Diutronomi 24:13 - Buka Blahi Ka Cheke Holo

¹³ Leuleghu narane na, ghotilo hata fapulo pohe igne ka mana grafiro, mala totoku mana kate thuru na. Jame te eghu na, mana ginauna glealeꞌa ka iagho. Eghuteuna Lord ginauna filoni puhimi ghotilo te doglo fara na.

Diutronomi 24:13 ပူးပေါင်းရင်းမြစ်များ

Profet Daniel 4:27

Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”

Diutronomi 6:25

Eghuteuna jame te thofno leghudi tahati vetula te chekedi God igre na, tahati tangomana te au doglo balugna Lord noda God.’ ”

Diutronomi 24:15

Leuleghu narane na, ame plulu nga naprai na teuna, ghotilo folini teke loku mana na, naugna mae igne kuma fara eghuteuna mana magnahaghei sileni. Jame te theome folini ghotilo mana na, mana ginauna tei tanhi ka Lord, eghuteuna ghotilo ginauna naba te papara ka nakhibo igne.

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Efesus 4:26

Ne diꞌa tamu nganu, thosei snakreni diꞌa tamu na mala eni kaisei najafra. Thosei diꞌatami fabrahu ghilei plulu naprai na.

Profet Emos 2:8

Ka nodi narane biꞌo te khapru te mala tarai na, mare kifra thuru rhegna olta na ka pohe teke hata ka naikno te kumare. Eghuteuna ghotilo hata tathaji malami themi pohe teke kaoni ka naikno te kumare, mala thuru ka pohe tuana rhegna olta na. Eghuteuna ghotilo hata sileni teke faen naikno te kuma re igne mala foli waen mala koꞌu ghilei thaviru ka sugagna nomi god na.

Profet Esikiel 33:15

Uve, jame teke tusu fapulo mana glepo teke hata teke kaoni nogna kaisei mae te kuma na, eghuteuna ke tusu fapulo glepo teke blaure, eghuteuna leghudi vetula te tusu ranghini u nakarha na, eghuteuna theome ke tapla jafra ka nakhibo teuna, mana ginauna hatini u karha na. Mana na theome lehe.

Profet Esikiel 18:12

Mana goigonidi koba naikno te kuma re eghuteuna mana blau koba. Eghuteuna mae igne loku fapulo koba glepo teke lilisei ka mana mae kheragna fofodu na, mala eni ghu mana kaisei nogna glepo teku na. Kate hata fapulo mae igne unha teke nogna re, mana theome tangomana teke tusu fapulo unha mae igne teke lisei soru teku ka mana na. Mana tei koba ka nodi vido mala tarai mae bongihehe ke kligna thogele, eghuteuna mana tarai koba ka mumuju te thono diꞌa fara.

Profet Esikiel 18:7

Mana theome tangomana te parani ihei na. Mana theome tangomana teke loku faleghu kaisei glepo teke lilisei ihei balugna mana mala enighu kaisei nogna glepo teku mana na. Ka teke hata fapulo mae igne unha teke nogna mana re, mana ke tusu fapulo unha teke au balugna mana re. Mana theome tangomana te blau na. Mana tangomana tufa gano ka ihei te theo ghegna gano na, eghuteuna tangomana te tufa pohe ka ihei te theo nogna pohe na.

Profet Isaia 58:8

Jame te eni ghotilo puhi te magnahagheni iara igne na, iara ginauna atha fadelei khabrumi ghotilore, jateula naprai hamerane te atha fadelei u gromno bongiro ra eghu. Eghuteuna iara ginauna na ghosei fakeli fapulo ghami ghotilo. Uve, iara ginauna na baubatu ghami ghotilo leghuni puhigu iara te doglo igne, eghuteuna nogu nolaghi biꞌo iara na ginauna phae faligoho ghami ghotilo.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Jenesis 15:6

Mae Ebram ne fatutuani ni nogna cheke Lord na, eghuteuna Lord ne kiloni mana kaisei mae te doglo ke ulugna mana.

Profet Esikiel 18:16

Mana theome parani ihei, eghuteuna kate hata sileni ghu kolho ka mae te kuma na, mana theome tangomana te lilisei faraugha keha glepo, nu mana ke foli fapulo sileni tuana. Mana theome blau, eghuteuna mana tufa gano ka ihei te theo ghegna gano na, eghuteuna tufa pohe ka ihei te theo nogna pohe na.

Diutronomi 24:12

Jame mae igne kuma fara, ghotilo thosei hata nogna pohe na bongiro.

Eksodas 22:25

“Jame kmoꞌe ka sileni nogu naikno iara igre na, mare na kaoni keha sileni ka ghotilo, eghuteuna kate tughu fapulo mare u kaoni igne na ghotilo thosei jateula te eni bisnis ra eghu me tore me salaꞌuni nihai teke atha mare na eghu ia.