Diutronomi 24:14 - Buka Blahi Ka Cheke Holo

¹⁴ “Jame kaisei nomi mae gloku ghotilo kuma fara, neuba ne kherami, ba mae phosa te au ka nomi namono ghotilo na, ghotilo thosei chaghini mana.

Diutronomi 24:14 ပူးပေါင်းရင်းမြစ်များ

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Proveb 22:16

Kaisei mae chaghini mae te kuma na mala tangomana mana te dedei na, eghuteuna keha mae na tufa namha ka mae te dedei na, phei mae igre ginauna na kafe kuma.

Profet Emos 4:1

Ghotilo goro gaꞌasemi Samaria te dedei ra, fanomho ka cheke igre. Ghotilo gognarona blokha jateula buluka te ghamu buburu te blokha ra neu ne theome nanga nomi ni kaisei glepo. Ghotilo theome kokhonidi naikno te nigra, nei filo faparidi iheire te kuma. Ghotilo cheke eghu koba ka khetomire, “Hata mei kmana waen mala koꞌu thaviru nogu!”

Luku 10:7

Ghotilo au kmu ka sugadi naikno teke hata pharikeli tuana. Eghuteuna ghotilo ima nei koꞌu eghu unha te tusu ranghi ghami naiknore, naugna mae ihei te loku na, mana nabagna te hata nogna taba na. Thosei leuleghu suga.

Profet Emos 2:7

Mare tapla faparidi nei theome toghodi neu iheire te nigra ba iheire te kuma. Jaola mae kmagna ghe mae thugnare kafe tapla jafra ka kaisei gaꞌase kolho. Puhi igre thofno diꞌa fara, nei famamajani eghu nanghagu iara te blahi na.

Profet Emos 8:4

Ghotilo mae bisnis te goigonidi naikno te kuma nei tapla faparidi iheire te theo kaisei nodi glepo teura! Ghotilo fanomho fakeli!

Profet Esikiel 22:7

Theo kaisei naikno ka namono igne te ghatho tahudi idodi kmadire. Eghuteuna ghotilo chaghidi naiknodi delei te mei au balumi, goro sua glehe kokoi, nei goro naikno biꞌo te glehe kokoi.

Ululahu Timoti 5:18

Eigna te chekeni ka grioriso te blahi na cheke eghu, “Thosei haru foflogna buluka na mala lhotini te ghamu kate tapla naꞌa ke kligna wit na.” Eghuteuna grioriso te blahi na jaola cheke eghu, “Mae gloku na naba te hata nogna taba.”

Levitikas 19:13

“Eghuteuna ghotilo thosei chaghi tafrini ba blauni kherami na. Eghuteuna kate hata ghotilo kaisei te mala edi nomi gloku re, ghotilo mala thosei toki au nogna taba mana na ghilei thokeni keha narane na. Ghotilo mala folini mana ka narane teke loku mana tuana la.

Diutronomi 15:7

“Kate tei te au ghotilo ka glose teke tusu ari Lord nomi God ka ghotilo na, jame kaisei kherami ghotilo ka namonomi na kmoꞌe ka glepo, ghotilo thosei hongo ghami ka mana, eghuteuna thosei thodo te toghoni na.