18

Eigna te chekeni ka grioriso te blahi na cheke eghu, “Thosei haru foflogna buluka na mala lhotini te ghamu kate tapla naꞌa ke kligna wit na.” Eghuteuna grioriso te blahi na jaola cheke eghu, “Mae gloku na naba te hata nogna taba.”

Levitikas 25:35

“Jame kaisei kheramu thono kuma fara eghuteuna mana thono theome au kaisei glepo te mala reireghini thegna na, te eghu na, ghotilo mala reireghini nei toghoni eghu mana jateula puhi te reireghidi nei toghodi teu ghotilo naikno phosa te au balumi ghotilo are eghu.

Thoutonu Eigna Mae Job 31:13

“Jame kaisei nogu mae gloku iara ba kaisei nogu gaꞌase gloku iara khuru cheke ka iara, aonu iara fanomho fabrahu kolho tagna, eghuteuna iara fadoglini glepo igne.

Thoutonu Eigna Mae Job 7:2

Nakarha igne jateula kaisei naikno sneka te babaꞌo fara te magnahaghei tei gnafa ka naungogna gaju te jemnu ra eghu. Uve, nakarha na jateula mae gloku te ofo mala hata nogna taba ra eghu.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”